ಬೆಳ್ತಂಗಡಿ: ಕರಾವಳಿ ಹಾಗೂ ಮಧ್ಯ ಕರ್ನಾಟಕ ಭಾಗದ ‘ಅತ್ಯುತ್ತಮ ಶಾಸಕ’ ಪ್ರಶಸ್ತಿಯನ್ನು ಪಡೆದಿರುವ, ಬೆಳ್ತಂಗಡಿ ಕ್ಷೇತ್ರದ ಜನಪ್ರಿಯ ಶಾಸಕ ಹಾಗೂ ಅಭಿವೃದ್ಧಿಯ ಹರಿಕಾರ ಹರೀಶ್ ಪೂಂಜಾ ಅವರನ್ನು ಗಾರ್ಡಡಿ ಸಂತ ಸಬಾಸ್ಟಿನ್ ಚರ್ಚಿನ ಕ್ರೈಸ್ತ ಸಮುದಾಯವು ಅಭಿನಂದಿದರು.
ಅಭಿವೃದ್ಧಿ ಕಾರ್ಯಗಳಿಗೆ ಮನ್ನಣೆತಮ್ಮ ಜನಪರ ಕೆಲಸಗಳ ಮೂಲಕ ಬೆಳ್ತಂಗಡಿ ಕ್ಷೇತ್ರದ ಅಭಿವೃದ್ಧಿಯಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಶಾಸಕ ಹರೀಶ್ ಪೂಂಜಾ ಅವರಿಗೆ ಈ ಪ್ರತಿಷ್ಠಿತ ಪ್ರಶಸ್ತಿ ಲಭಿಸಿರುವುದು ಕ್ಷೇತ್ರದ ಜನತೆಗೆ ಹೆಮ್ಮೆಯ ವಿಷಯವಾಗಿದೆ.
ಈ ಸಾಧನೆಯನ್ನು ಗುರುತಿಸಿ, ಗಾರ್ಡಡಿ ಸಂತ ಸಬಾಸ್ಟಿನ್ ಚರ್ಚಿನ ಕ್ರೈಸ್ತ ಸಮುದಾಯದವರು ಶಾಸಕರನ್ನು ಭೇಟಿ ಮಾಡಿ, ಅವರ ಸೇವೆಯನ್ನು ಶ್ಲಾಘಿಸಿ ಶುಭಾಶಯಗಳನ್ನು ಕೋರಿದರು.
ಸಂತ ಸೆಬಸ್ಟಿನ್ ಚರ್ಚಿನ ಧರ್ಮಗುರು ಸುದೀಪ್ ಸಂತಾನ್ ಗೊಸ್ವಾಲೀಸ್,ಉಪಾಧ್ಯಕ್ಷ ಸ್ಟಿವನ್ ಮೋನಿಸ್ , ಕಾರ್ಯದರ್ಶಿ ಫ್ಲಾವಿಯ ಮೋರಸ್ , ಆಯೋಗದ ಸಂಯೋಜಕಿ ಮೇಬಲ್ ಕ್ರಾಸ್ತ, ಕ್ಯಾಥೋಲಿಕ್ ಸಭಾ ಬೆಳ್ತಂಗಡಿ ವಲಯ ಅಧ್ಯಕ್ಷ ಆಲ್ಬರ್ಟ್ ಸುನಿಲ್ ಮೋನಿಸ್ ಹಾಗೂ ಚರ್ಚಿನ ಪಾಲನಾ ಮಂಡಳಿ ಸದಸ್ಯರು ಉಪಸ್ಥಿತರಿದ್ದರು.
