ಗೇರುಕಟ್ಟೆ ನಮ್ಮೂರ ಸರಕಾರಿ ಪ್ರೌಢಶಾಲೆಯಲ್ಲಿ ಕೊಠಡಿಗಳ ಕೊರತೆ

ಗೇರುಕಟ್ಟೆ: ಗೇರುಕಟ್ಟೆಯ ನಮ್ಮೂರ ಸರಕಾರಿ ಪ್ರೌಢಶಾಲೆಯು 1989-90ನೇ ಸಾಲಿನಲ್ಲಿ ಆರಂಭಗೊಂಡಿದ್ದು, 450 ರಿಂದ 500 ವಿದ್ಯಾರ್ಥಿಗಳು ವಿದ್ಯಾರ್ಜನೆ ಮಾಡಿದ್ದಾರೆ, ಮಾಡುತ್ತಿದ್ದಾರೆ.

ವರ್ಷಗಳು ಉರುಳಿದಂತೆ ವಿವಿಧ ಇಲಾಖೆಗಳ ವತಿಯಿಂದ ಹೊಸ ಆರ್‌ಸಿಸಿ ಕಟ್ಟಡಗಳು ನಿರ್ಮಾಣವಾಗಿವೆ.

ಪ್ರಸ್ತುತ ಈ ಶಾಲೆಯಲ್ಲಿ 180 ವಿದ್ಯಾರ್ಥಿಗಳು ದಾಖಲಾತಿ ಪಡೆದಿದ್ದು, 9 ಮತ್ತು 10ನೇ ತರಗತಿಯಲ್ಲಿ 2ವಿಭಾಗಗಳ ಅಗತ್ಯತೆ ಇದೆ. ಒಟ್ಟು 5 ವಿಭಾಗಗಳಲ್ಲಿ ತರಗತಿ ನಡೆಸಬೇಕಾಗಿದೆ. ಆದರೆ ಹಳೆಯ ಹಂಚಿನ ಮಾಡಿನ ಕಟ್ಟಡ ಹಾಗೂ ಆರ್‌ಸಿಸಿ ಕಟ್ಟಡ ಹೊಂದಿದ 2ಕೊಠಡಿಗಳು ನಾದುರಸ್ತಿಯಲ್ಲಿದ್ದು ತರಗತಿ ನಡೆಸಲು ಅಸಾಧ್ಯವಾಗಿದೆ.

2023-24 ನೇ ಸಾಲಿನಲ್ಲಿ ರಾಷ್ಟ್ರೀಯ ಶಿಕ್ಷಣ ಯೋಜನೆಯಡಿಯಲ್ಲಿ ಆಟೋಮೊಬೈಲ್ ಕೋರ್ಸ್ ಆರಂಭಗೊಳ್ಳಲಿದ್ದು ಇನ್ನೆರಡು ಕೊಠಡಿಗಳ ಅನಿವಾರ್ಯತೆ ಇದೆ.ಎಲ್ಲಾ ವಿಷಯಗಳ ಶಿಕ್ಷಕರು ಲಭ್ಯವಿದ್ದು, ಕೊಠಡಿಗಳ ಕೊರತೆ ವಿದ್ಯಾರ್ಥಿಗಳ ಪಾಠಪ್ರವಚನಗಳಿಗೆ, ಶೈಕ್ಷಣಿಕ ಅಭಿವೃದ್ಧಿಗೆ ಅಡ್ಡಿಯಾಗುತ್ತಿದೆ. ಸಂಬಂಧಪಟ್ಟವರು ಇದರ ಕಡೆ ಗಮನಹರಿಸಿ, ವಿದ್ಯಾರ್ಥಿಗಳ ಭವಿಷ್ಯಕ್ಕೆ ಸಹಕರಿಸಬೇಕಾಗಿದೆ.

p>