ಬೆಳ್ತಂಗಡಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯ ದತ್ತಿನಿಧಿ ಸ್ಥಾಪನೆ

ಬೆಳ್ತಂಗಡಿ : ಇಲ್ಲಿನ ಕಣಿಯೂರುಗುತ್ತು ಚಂದಯ್ಯ ಹೆಗ್ಡೆ ಮತ್ತು ಪೆರಡಾಲ ಗುತ್ತು ಚಂದ್ರಾವತಿ ಇವರ ಪುತ್ರಿ ಸರ್ಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆ ಬೆಳ್ತಂಗಡಿ ಇಲ್ಲಿನ ಹಿರಿಯ ವಿದ್ಯಾರ್ಥಿಯಾದ ಶ್ರೀಮತಿ ಸುಶೀಲಾ ಲೋಕಪಾಲ್ ಇವರು ಸರಕಾರಿ ಮಾದರಿ ಶಾಲೆಗೆ ಭೇಟಿ ನೀಡಿ ಪತಿಯ ಹೆಸರಿನಲ್ಲಿ ಸರ್ಕಾರಿ ಶಾಲೆಯಲ್ಲಿ ಓದುತ್ತಿರುವ ಬಡ ವಿದ್ಯಾರ್ಥಿಗಳಿಗೆ ಪ್ರತಿ ವರ್ಷ ರೂ. 10 ಸಾವಿರದಂತೆ 10ವರ್ಷದಿಂದ ಹಣದ ಸಹಾಯ ನೀಡುತ್ತಿದ್ದು ಅದರಂತೆ ಈ ವರ್ಷ ಅವರು ಕಲಿತ ಶಾಲೆಯಲ್ಲಿ ಕಲಿಯುತ್ತಿರುವ 20 ಬಡ ವಿದ್ಯಾರ್ಥಿಗಳಿಗೆ ಶೈಕ್ಷಣಿಕವಾಗಿ ಪ್ರೋತ್ಸಾಹಧನ ನೀಡಿದರು.

ಈ ಹಿಂದೆ ಶಾಲೆಯಲ್ಲಿ ರೂ.25 ಸಾವಿರ ನೀಡಿ ಅವರು ಸ್ಥಾಪಿಸಿದ ವಿದ್ಯಾರ್ಥಿ ನಿಧಿಗೆ ಮತ್ತೆ ರೂ 25 ಸಾವಿರಗಳನ್ನು ಸೇರಿಸಿ ಒಟ್ಟು ರೂ. 50ಸಾವಿರ ದತ್ತಿ ನಿಧಿಯನ್ನು ಸ್ಥಾಪಿಸಲು ಸಹಕರಿಸಿದರು. ಈ ಸಂದರ್ಭದಲ್ಲಿ ಎಲ್ಲಾ ಶಾಲಾ ಮಕ್ಕಳಿಗೆ ಸಿಹಿತಿಂಡಿಯನ್ನು ವಿತರಿಸಿದರು. ಇವರ ಕೊಡುಗೆಯನ್ನು ಮೆಚ್ಚಿ ಶಾಲಾ ಎಸ್.ಡಿ.ಎಂ.ಸಿ ಯವರು ಮತ್ತು ಶಾಲಾ ಮುಖ್ಯ ಶಿಕ್ಷಕರು ,ಶಿಕ್ಷಕ ವೃಂದದವರು ಶಾಲು ಹಾಕಿ ಫಲ ಪುಷ್ಪ ನೀಡಿ ಗೌರವಿಸಿದರು.

p>