ಬೆಳ್ತಂಗಡಿ:ತಾಲೂಕು ಯುವಜನ ಒಕ್ಕೂಟದ ಸಭೆಯು ಮಾ.21 ಶನಿವಾರ ಬೆಳಿಗ್ಗೆ 10 ಗಂಟೆಗೆ ತಾಲೂಕು ಪಂಚಾಯತ್ ಸಭಾಂಗಣದಲ್ಲಿ ನಡೆಯಿತು. ಸಭೆಯ ಅಧ್ಯಕ್ಷತೆಯನ್ನು ತಾಲೂಕು ಯುವಜನ ಒಕ್ಕೂಟದ ಅಧ್ಯಕ್ಷರಾದ ವಿಜಯ ಗೌಡ ವೇಣೂರು ವಹಿಸಿದ್ದರು.
ವೇದಿಕೆಯಲ್ಲಿ ತಾಲೂಕು ಯುವಜನ ಒಕ್ಕೂಟದ ಗೌರವಾಧ್ಯಕ್ಷ ರಮಾನಂದ ಮುಂಡೂರು, ಜಿಲ್ಲಾ ಗೌರವಾಧ್ಯಕ್ಷ ರಾಜೀವ್ ಸಾಲ್ಯಾನ್ ಹಾಗೂ ಪ್ರಧಾ ಕಾರ್ಯದರ್ಶಿ ಚಿದಾನಂದ ಇಡ್ಯಾ ಉಪಸ್ಥಿತರಿದ್ದರು.
ಸಭೆಯಲ್ಲಿ ಅಧ್ಯಕ್ಷರು ಯುವಜನ ಒಕ್ಕೂಟದ ಮುಂದಿ ಕಾರ್ಯಯೋಜನೆಗಳ ಕುರಿತು ವಿವರವಾಗಿ ಮಾಹಿತಿ ನೀಡಿದರು. ಸಭೆಯಲ್ಲಿ ಯುವಜನ ಒಕ್ಕೂಟದ ಪ್ರಮುಖರಾದ ಜಯಾನಂದ ಲಾಯಿಲ, ಸಿ.ಕೆ. ಚಂದ್ರಕಲಾ, ಸೌಮ್ಯ ಲಾಯಿಲ, ಸಾಂತಪ್ಪ ಮುಂಡಾಜೆ, ಅರುಣಾಕ್ಷಿ ಬದನಾಜೆ ಸೇರಿದಂತೆ ವಿವಿಧ ಯುವಕ-ಯುವತಿ ಮಂಡಳಿಗಳ ಸದಸ್ಯರು ಭಾಗವಹಿಸಿದ್ದರು.
ಪ್ರಧಾನ ಕಾರ್ಯದರ್ಶಿ ಚಿದಾನಂದ ಇಡ್ಯಾ ಪ್ರಸ್ತಾವನೆಯೊಂದಿಗೆ ಸಭೆಯನ್ನು ಪ್ರಾರಂಭಿಸಿ, ಕೊನೆಯಲ್ಲಿ ಧನ್ಯವಾದ ಅರ್ಪಿಸಿದರು
