ಉಜಿರೆ: ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆ, ಉಜಿರೆಯಲ್ಲಿ ಅತ್ಯಾಧುನಿಕ 1.5 ಟೆಸ್ಲಾ MRI (Magnetic Resonance Imaging) ಸ್ಕ್ಯಾನಿಂಗ್ ಸೇವೆಯನ್ನು ಆರಂಭಿಸಲಾಗಿದೆ. 24×7 ಸೇವೆ ಲಭ್ಯವಿದ್ದು, ರೋಗಿಗಳಿಗೆ ನಿಖರ ಹಾಗೂ ಗುಣಮಟ್ಟದ ರೋಗನಿರ್ಣಯ ಸೌಲಭ್ಯ ಒದಗಿಸುವ ಉದ್ದೇಶದಿಂದ ಈ ಸೇವೆಯನ್ನು ಆರಂಭಿಸಲಾಗಿದೆ.
ಆಸ್ಪತ್ರೆಯ ಮಾಹಿತಿಯ ಪ್ರಕಾರ, ಹೊಸ MRI ಯಂತ್ರವು ಮೆದುಳು, ಬೆನ್ನುಹುರಿ, ಕೀಲುಗಳು, ಸ್ನಾಯುಗಳು ಹಾಗೂ ದೇಹದ ವಿವಿಧ ಅಂಗಾಂಗಗಳ ಸಮಸ್ಯೆಗಳನ್ನು ಅತ್ಯಂತ ಸ್ಪಷ್ಟವಾಗಿ ಪತ್ತೆಹಚ್ಚಲು ನೆರವಾಗಲಿದೆ. ಕಿರಣೋತ್ಸರ್ಗ (Radiation) ಇಲ್ಲದೆ ಸುರಕ್ಷಿತವಾಗಿ ಪರೀಕ್ಷೆ ನಡೆಸಬಹುದಾಗಿದ್ದು, ಮೃದುಕಣಜಗಳ (Soft Tissues) ಚಿತ್ರಣವನ್ನು ಉತ್ತಮ ಗುಣಮಟ್ಟದಲ್ಲಿ ಪಡೆಯಲು ಇದು ಸಹಕಾರಿಯಾಗಿದೆ.ರೋಗಿಗಳ ಅನುಕೂಲಕ್ಕಾಗಿ ಆರಾಮದಾಯಕ ಪರೀಕ್ಷಾ ವ್ಯವಸ್ಥೆ, ಅನುಭವಿ ರೇಡಿಯಾಲಜಿಸ್ಟ್‌ಗಳ ಮೇಲ್ವಿಚಾರಣೆ ಹಾಗೂ ವೇಗವಾದ ವರದಿ ವ್ಯವಸ್ಥೆಯನ್ನೂ ಆಸ್ಪತ್ರೆ ಕಲ್ಪಿಸಿದೆ.
ತುರ್ತು ಸಂದರ್ಭಗಳಲ್ಲಿಯೂ ಸೇವೆ ಲಭ್ಯವಾಗುವಂತೆ 24 ಗಂಟೆಯೂ MRI ಸ್ಕ್ಯಾನಿಂಗ್ ವ್ಯವಸ್ಥೆ ಕಾರ್ಯನಿರ್ವಹಿಸಲಿದೆ.ಈ ಸೇವೆಯು ಉಜಿರೆ ಹಾಗೂ ಸುತ್ತಮುತ್ತಲಿನ ಭಾಗಗಳ ಜನರಿಗೆ ದೂರದ ನಗರಗಳಿಗೆ ತೆರಳದೆ ಅತ್ಯಾಧುನಿಕ MRI ಪರೀಕ್ಷೆಯನ್ನು ಸ್ಥಳೀಯವಾಗಿಯೇ ಪಡೆಯುವ ಅವಕಾಶ ಕಲ್ಪಿಸಲಿದೆ ಎಂದು ಆಸ್ಪತ್ರೆ ಆಡಳಿತ ತಿಳಿಸಿದೆ.
