ಶ್ರೀ ಕ್ಷೇತ್ರ ಧ.ಗ್ರಾ.ಯೋಜನೆಯ ವತಿಯಿಂದ ಬ್ಯೂಟೀಶಿಯನ್ ತರಬೇತಿಯ ಉದ್ಘಾಟನೆ

ಬೆಳ್ತಂಗಡಿ: ಜೀವನ ಕೌಶಲ, ಆರೋಗ್ಯ ನಿರ್ವಹಣೆ, ಬಾಹ್ಯ ಸೌ೦ದರ್ಯದ ಜತೆಗೆ ಆಂತರಿಕ ಸೌಂದರ್ಯ ಅತ್ಯಗತ್ಯ. ಜೀವನದಲ್ಲಿ ಫ್ಯಾನ್ ಆಗಿ ಬದುಕುವುದಕ್ಕಿಂತ ಫ್ಯಾಶನ್ ಯಾಗಿ ಬದುಕಿ ಎಂದು ಡಾ| ವಾಣಿ ಸುಗುಣ ಕುಮಾರ್ ಹೇಳಿದರು.

ಅವರು ಫೆ. 26 ರಂದು ಶ್ರೀ ಕ್ಷೇತ್ರ ಧ.ಗ್ರಾ.ಯೋಜನೆಯ ತರಬೇತಿ ಕೇಂದ್ರ ಗ್ರಾಮೀಣ ಶ್ರೇಷ್ಠತಾ ಕೇಂದ್ರದಲ್ಲಿ 10 ದಿನಗಳ ಕಾಲ ನಡೆಯುವ ಬ್ಯೂಟೀಶಿಯನ್ ತರಬೇತಿ ಉದ್ಘಾಟಿಸಿ ಮಾತನಾಡಿದರು.

ತರಬೇತಿ ಕೇಂದ್ರದ ಪ್ರಾಂಶುಪಾಲ ಚಂದ್ರಶೇಖರ್‌ ಮಾತನಾಡಿ, ಅವಕಾಶವನ್ನು ಸದುಪಯೋಗಪಡಿಸಿಕೊಂಡು ನಮ್ಮ ಜೀವನದ ನಿರ್ವಹಣೆಯನ್ನು ನಾವೇ ಮಾಡಿಕೊಳ್ಳಲು ಕೌಶಲವೃದ್ಧಿಸಿಕೊಳ್ಳುವುದು ಹಾಗೂ ತಂತ್ರಜ್ಞಾನಗಳನ್ನು ತಿಳಿದು ಗ್ರಾಹಕರೊಂದಿಗೆ ಸೇವಾ ಮನೋಧರ್ಮದಿಂದ ಸೇವೆಯನ್ನು ನೀಡುವಂತೆ ತಿಳಿಸಿದರು.

ಈ ಸಂದರ್ಭದಲ್ಲಿ ಬ್ಯೂಟೀಶಿಯನ್ ತಜ್ಞೆ ಪಲ್ಲವಿ ಉಪಸ್ಥಿತರಿದ್ದರು. ತರಬೇತಿ ಸಂಯೋಜಕಿ ಜಯಶ್ರೀ ನಿರೂಪಿಸಿದರು.

p>