ಬೆಳ್ತಂಗಡಿ: ಜೈ ಶ್ರೀ ರಾಮ್ ಗೆಳೆಯರ ಬಳಗ, ಕುಂಬಾರರ ಸೇವಾ ಸಂಘ ಶ್ರೀ ರಾಮನಗರ ಬಂದಾರು ಆಶ್ರಯದಲ್ಲಿ ಸಾಮೂಹಿಕ ದೀಪಾವಳಿ ಆಚರಣೆ

ಬೆಳ್ತಂಗಡಿ: ಜೈ ಶ್ರೀ ರಾಮ್ ಗೆಳೆಯರ ಬಳಗ ಹಾಗೂ ಕುಂಬಾರರ ಸೇವಾ ಸಂಘ ಶ್ರೀ ರಾಮನಗರ ಬಂದಾರು ಇವುಗಳ ಜಂಟಿ ಆಶ್ರಯದಲ್ಲಿ ನಾಡಹಬ್ಬ ದೀಪಾವಳಿಯ ಪ್ರಯುಕ್ತ ಸಾಮೂಹಿಕ ದೀಪಾವಳಿ ಆಚರಣೆ ಗೋಪೂಜೆ, ಲಕ್ಷ್ಮೀ ಪೂಜೆ, ಭಜನೆ, ಸಾಮೂಹಿಕ ಸಹಭೋಜನ ಕಾರ್ಯಕ್ರಮ ಬಂದಾರು ಗ್ರಾಮದ ಶ್ರೀ ರಾಮನಗರ ಎಂಬಲ್ಲಿರುವ ಧರ್ಮಶ್ರೀ ಕುಂಭಭವನದಲ್ಲಿ ನಡೆಯಿತು.

ಈ ಸಂದರ್ಭದಲ್ಲಿ ದೇಶ ಬಳಗದ ಅಧ್ಯಕ್ಷ ಶ್ರೀಧರ್, ಕಾರ್ಯದರ್ಶಿ ಚಂದ್ರಶೇಖರ್, ಗೌರವಾಧ್ಯಕ್ಷ ಉದಯ ಬಿ.ಕೆ., ಹಿರಿಯ ಸದಸ್ಯರಾದ ಪ್ರಕಾಶ್ ಕೆ., ಶಿವರಾಮ, ಲಿಂಗಪ್ಪ, ಉಮೇಶ್, ರಾಜಶೇಖರ್, ಬಳಗದ ಎಲ್ಲ ಸದಸ್ಯರು, ಕುಂಬಾರರ ಸೇವಾ ಸಂಘದ ಅಧ್ಯಕ್ಷ ಕೆಂಚಪ್ಪ ಕುಂಬಾರ, ಕಾರ್ಯದರ್ಶಿ ವಿಶ್ವನಾಥ್ ಕುಲಾಲ್, ಪಾಂಚಜನ್ಯ ಗೆಳೆಯರ ಬಳಗದ ಅಧ್ಯಕ್ಷ ನೋಣಯ್ಯ ಗೌಡ, ಕಾರ್ಯದರ್ಶಿ ಯೋಗೇಶ್, ನಾಗಶ್ರೀ ಗೆಳೆಯರ ಬಳಗದ ಶ್ರೀಧರ್ ಬಂದಾರು, ಗ್ರಾಮ ಪಂಚಾಯತ್ ಉಪಾಧ್ಯಕ್ಷರಾದ ಸುಮತಿ, ಪುಷ್ಪವತಿ, ಸದಸ್ಯ ಚೇತನ್ ಗೌಡ, ಪುರೋಹಿತರಾದ ಮಧುಸೂದನ್ ಹೊಳ್ಳ ಮುಂತಾದವರು ಉಪಸ್ಥಿತರಿದ್ದರು.