ಮಡಂತ್ಯಾರು ಸೇಕ್ರೆಡ್ ಹಾರ್ಟ್ ಕಾಲೇಜಿನಲ್ಲಿ ಕಂಪೆನಿ ಸೆಕ್ರೆಟರಿ ವೃತ್ತಿ ಅವಕಾಶಗಳು ಕುರಿತು ಮಾಹಿತಿ

ಮಡಂತ್ಯಾರು: ಮಡಂತ್ಯಾರು ಸೇಕ್ರೆಡ್ ಹಾರ್ಟ್ ಕಾಲೇಜಿನಲ್ಲಿ ವಾಣಿಜ್ಯ ವಿಭಾಗ ಹಾಗೂ ವೃತ್ತಿ ಮಾರ್ಗದರ್ಶನ ಮತ್ತು ಉದ್ಯೋಗ ಮಾಹಿತಿ ಕೇಂದ್ರ ಇದರ ನೇತೃತ್ವದಲ್ಲಿ ” ಕಂಪೆನಿ ಸೆಕ್ರೆಟರಿ ವೃತ್ತಿ ಅವಕಾಶಗಳು” ಎಂಬ ಕಾರ್ಯಕ್ರಮವನ್ನು ನ.10 ರಂದು ಹಮ್ಮಿಕೊಳ್ಳಲಾಯಿತು.

ಈ ಕಾರ್ಯಕ್ರಮಕ್ಕೆ ಸಂಪನ್ಮೂಲ ವ್ಯಕ್ತಿಯಾಗಿ ಇನ್ಸ್ಟಿಟ್ಯೂಟ್ ಆಫ್ ಕಂಪನಿ ಸೆಕ್ರೆಟರಿ ಆಫ್ ಇಂಡಿಯಾ ಮಂಗಳೂರು ಶಾಖೆಯ ಸಿ.ಎಸ್.ಸಂತೋಷ್ ಪ್ರಭು ಹಾಗೂ ಶಂಕರ್ ಬಿ. ರವರು ಆಗಮಿಸಿದರು.ಅವರು ವಾಣಿಜ್ಯ ವಿಭಾಗದ ಪದವಿ ವಿದ್ಯಾರ್ಥಿಗಳಿಗೆ ಕಂಪನಿ ಸೆಕ್ರೆಟರಿ ವೃತ್ತಿಯಲ್ಲಿ ಇರುವ ಉದ್ಯೋಗಾವಕಾಶಗಳು, ಪರೀಕ್ಷಾ ವಿಧಾನದ ಕುರಿತು ಅರಿವನ್ನು ಮೂಡಿಸಿದರು.ವಿದ್ಯಾರ್ಥಿಗಳು ಈ ವೃತ್ತಿಯನ್ನು ಆಯ್ಕೆ ಮಾಡುವಂತೆ ಪ್ರೋತ್ಸಾಹ ನೀಡಿದರು.

ಈ ಕಾರ್ಯಕ್ರಮದಲ್ಲಿ ವಾಣಿಜ್ಯ ವಿಭಾಗದ ಮುಖ್ಯಸ್ಥರಾದ ಪ್ರೊ ಈಶ್ವರ್ ಗೌಡ, ವಾಣಿಜ್ಯ ಸಂಘದ ಸಂಯೋಜಕರಾದ ಎಮರ್ಸನ್ ಕ್ರಾಸ್ತಾ, ಪದಾಧಿಕಾರಿಗಳಾದ ಅನಾಸ್ ಹಾಗೂ ಅನನ್ಯ ರವರು ಉಪಸ್ಥಿತರಿದ್ದರು. ಅನಾಸ್ ಸ್ವಾಗತಿಸಿ, ಜೇನಿಶಾರವರು ವಂದಿಸಿದರು. ವಿಯೊಲಾ ರೇಗೊ ರವರು ನಿರೂಪಿಸಿದರು.

p>