ಪದ್ಮುಂಜ: ಅಂತರ ರವಿಚಂದ್ರ ಶೆಟ್ಟಿಯವರ ಗೃಹಪ್ರವೇಶ ಪ್ರಯುಕ್ತ ಇಫ್ತಾರ್ ಸಂಭ್ರಮ

ಪದ್ಮುಂಜ: ಅಂತರ ರವಿಚಂದ್ರ ಶೆಟ್ಟಿಯವರ ಹೊಸ ಮನೆ ಗೃಹಪ್ರವೇಶ ಮಾ.25 ನಡೆಯಿತು.

ಇದರ ಪ್ರಯುಕ್ತ ಮುಸ್ಲಿಂ ಸಮುದಾಯದ ಬಾಂಧವರಿಗೆ ವಿಶೇಷವಾದ ರಂಜಾನ್ ಇಫ್ತಾರ್ ಸಂಭ್ರಮ ಕಾರ್ಯಕ್ರಮ ಅವರ ಹೊಸ ಮನೆಯಲ್ಲಿ ಮಾ.25ರಂದು ಏರ್ಪಡಿಸಲಾಗಿತ್ತು.

ಈ ಅಪರೂಪದ ಕಾರ್ಯಕ್ರಮದಲ್ಲಿ ಮನೆ ಮಾಲಿಕ ರವಿಚಂದ್ರ ಶೆಟ್ಟಿ, ಕುಟುಂಬಸ್ಥರಾದ ರಮಾನಾಥ ಶೆಟ್ಟಿ, ವಿಠಲ ಶೆಟ್ಟಿ, ಹಿರಿಯರಾದ ಉದಯ ಕುಮಾರ್ ಶೆಟ್ಟಿ, ಜಮಾಅತ್ ಅಧ್ಯಕ್ಷ ರಫೀಕ್, ಅಂತರ ಪ್ರದಾನ ಕಾರ್ಯದರ್ಶಿ ಕಾಸಿಂ ಪದ್ಮುಂಜ, ಎಸ್ ವೈ ಎಸ್ ಝೋನ್ ಕಾರ್ಯದರ್ಶಿ ಮುಹಮ್ಮದ್ ಖಲಂದರ್, ಎಸ್ ವೈ ಎಸ್ ಯೂನಿಟ್ ಅಧ್ಯಕ್ಷ ನಝೀರ್ ಮಲೆಂಗಲ್ಲು, ಕಾರ್ಯದರ್ಶಿ ಅಶ್ರಫ್ ಮಲೆಂಗಲ್ಲು, ಕೋಶಾಧಿಕಾರಿ ರಮ್ಲಾನ್ ಮಲೆಂಗಲ್ಲು, ಎಸ್ ಎಸ್ ಎಫ್ ಅಧ್ಯಕ್ಷ ನವಾಝ್ ಅಂತರ, ಕೋಶಾಧಿಕಾರಿ ನಾಸಿರ್ ಮಲೆಂಗಲ್ಲು, ಜಲಾಲಿಯ ಟೂರ್ಸ್ ನಾಯಕ ಫಾರೂಕ್ ಸ ಅದಿ ಸೇರಿದಂತೆ ಜಮಾಅತ್ ನೇತಾರರು ಉಪಸ್ಥಿತರಿದ್ದರು.

ಜಮಾಅತ್ ಪ್ರಧಾನ ಕಾರ್ಯದರ್ಶಿ ಕಾಸಿಂ ಪದ್ಮುಂಜ ರವರು ಮಾತನಾಡಿ ರವಿಚಂದ್ರ ಶೆಟ್ಟಿಯವರ ಈ ವಿಶೇಷ ಕಾರ್ಯಕ್ರಮಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿ, ಜಾತ್ಯತೀತ ಭಾರತ ದೇಶದಲ್ಲಿರುವ ನಾವು ಸರ್ವ ಮತ ಭಾಂದವರ ಅನ್ಯೋನ್ಯತೆಯ ಈ ಕಾರ್ಯಕ್ರಮವು ಎಲ್ಲರಿಗೂ ಮಾದರಿ ಕಾರ್ಯಕ್ರಮವಾಗಿದೆ ಎಂದು ಹೇಳಿ ಶುಭ ಹಾರೈಸಿದರು.

p>