ಬೆಳ್ತಂಗಡಿ: ಧರ್ಮಸ್ಥಳ-ನಿಡ್ಲೆ ಮಾರ್ಗದ ಬೋಳಿಯಾರ್‌ನಲ್ಲಿ ಆ.15ರಂದು ಬೆಳಗ್ಗೆ 7.40ರ ಸಮಯದಲ್ಲಿ ಆನೆ ಓಡಾಟದಿಂದ ಎರಡು ವಾಹನಗಳಿಗೆ ಹಾನಿಯಾಗಿದೆ.
ಘಟನೆಯಲ್ಲಿ ಧರ್ಮಸ್ಥಳ-ಬೆಂಗಳೂರು ನಡುವೆ ಸಂಚರಿಸುತ್ತಿದ್ದ ಕೆ.ಎಸ್.ಆರ್.ಟಿ.ಸಿ.ಬಸ್ ಹಾಗೂ ಒಂದು ಸ್ಕೂಟರ್‌ಗೆ ಹಾನಿಯಾಗಿದೆ.
ಧರ್ಮಸ್ಥಳ-ಕೊಕ್ಕಡ ರಸ್ತೆಯಲ್ಲಿ ಪುದುವೆಟ್ಟು ಕ್ರಾಸ್ ದಾಟಿ ಮುಂದೆ ಹೋಗುವಾಗ ಬೋಳಿಯಾರ್‌ನಲ್ಲಿರುವ ಧರ್ಮಸ್ಥಳದ ತೆಂಗಿನ ತೋಟದ ಸಮೀಪ ಕಾಡಾನೆ ರಸ್ತೆ ದಾಟುತ್ತಿರುವ ಸಂದರ್ಭ ಆಕಸ್ಮಿಕವಾಗಿ ವಾಹನಗಳಿಗೆ ಗುದ್ದಿದೆ ಎಂದು ಸ್ಥಳೀಯರು ಮಾಹಿತಿ ನೀಡಿದ್ದಾರೆ.
