ಮೂಡುಬಿದಿರೆ: ಪ್ರತಿಷ್ಠಿತ ಎಕ್ಸಲೆಂಟ್ ಸಮೂಹ ಸಂಸ್ಥೆಗಳು, ಮೂಡುಬಿದಿರೆ ಅವರ ವತಿಯಿಂದ “ತೊರೆದು ಜೀವಿಸಬಹುದೇ…” ಎನ್ನುವ ವಿಶೇಷ “ಎಕ್ಸಲೆಂಟ್ ಸಂಗೀತ ರಸಸಂಜೆ” ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.
ಈ ಸಾಂಸ್ಕೃತಿಕ ಹಬ್ಬವು ಡಿಸೆಂಬರ್ 18, 2025ರ ಗುರುವಾರ ಸಂಜೆ 05:00 ಗಂಟೆಗೆ ಮೂಡುಬಿದಿರೆಯ
ಎಕ್ಸಲೆಂಟ್ ರಾಜಸಭಾಂಗಣದಲ್ಲಿ ಜರುಗಲಿದೆ ಎಂದು ಎಕ್ಸಲೆಂಟ್ ಸಮೂಹ ಸಂಸ್ಥೆಗಳ ಅಧ್ಯಕ್ಷ ಯುವರಾಜ್ ಜೈನ್ ಅವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಪ್ರಮುಖ ಆಕರ್ಷಣೆ: ಅಂತರರಾಷ್ಟ್ರೀಯ ಖ್ಯಾತಿಯ ಹಿಂದೂಸ್ತಾನಿ ಗಾಯಕರು ಹಾಗೂ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತರಾದ ಪಂಡಿತ್ ಎಂ. ವೆಂಕಟೇಶ್ ಕುಮಾರ್ ಅವರು ಈ ಕಾರ್ಯಕ್ರಮದಲ್ಲಿ ಸಂಗೀತ ಪ್ರಿಯರನ್ನು ತಮ್ಮ ಗಾಯನದ ಮೂಲಕ ಮಂತ್ರಮುಗ್ಧಗೊಳಿಸಲಿದ್ದಾರೆ. ಇವರು ಭಾರತದಾದ್ಯಂತ ವಿವಿಧ ರಾಜ್ಯಗಳಲ್ಲಿ ಮಾತ್ರವಲ್ಲದೆ, ಅಮೆರಿಕ ಮತ್ತು ಬ್ರಿಟನ್ ಸೇರಿದಂತೆ ಹಲವು ದೇಶಗಳಲ್ಲಿ ಸಂಗೀತ ಕಾರ್ಯಕ್ರಮಗಳನ್ನು ನೀಡಿ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿ ಗಳಿಸಿದ್ದಾರೆ.
ಸಂಗೀತಗಾರರ ತಂಡ: ಪಂಡಿತ್ ಎಂ. ವೆಂಕಟೇಶ್ ಕುಮಾರ್ ಅವರಿಗೆ ಖ್ಯಾತ ಕಲಾವಿದರು ಸಾಥ್ ನೀಡಲಿದ್ದಾರೆ:
ಸಿತಾರ್ ವಾದನ: ಖ್ಯಾತ ಯುವ ಸಿತಾರ್ ವಾದಕ ಶ್ರೀ ಅಂಕುಶ್ ಎನ್. ನಾಯಕ್
ಹಾರ್ಮೋನಿಯಂ: ಪ್ರೊಫೆಸರ್ ನರೇಂದ್ರ ಎಲ್. ನಾಯಕ್
ತಬಲಾ: ಶ್ರೀ ಕೇಶವ ಜೋಶಿ ಮತ್ತು ಶ್ರೀ ಹೇಮಂತ್ ಜೋಶಿ (ಧಾರವಾಡ)
ಪಖಾವಾಜ್: ಶ್ರೀ ಶ್ರೀಧರ್ ಪ್ರಭು
ವಿಶೇಷ ಬಸ್ ಸೌಲಭ್ಯ: ದೂರದ ಊರುಗಳಿಂದ ಬರುವ ಸಂಗೀತಾಸಕ್ತರಿಗಾಗಿ ಸಂಸ್ಥೆಯ ವತಿಯಿಂದ ವಿಶೇಷ ಬಸ್ ವ್ಯವಸ್ಥೆಯನ್ನು ಮಾಡಲಾಗಿದೆ. ಕಾರ್ಕಳ, ನಾರಾವಿ, ವೇಣೂರು ಮತ್ತು ಮೂಡುಬಿದಿರೆ ಭಾಗಗಳಿಂದ ಬಸ್ ಸೌಲಭ್ಯ ಲಭ್ಯವಿರುತ್ತದೆ. ಈ ಸೌಲಭ್ಯವನ್ನು ಪಡೆಯ ಇಚ್ಛಿಸುವವರು ಮುಂಗಡವಾಗಿ ಕರೆ ಮಾಡಿ ತಮ್ಮ ಆಸನಗಳನ್ನು ಕಾಯ್ದಿರಿಸಿಕೊಳ್ಳಲು ಕೋರಲಾಗಿದೆ.
ಸಾರ್ವಜನಿಕರಿಗೆ ಸೂಚನೆ: ಈ ಕಾರ್ಯಕ್ರಮಕ್ಕೆ ಉಚಿತ ಪ್ರವೇಶವಿರುತ್ತದೆ.
ಸಂಗೀತ ಆಸಕ್ತರು ತಮ್ಮ ಹೆಸರನ್ನು ಡಿಸೆಂಬರ್ 17, 2025ರ ಒಳಗಾಗಿ ಕಡ್ಡಾಯವಾಗಿ ನೋಂದಾಯಿಸಿಕೊಳ್ಳಬೇಕಿದೆ.
ನೋಂದಣಿ ಮತ್ತು ಬಸ್ ಆಸನ ಕಾಯ್ದಿರಿಸಲು ಸಂಪರ್ಕಿಸಿ: 9900099652, 9900099653.
ಸಂಗೀತ ಲೋಕದ ಈ ಅಪೂರ್ವ ರಸದೌತಣಕ್ಕೆ ಎಕ್ಸಲೆಂಟ್ ಸಮೂಹ ಸಂಸ್ಥೆಗಳ ಪರವಾಗಿ ಸರ್ವ ಸಂಗೀತ ಪ್ರೇಮಿಗಳಿಗೂ ಹಾರ್ದಿಕ ಸ್ವಾಗತವನ್ನು ಕೋರಲಾಗಿದೆ.
