ಬೆಳ್ತಂಗಡಿ: ದಯಾ ವಿಶೇಷ ಶಾಲೆಯಲ್ಲಿ ಹೋಲಿ ರಿಡೀಮರ್ ಆಂಗ್ಲ ಮಾಧ್ಯಮ ಶಾಲೆಯ ವಿದ್ಯಾರ್ಥಿಗಳಿಂದ ಮಕ್ಕಳ ದಿನಾಚರಣೆ

ಬೆಳ್ತಂಗಡಿ: ಹೋಲಿ ರಿಡೀಮರ್ ಆಂಗ್ಲ ಮಾಧ್ಯಮ ಶಾಲೆಯ ಪ್ರೌಢಶಾಲಾ ವಿದ್ಯಾರ್ಥಿಗಳು ಮತ್ತು ಶಿಕ್ಷಕರು ಮಕ್ಕಳ ದಿನಾಚರಣೆಯ ಅಂಗವಾಗಿ ಬೆಳ್ತಂಗಡಿಯ ದಯಾ ವಿಶೇಷ ಶಾಲೆಗೆ ಭೇಟಿ ಕೊಟ್ಟರು. ದಯಾ ಶಾಲೆಯ ನಿರ್ದೇಶಕ ವಂ ಫಾ ವಿನೋದ್ ಡಿಸೋಜ ಸ್ವಾಗತಿಸಿ ಶಾಲೆಯ ಕಾರ್ಯ ಚಟುವಟಿಕೆಗಳ ಬಗ್ಗೆ ತಿಳಿಸಿದರು. ಮಕ್ಕಳು ಪ್ರಾರ್ಥನಾ ಗೀತೆಯನ್ನು ಹಾಡಿದರು. ಶಾಲಾ ಮುಖ್ಯೋಪಾಧ್ಯಾಯ ವಂ ಫಾ ಕ್ಲಿಫರ್ಡ್ ಪಿಂಟೋ ವಿಶೇಷ ಮಕ್ಕಳ ಪ್ರತಿಭೆ ಹಾಗೂ ದೇವರು ನೀಡಿದ ವಿಶೇಷ ಶಕ್ತಿಯನ್ನು ಮೆಚ್ಚಿ ಮಕ್ಕಳಿಗೆ ಉಜ್ವಲ ಭವಿಷ್ಯ ‌ಸಿಗಲೆಂದು ಪ್ರಾರ್ಥಿಸಿದರು. ಗಣ್ಯರು ಜವಾಹರ್ ಲಾಲ್ ನೆಹರು ಅವರ ಭಾವಚಿತ್ರಕ್ಕೆ ಪುಷ್ಪ ನಮನ ಸಲ್ಲಿಸಿದರು.

ಶಾಲಾ ಮಕ್ಕಳಿಂದ ಸಹಾಯಾರ್ಥವಾಗಿ ವಿವಿಧ ವಸ್ತುಗಳನ್ನು ಸಂಗ್ರಹಿಸಿ ಶಾಲೆಗೆ ನೀಡಲಾಯಿತು. ವಿದ್ಯಾರ್ಥಿಗಳು ಶುಭಾಶಯ ಗೀತೆ ಮತ್ತು ನೃತ್ಯಗಳ ಮೂಲಕ ಮುದ್ದು ಮಕ್ಕಳನ್ನು ಮನರಂಜಿಸಿದರು. ಸಹ ಶಿಕ್ಷಕಿ ಪಲ್ಲವಿ ಮತ್ತು ಮೆರಿನ್ ಕಾರ್ಯಕ್ರಮ ನಿರ್ವಹಿಸಿದರು.

p>