!ಮಡಂತ್ಯಾರು: ರಾಜ್ಯ ಹಾಗೂ ಕಾಲೇಜಿಗೆ ಕೀರ್ತಿ ತಂದುಕೊಡುವಲ್ಲಿ ಮಡಂತ್ಯಾರಿನ ಸೇಕ್ರೆಡ್ ಹಾರ್ಟ್ ಕಾಲೇಜಿನ ಎನ್.ಸಿ.ಸಿ. ಕೆಡೆಟ್ ಯಶಸ್ವಿಯಾಗಿದ್ದಾರೆ.
18 KAR BN NCC ಘಟಕದ ವತಿಯಿಂದ ದೆಹಲಿಯಲ್ಲಿ ನಡೆಯಲಿರುವ ರಾಷ್ಟ್ರಮಟ್ಟದ ಪ್ರತಿಷ್ಠಿತ ಎನ್.ಸಿ.ಸಿ. ಶಿಬಿರ–2026ಕ್ಕೆ ಕಾಲೇಜಿನ ಆರ್ಮಿ ವಿಂಗ್‌ನ ಜೂನಿಯರ್ ಅಂಡರ್ ಆಫೀಸರ್ (JUO) ಮಂಜುಷಾ ಎ. ಜೆ. ಅವರು ಫೈರಿಂಗ್ ವಿಭಾಗದಲ್ಲಿ ಆಯ್ಕೆಯಾಗಿದ್ದಾರೆ.ತಮ್ಮ ಎನ್.ಸಿ.ಸಿ. ತರಬೇತಿಯುದ್ದಕ್ಕೂ ತೋರಿದ ಅಸಾಧಾರಣ ಶಿಸ್ತು, ಸಮರ್ಪಣೆ, ದೃಢಸಂಕಲ್ಪ ಮತ್ತು ಕೌಶಲ್ಯದ ಫಲವಾಗಿ ಅವರು ಈ ರಾಷ್ಟ್ರಮಟ್ಟದ ವೇದಿಕೆಗೆ ಭೇಟಿ ನೀಡುತ್ತಿದ್ದಾರೆ.
ಈ ಸಾಧನೆಯು ಕಾಲೇಜಿಗೆ ಹಾಗೂ ಎನ್.ಸಿ.ಸಿ. ಘಟಕಕ್ಕೆ ಅತ್ಯಂತ ಹೆಮ್ಮೆಯ ಕ್ಷಣವಾಗಿದೆ.ರಾಷ್ಟ್ರಮಟ್ಟದಲ್ಲಿ ಸಂಸ್ಥೆಯನ್ನು ಪ್ರತಿನಿಧಿಸಲಿರುವ ಮಂಜುಷಾ ಅವರ ಈ ಹೆಜ್ಜೆ ಇತರೆ ಕೆಡೆಟ್‌ಗಳಿಗೆ ದೊಡ್ಡ ಪ್ರೇರಣೆಯಾಗಿದೆ.
ಇವರ ಈ ಸಾಧನೆಗೆ ಕಾಲೇಜಿನ ಆಡಳಿತ ಮಂಡಳಿ, ಪ್ರಾಚಾರ್ಯರು ಹಾಗೂ ಎನ್.ಸಿ.ಸಿ. ಘಟಕದ ಅಧಿಕಾರಿಗಳು ಹರ್ಷ ವ್ಯಕ್ತಪಡಿಸಿ, ದೆಹಲಿ ಶಿಬಿರದಲ್ಲಿ ಯಶಸ್ಸು ಸಾಧಿಸುವಂತೆ ಹಾರ್ದಿಕ ಶುಭ ಹಾರೈಸಿದ್ದಾರೆ.
