ಜ.8: ರೋಟರಿ ಕ್ಲಬ್ ವತಿಯಿಂದ ಬೈಕ್ ರ್‍ಯಾಲಿ

ಬೆಳ್ತಂಗಡಿ: ರೋಟರಿ ಜಿಲ್ಲೆ 3181ರ ಸುರತ್ಕಲ್ ರೋಟರಿ ಕ್ಲಬ್‌ನ ನಾಯಕತ್ವದಲ್ಲಿ ಜ.8 ರಂದು ರೋಟರಿ ಪಬ್ಲಿಕ್ ಇಮೇಜ್ ಮತ್ತು ದೇಶಪ್ರೇಮ ಎಂಬ ಶೀರ್ಷಿಕೆಯಲ್ಲಿ ಬೈಕ್ ಮತ್ತು ಕಾರು ರ್‍ಯಾಲಿ ಆಯೋಜಿಸಲ್ಪಟ್ಟಿದೆ. ಸುಮಾರು 100 ಮಂದಿ ರೋಟೆರಿಯರನ್ನೊಳಗೊಂಡ ಈ ರ್‍ಯಾಲಿ ಬೈಕಂಪಾಡಿಯಿಂದ ಬೆಳಿಗ್ಗೆ 7.30ಕ್ಕೆ ಹೊರಟು ಬೆಳ್ತಂಗಡಿಗೆ ಸುಮಾರು 11.30ಕ್ಕೆ ರೋಟರಿ ಸೇವಾಭವನದಲ್ಲಿ ಸಭೆ ಮತ್ತು ಪತ್ರಿಕಾಗೋಷ್ಠಿ ನಡೆಸಲಿದ್ದಾರೆ. ರೋಟರಿ ಕ್ಲಬ್ ಬೆಳ್ತಂಗಡಿಯ ವತಿಯಿಂದ ನಡೆಯುವ ಈ ಕಾರ್ಯಕ್ರಮದಲ್ಲಿ ನಿವೃತ್ತ ಸೇನಾನಿಗಳನ್ನು ಗೌರವಿಸಲಿದ್ದಾರೆ. ಜೊತೆಗೆ ಪತ್ರಿಕಾಗೋಷ್ಠಿ ಮತ್ತು ರೋಟರಿ ಕ್ಲಬ್‌ಗಳ ಜಂಟಿ ಸಭೆ ನಡೆಸಲಿದ್ದಾರೆ. ಈ ರ್‍ಯಾಲಿಯು ಬೆಳ್ತಂಗಡಿಯಿಂದ ಹೊರಟು ಬಳಂಜ ಮತ್ತು ಮೂಡಬಿದಿರೆಯಲ್ಲಿ ಕಾರ್ಯಕ್ರಮ ನಡೆಸಿ ಚಿತ್ರಾಪುರದಲ್ಲಿ ಸಂಪನ್ನಗೊಳ್ಳಲಿದೆ ಎಂದು ರೋ| ಮೆ| ಜ| ಎಂ.ವಿ.ಭಟ್ ತಿಳಿಸಿದ್ದಾರೆ.

p>