ಮೂಡುಪಡುಕೋಡಿ: ಬುರೂಜ್ ಇಂಗ್ಲೀಷ್ ಮೀಡಿಯಂ ಹೈಸ್ಕೂಲ್ ರಝಾನಗರದಲ್ಲಿ 76 ನೇ ಗಣರಾಜ್ಯೋತ್ಸವನ್ನು ಸಂಭ್ರಮದಿಂದ ಆಚರಿಸಲಾಯಿತು. ಧ್ವಜಾರೋಹಣವನ್ನು ಸಂಸ್ಥೆಯ ಸಿ. ಇ. ಒ ಸಾದಿಯ ಶೇಕ್ ನೇರವೇರಿಸಿದರು.
ಮುಖ್ಯ ಅತಿಥಿಯಾಗಿ ಬುರೂಜ್ ಸಂಸ್ಥೆಯಲ್ಲಿ ಕಲಿತು ಹಲವಾರು ಸಂಸ್ಥೆಯಲ್ಲಿ ಸಾಧನೆ ಮಾಡಿ ಭರತನಾಟ್ಯ ಕಲಾವಿದೆ, ಡ್ಯಾನ್ಸ್ ಕೊರಿಯೊಗ್ರಾಪರ್, ಖ್ಯಾತ ಅಂತಾರಾಷ್ಟ್ರೀಯ ಕರಾಟೆ ಪಟು ಸಹನಾ ಶೆಟ್ಟಿ ನವೋದಯ ಸಂಸ್ಥೆ ನಡೆಸಿದಂತಹ ವಿವಿಧ ಪರೀಕ್ಷೆಗಳಲ್ಲಿ ಉತ್ತಮ ಅಂಕ ಪಡೆದು ತೇರ್ಗಡೆಯಾದ ವಿದ್ಯಾರ್ಥಿಗಳಿಗೆ ಪ್ರಶಸ್ತಿ ಪತ್ರ ಮತ್ತು ಪದಕ ನೀಡಿ ಗೌರವಿಸಿದರು.
ಸಂಚಾಲಕ ಶೇಖ್ ರಹ್ಮತ್ತುಲ್ಲಾಹ್, ಹೈಸ್ಕೂಲ್ ವಿಭಾಗದ ಮುಖ್ಯ ಶಿಕ್ಷಕಿ ಜಯಶ್ರೀ ಸಿ. ಸಾಲ್ಯಾನ್, ಪ್ರಾಥಮಿಕ ವಿಭಾಗದ ಮುಖ್ಯ ಶಿಕ್ಷಕಿ ಎಲ್ಸಿ ಲಸ್ರಾದೋ, ಶಿಕ್ಷಕರಾದ ಖುರ್ಷಿದ್, ಅನ್ನಪೂರ್ಣೇಶ್ವರಿ, ಚಂದ್ರಾವತಿ, ದಿವ್ಯ, ಚೇತನಾ ಜೈನ್, ಪ್ರತೀಕ್ಷಾ ಹರೀಶ್, ಮಮತಾ ಆರ್., ಶೇಖ್ ಜಲಾಲುದ್ದೀನ್, ನೂರ್ ಜಹಾನ್ ಹಾಗೂ ನೀಲಮಕ್ಕ ಉಪಸ್ಥಿತರಿದ್ದರು.
ಮುಖ್ಯ ಅತಿಥಿಯಾಗಿ ಆಗಮಿಸಿದ ನಮ್ಮ ಸಂಸ್ಥೆಯ ವಿದ್ಯಾರ್ಥಿನಿಯಾದ ಸಹನಾ ಶೆಟ್ಟಿರವರನ್ನು ಕಿರು ಕಾಣಿಕೆ ನೀಡುವುದರ ಮೂಲಕ ಶಾಲಾ ಸಂಚಾಲಕರು ಗೌರವಿಸಿದರು. ವಿದ್ಯಾರ್ಥಿಗಳಿಂದ ಪಥಸಂಚಲನ ಹಾಗೂ ಕವಾಯತು ನಡೆಯಿತು. ತದ ನಂತರ ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮ ನಡೆದವು. ಸ್ವಾಗತ ಹಾಗೂ ಧನ್ಯವಾದವನ್ನು ಶಾಲಾ ಉಪನಾಯಕಿ ಫಾತಿಮತ್ ನೌಶಿಯಾ ನೇರವೇರಿಸಿದರು. ಕಿಶ್ಫಾ ಝಬೀನ್ ನಿರೂಪಣೆಗೈದರು.
