ಬೆಳ್ತಂಗಡಿ, :ಹೋಲಿ ರಿಡೀಮರ್ ಚರ್ಚ್‌ನ ವಾರ್ಷಿಕ ಹಬ್ಬದ ಅಂಗವಾಗಿ “ಹೊಸಬೆಳಕು ಒಕ್ಕೂಟ”ದ ಉದ್ಘಾಟನಾ ಸಮಾರಂಭವು ಆ.6 ರಂದು ಭಕ್ತಿಭಾವ ಹಾಗೂ ಸಡಗರದ ವಾತಾವರಣದಲ್ಲಿ ನೆರವೇರಿತು.
ಪವಿತ್ರ ಬಲಿಪೂಜೆಯ ಬಳಿಕ ಜರುಗಿದ ಕಾರ್ಯಕ್ರಮದಲ್ಲಿ ಧರ್ಮಗುರುಗಳಾದ ಫಾ. ವಾಲ್ಟರ್ ಡಿಮೆಲ್ಲೊ ಅವರು ಅಧ್ಯಕ್ಷತೆ ವಹಿಸಿ, ದೀಪ ಬೆಳಗಿಸುವ ಮೂಲಕ ಒಕ್ಕೂಟಕ್ಕೆ ಅಧಿಕೃತವಾಗಿ ಚಾಲನೆ ನೀಡಿದರು. ಈ ಶುಭ ಸಮಾರಂಭದಲ್ಲಿ ಒಕ್ಕೂಟದ ನೂತನ ಪದಾಧಿಕಾರಿಗಳು, ಸದಸ್ಯರು ಹಾಗೂ ಅಪಾರ ಸಂಖ್ಯೆಯ ಚರ್ಚ್ ಭಕ್ತರು ಉಪಸ್ಥಿತರಿದ್ದು ಕಾರ್ಯಕ್ರಮಕ್ಕೆ ಮೆರುಗು ತಂದರು.
ಸಮಾಜಮುಖಿ ಚಿಂತನೆಗೆ ಒತ್ತುಸಭೆಯನ್ನುದ್ದೇಶಿಸಿ ಮಾತನಾಡಿದ ಫಾ. ವಾಲ್ಟರ್ ಡಿಮೆಲ್ಲೊ ಅವರು, “ಹೊಸಬೆಳಕು ಒಕ್ಕೂಟವು ಕ್ರೈಸ್ತ ಮೌಲ್ಯಗಳನ್ನು ಆಧಾರವಾಗಿಟ್ಟುಕೊಂಡು ಸಮಾಜಸೇವೆ, ಕುಟುಂಬಗಳ ಸಬಲೀಕರಣ, ಯುವಜನರ ನಾಯಕತ್ವ ವಿಕಾಸ ಹಾಗೂ ಪರಸ್ಪರ ಸಹಕಾರದ ಮನೋಭಾವವನ್ನು ಬೆಳೆಸುವ ಮೂಲಕ ಸಮಾಜಕ್ಕೆ ಮಾದರಿಯಾಗಲಿ” ಎಂದು ಶುಭ ಹಾರೈಸಿದರು.
2026ರ ಆಗಸ್ಟ್ 6ರಂದು ಹೋಲಿ ರಿಡೀಮರ್ ಚರ್ಚ್‌ನ ವಾರ್ಷಿಕ ಹಬ್ಬದ ವಿಶೇಷ ದಿನದಂದು ಅಸ್ತಿತ್ವಕ್ಕೆ ಬಂದ ಈ ಒಕ್ಕೂಟವು, ಮುಂದಿನ ದಿನಗಳಲ್ಲಿ ಚರ್ಚ್ ಹಾಗೂ ಸ್ಥಳೀಯ ಸಮಾಜದ ಸರ್ವಾಂಗೀಣ ಅಭಿವೃದ್ಧಿಗೆ ಪೂರಕವಾದ ವಿವಿಧ ಸಮಾಜಮುಖಿ ಸೇವಾ ಚಟುವಟಿಕೆಗಳನ್ನು ಹಮ್ಮಿಕೊಳ್ಳುವ ಸ್ಪಷ್ಟ ಉದ್ದೇಶ ಹೊಂದಿದೆ.
ಹೊಸಬೆಳಕು ಒಕ್ಕೂಟದ ನೂತನ ಪದಾಧಿಕಾರಿಗಳ ವಿವರ:ಗೌರವಾಧ್ಯಕ್ಷರಾಗಿ : ಫಾ. ವಾಲ್ಟರ್ ಡಿಮೆಲ್ಲೊಅಧ್ಯಕ್ಷರು: ವಿನ್ಸೆಂಟ್ ಲೋಬೊ, ಉಪಾಧ್ಯಕ್ಷರಾಗಿ : ರೊನಾಲ್ಡ್ ಡಿಸೋಜ, ಕಾರ್ಯದರ್ಶಿ: ಪೌಲಿನ್ ರೇಗೊ,ಉಪಕಾರ್ಯದರ್ಶಿ: ಫ್ಲೇವಿ ಪಾವ್ಲ್ಕೋಶಾಧಿಕಾರಿ: ರೊನಾಲ್ಡ್ ಲೋಬೊ, ಉಪಕೋಶಾಧಿಕಾರಿ: ಗ್ರೇಸ್ ಲೋಬೊ ಅವರನ್ನು ಆಯ್ಕೆ ಮಾಡಲಾಯಿತು.
