ಬೆಳ್ತಂಗಡಿ: ಶ್ರೀ ಸತ್ಯಸಾಯಿ ಬಾಬಾ ರವರ ಜನ್ಮದಿನೋತ್ಸವ ಕಾರ್ಯಕ್ರಮ

ಬೆಳ್ತಂಗಡಿ: ಅಖಿಲ ಬಾರತ ಶ್ರೀ ಸತ್ಯ ಸಾಯಿ ಸೇವಾ ಸಮಿತಿ ಬೆಳ್ತಂಗಡಿ ಹಾಗೂ ಶ್ರೀ ಸನಾತನ ಸಾರಥಿ ಸೇವಾ ಟ್ರಸ್ಟ್ ಬೆಳ್ತಂಗಡಿ ಆಶ್ರಯದಲ್ಲಿ ಕಲಿಯುಗಾವತಾದಿ ಭಗವಾನ್ ಶ್ರೀ ಸತ್ಯ ಸಾಯಿ ಬಾಬಾ ರವರ 98ನೆಯ ಜನ್ಮದಿನೋತ್ಸವ ಕಾರ್ಯಕ್ರಮ ನ.23ರಂದು ಹುಣ್ಸೆಕಟ್ಟೆ ಸಮುದಾಯ ಭವನದಲ್ಲಿ ಜರಗಿತು.

ಬೆಳಿಗ್ಗೆ 5 ಗಂಟೆಗೆ ಓಂಕಾರ, ಸುಪ್ರಭಾತ ಪಠಣದ ಬಳಿಕ ಹುಣ್ಸೆಕಟ್ಟೆ ಪರಿಸರದಲ್ಲಿ ನಗರ ಸಂಕೀರ್ತನೆ ಜರಗಿತು.ಸುಮಾರು 18 ಮನೆಗಳಲ್ಲಿ ದೀಪ ಇಟ್ಟು ಮನೆಯವರು ಈ ನಗರ ಸಂಕೀರ್ತನೆಯಲ್ಲಿ ಪಾಲ್ಗೊಂಡರು.ಮದ್ಯಾಹ್ನ ಬೆಳ್ತಂಗಡಿ ಸರಕಾರಿ ಆಸ್ಪತ್ರೆ ರೋಗಿಗಳಿಗೆ ಹಣ್ಣು ಹಂಪಲು, ಶ್ರೀ ಸ್ವಾಮಿಯ ಪ್ರಸಾದ, ಸಿಹಿತಿಂಡಿ ವಿತರಿಸಲಾಯಿತು.

ದಿ.ರಾಮದಾಸ ಬಾಳಿಗ ಮತ್ತು ಮಕ್ಕಳ ಪ್ರಾಯೋಜಕತ್ವದಲ್ಲಿ ಈ ಸೇವಾ ಕಾರ್ಯಕ್ರಮ ಜರುಗಿತು.ಸಾಯಂಕಾಲ 6 ಗಂಟೆಗೆ ಶ್ರೀ ಸ್ವಾಮಿಯ ಅಷ್ಟೋತ್ತರ, ಸಹಸ್ರನಾಮ ಅರ್ಚನೆ, ಸಮಿತಿಯ ಸದಸ್ಯರಿಂದ ಭಜನೆ, ಸತ್ಸಂಗ ಕಾರ್ಯಕ್ರಮ ಬಳಿಕ ಮಂಗಳಾರತಿ, ಪ್ರಸಾದ ವಿತರಣೆ ಜರಗಿತು.

ಗುರುವಾಯನಕೆರೆಯ ಹೇಮಂತ ಎರ್ಡೂರು ಅವರು ಭಕ್ತಾದಿಗಳಿಗೆ ಫಲಾಹಾರದ ವ್ಯವಸ್ಥೆ ಮಾಡಿದ್ದರು.ಹುಣ್ಸೆಕಟ್ಟೆ ಶ್ರೀ ಸಾಯಿರಾಮ್ ಡೆಕೋರೇಟರ್ಸ್ ನ ಸೀತಾರಾಮ, ಉಲ್ಲಾಸ್ ಮಂಟಪದ ವ್ಯವಸ್ಥೆ ಮಾಡಿದ್ದರು.

ಸಮಿತಿಯ ಸಂಚಾಲಕ ಎ.ಕೃಷ್ಣಪ್ಪ ಪೂಜಾರಿ ಕೃತಜ್ಞತೆ ಸಲ್ಲಿಸಿದರು.ಬೆಂಗಳೂರಿನ ಸಾಯಿ ಭಕ್ತ ರಂಗನಾಥ ಪೈ ಅವರು ವಿದ್ಯಾರ್ಥಿ ವೇತನ ಮೊತ್ತ ರೂ.5,000 ಬಡ ಹುಡುಗಿಗೆ ವಿತರಿಸಿದರು.

p>