ಬೆಳ್ತಂಗಡಿ: ಕೆ.ಇ.ಬಿ.ರೋಡ್ – ರೆಂಕೆದಗುತ್ತು ರಸ್ತೆಯ ಹೊಂಡ‌ ಮುಚ್ಚುವ ಕಾರ್ಯ

ಬೆಳ್ತಂಗಡಿ: ಸಂಪೂರ್ಣವಾಗಿ ಹೊಂಡ ಗುಂಡಿಗಳಿಂದ ಹದಗೆಟ್ಟಿರುವ ಬೆಳ್ತಂಗಡಿ ಕೆ.ಇ.ಬಿ.ರಸ್ತೆಯಿಂದ ರೆಂಕೆದಗುತ್ತಿನವರೆಗೆ ಯುವಕರು ಶ್ರಮದಾನ ಮೂಲಕ ಹೊಂಡಗಳನ್ನು ಮುಚ್ಚುವ ಕಾರ್ಯ ಅ.27ರಂದು ನಡೆಸಿದರು.

ಪಟ್ಟಣ ಪಂಚಾಯತ್ ವ್ಯಾಪ್ತಿಯ ಕೆ.ಇ.ಬಿ.ರೋಡ್ ನಿಂದ ರೆಂಕೆದಗುತ್ತಿನ ತನಕ‌ ರಸ್ತೆಯಲ್ಲಿರುವ ಹೊಂಡಗಳನ್ನು ಮಣ್ಣು ಹಾಕುವುದರ ಮೂಲಕ ಮುಚ್ಚುವ ಕಾರ್ಯ ನಡೆಸಲಾಯಿತು. ಪ್ರತಿ ನಿತ್ಯ ನೂರಾರು ವಾಹನಗಳು ಸಂಚರಿಸುವ ರಸ್ತೆ ಇದಾಗಿದ್ದು, ವಾಹನ ಸಂಚಾರ ತ್ರಾಸದಾಯಕವಾಗಿದೆ.

ಮಳೆ ಬಂದರೆ ಮತ್ತೆ ಮಣ್ಣು ಎದ್ದು ಹೋಗುವುದರಿಂದ ಸಂಬಂಧ ಪಟ್ಟ ಅಧಿಕಾರಿಗಳು ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಸಾರ್ವಜನಿಕರು ಆಗ್ರಹಿಸುತ್ತಿದ್ದಾರೆ. ಶ್ರಮದಾನದಲ್ಲಿ ಪಟ್ಟಣ ಪಂಚಾಯತ್ ಮೇಲ್ವಿಚಾರಕ ಕರುಣಾಕರ ಬಂಗೇರ, ಪ.ಪಂ. ನಾಮ ನಿರ್ದೇಶನ ಸದಸ್ಯ ಬಶೀರ್,‌ ಸಂತೆಕಟ್ಟೆ ಅಯ್ಯಪ್ಪ ಗುಡಿ ರಿಕ್ಷಾ ಪಾರ್ಕ್ ನ ಸದಸ್ಯರು ಸಂದೀಪ್ ಮೋಹನ್ , ಶರತ್, ಗಂಗಾಧರ, ಶ್ರವಣ್ ,‌ಅಭಿ ಗೌಡ , ವಿಠಲ , ಹರೀಶ್ , ರಂಜಿತ್, ಪ್ರವಿಣ್ ಹಾಗೂ ಆಟೋರಿಕ್ಷಾ ಚಾಲಕರು ಹಾಗೂ ಮಾಲಕರು ಪಾಲ್ಗೊಂಡಿದ್ದರು.

p>