ಇಂದಬೆಟ್ಟು: ದೀಪಾವಳಿ ಹಬ್ಬದ ಪ್ರಯುಕ್ತ ಹಾರ್ತಾಜೆ ಬಿನ್ನೆರ್ ಕ್ರೀಡೋತ್ಸವ

ಇಂದಬೆಟ್ಟು: ಇಲ್ಲಿನ ಬಂಗಾಡಿ ಹಾರ್ತಾಜೆ ಎಂಬಲ್ಲಿ ಕುಟುಂಬಸ್ಥರು ಹಾಗೂ ನೆಂಟರು, ಬಂಧು ಮಿತ್ರರು ಜೊತೆಗೂಡಿ ದೀಪಾವಳಿ ಹಬ್ಬದ ಪ್ರಯುಕ್ತ ಎರಡನೇ ವರ್ಷದ ಕ್ರೀಡೋತ್ಸವವನ್ನು ಬಹಳ ವಿಜೃಂಭಣೆಯಿಂದ ನಡೆಸಲಾಯಿತು.

ಕ್ರೀಡೋತ್ಸವದ ಉದ್ಘಾಟನೆಯನ್ನು ಹಾರ್ತಾಜೆ ಕುಟುಂಬದ ಹಿರಿಯರು ಆಗಿರುವ ಕಾವೇರಿ ಹಾಗೂ ವಿಮಲಾ ಇವರು ನೆರವೇರಿಸಿದರು. ಮಕ್ಕಳಿಗೆ, ಹಿರಿಯರಿಗೆ ಹಾಗೂ ದಂಪತಿಗಳಿಗೆ ವಿಶೇಷ ಕ್ರೀಡೆಗಳನ್ನು ಆಯೋಜಿಸಲಾಗಿತ್ತು. ಸಾಯಂಕಾಲ ಕುಟುಂಬದ ಹಿರಿಯರ ಉಪಸ್ಥಿತಿಯಲ್ಲಿ ಬಹುಮಾನ ವಿತರಣೆಯೊಂದಿಗೆ ಕ್ರೀಡಾಕೂಟದ ಸಮಾರೋಪ ನಡೆಸಲಾಯಿತು.