ಬೆಳ್ತಂಗಡಿ: ತಾಲೂಕಿನ ಸವಣಾಲು ಗ್ರಾಮದ ಪ್ರಸಿದ್ಧ ‘ಶ್ರೀ ದುರ್ಗಾಕಾಳಿಕಾಂಬ ಕ್ಷೇತ್ರ, ಕಾಳಿಬೆಟ್ಟ’ದಲ್ಲಿ ಪ್ರತಿ ವರ್ಷದಂತೆ ಈ ವರ್ಷವೂ ಶರನ್ನವರಾತ್ರಿ ಮಹೋತ್ಸವವು ಅಕ್ಟೋಬರ್ 11ನೇ ರವಿವಾರದಿಂದ ಅಕ್ಟೋಬರ್ 20ನೇ ಮಂಗಳವಾರದವರೆಗೆ ವಿಜೃಂಭಣೆಯಿಂದ ನಡೆಯಲಿದೆ.
ಉತ್ಸವದ ದಿನಗಳಲ್ಲಿ ಪ್ರತಿದಿನವೂ ಶ್ರೀ ಕ್ಷೇತ್ರದಲ್ಲಿ ಚಂಡಿಕಾಹೋಮ, ವಿಶೇಷ ಪೂಜೆ ಹಾಗೂ ಅನ್ನಸಂತರ್ಪಣೆ ಜರಗಲಿದೆ. ಭಕ್ತಾದಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ದೇವಿಯ ಕೃಪಾಕಟಾಕ್ಷಕ್ಕೆ ಪಾತ್ರರಾಗಬೇಕಾಗಿ ಕ್ಷೇತ್ರದ ಆಡಳಿತ ಮಂಡಳಿ ವಿನಂತಿಸಿದೆ.
ಅಕ್ಟೋಬರ್ 11 (ರವಿವಾರ) ರಿಂದ ಅಕ್ಟೋಬರ್ 20 (ಮಂಗಳವಾರ): ನವರಾತ್ರಿ ಉತ್ಸವ ಹಾಗೂ ಪ್ರತಿದಿನ ಚಂಡಿಕಾಹೋಮ, ವಿಶೇಷ ಪೂಜೆ ಮತ್ತು ಅನ್ನಸಂತರ್ಪಣೆ.ಅಕ್ಟೋಬರ್ 17 (ಶನಿವಾರ): ಶ್ರೀ ಶಾರದ ಪೂಜೆ ಹಾಗೂ ಅಕ್ಷರಾಭ್ಯಾಸ.ಅಕ್ಟೋಬರ್ 18 (ರವಿವಾರ): ಬೆಳಗ್ಗೆ 09:00 ಗಂಟೆಗೆ ಶ್ರೀ ಕಾಳಿಗುಡಿಯಲ್ಲಿ ತೆನೆ ಪೂಜೆ, ಮಧ್ಯಾಹ್ನ ವಿಶೇಷ ಪೂಜೆ ಹಾಗೂ ರಾತ್ರಿ ಹೂವಿನ ಪೂಜೆ, ಅಷ್ಟಾವಧಾನ, ರಂಗಪೂಜೆ ಮತ್ತು ವಾಹನ ಪೂಜೆ.ಅಕ್ಟೋಬರ್ 19 (ಸೋಮವಾರ): ಸಂಜೆ 05:00 ಗಂಟೆಯಿಂದ ವಾಹನ ಪೂಜೆ; ರಾತ್ರಿ ಶ್ರೀ ಮೂಲದುರ್ಗಾ ದೇವಿಗೆ ಅಷ್ಟಾವಧಾನ ಸೇವೆ, ಹೂವಿನ ಪೂಜೆ ಹಾಗೂ ರಂಗ ಪೂಜೆ.ಅಕ್ಟೋಬರ್ 20 (ಮಂಗಳವಾರ): ಸಾರ್ವಜನಿಕ ಚಂಡಿಕಾಹೋಮ ಹಾಗೂ ಮಹಾ ಅನ್ನಸಂತರ್ಪಣೆ.
ವಿಶೇಷ ಸೂಚನೆ ಹಾಗೂ ಸೇವಾ ವಿವರಗಳು:ಸಾರ್ವಜನಿಕ ಚಂಡಿಕಾಹೋಮ: ಸಂಕಲ್ಪ ಮಾಡಲಿಚ್ಛಿಸುವವರು 500 ರೂ.ಗಳಿಕೆ ಒಳಪಟ್ಟು, ಅಕ್ಟೋಬರ್ 20ರ ಬೆಳಗ್ಗೆ 11:00 ಗಂಟೆಯೊಳಗೆ ಕಚೇರಿಯಲ್ಲಿ ಹೆಸರನ್ನು ನೊಂದಾಯಿಸುವುದು.ರಂಗಪೂಜೆ ಸೇವೆ: ನವರಾತ್ರಿಯ ದಿನ ವಿಶೇಷ ರಂಗಪೂಜೆ (1,500 ರೂ.) ಅಥವಾ ಸಾರ್ವಜನಿಕ ರಂಗಪೂಜೆ (1,000 ರೂ.) ಮಾಡಿಸುವವರು ಮುಂಚಿತವಾಗಿ ಕ್ಷೇತ್ರದ ಕಚೇರಿಯಲ್ಲಿ ತಿಳಿಸುವುದು.
ಸಪ್ತಶತಿ ಪಾರಾಯಣ: ನವರಾತ್ರಿ ದಿನಗಳಲ್ಲಿ ದೇವಿಗೆ ಸಪ್ತಶತಿ ಪಾರಾಯಣ (500 ರೂ.) ಸೇವೆ ಮಾಡಿಸುವವರು ಕಚೇರಿಯಲ್ಲಿ ರಶೀದಿ ಪಡೆಯಬಹುದು.ಹಸಿರುವಾಣಿ ಸ್ವೀಕಾರ: ಕ್ಷೇತ್ರಕ್ಕೆ ಹಸಿರುವಾಣಿಯನ್ನು (ತೆಂಗಿನಕಾಯಿ, ಹೋಮದ ಸಾಮಾನುಗಳು, ಕುಂಬಳಕಾಯಿ, ಬಾಳೆಎಲೆ, ತರಕಾರಿ, ವೀಳ್ಯದೆಲೆ, ಅಡಿಕೆ ಇತ್ಯಾದಿ) ಕಾಣಿಕೆಯಾಗಿ ಸ್ವೀಕರಿಸಲಾಗುವುದು.
