ಚದುರಂಗ ಸ್ಪರ್ಧೆ- ಉಜಿರೆ ಎಸ್‌ಡಿಎಂ ಕಾಲೇಜಿನ ತಂಡ ಚಾಂಪಿಯನ್

ಉಜಿರೆ: ಮಂಗಳೂರು ವಿಶ್ವವಿದ್ಯಾನಿಲಯ ಹಾಗೂ ಡಾಕ್ಟರ್ ಬಿ ಬಿ ಹೆಗ್ಡೆ ಕಾಲೇಜು ಕುಂದಾಪುರ ಇದರ ಜಂಟಿ ಆಶ್ರಯದಲ್ಲಿ ನಡೆದ ಮಂಗಳೂರು ವಿಶ್ವವಿದ್ಯಾನಿಲಯ ಅಂತರ್ ಕಾಲೇಜು ಚದುರಂಗ ಸ್ಪರ್ಧೆಯಲ್ಲಿ ಎಸ್‌ಡಿಎಂ ಕಾಲೇಜಿನ ಪುರುಷರ ತಂಡ ಚಾಂಪಿಯನ್ ಪಟ್ಟ ಮೂಡುಗೇರಿಸಿಕೊಂಡಿದೆ.

ಎಸ್‌ಡಿಎಂ ನ ಆರು ವಿದ್ಯಾರ್ಥಿಗಳಾದ ರಾಹುಲ್ ಜೈನ್, ಸುಪ್ರೀತ್ ಜೈನ್, ಸಂದೇಶ್, ಗೋಕುಲ್ ಕೃಷ್ಣ , ಹರಿಪ್ರಸಾದ್, ಶೇಕ್ ಮಹಮ್ಮದ್ ಇರ್ಫಾನ್ ಇವರು ಭಾಗವಹಿಸಿದ್ದಾರೆ.

ಇವರಲ್ಲಿ ಶೇಕ್ ಮಹಮ್ಮದ್ ಇರ್ಫಾನ್, ರಾಹುಲ್ ಜೈನ್, ಸುಪ್ರೀತ್ ಜೈನ್ ಇವರು ದಕ್ಷಿಣ ಭಾರತ ಅಂತರ್ ವಿಶ್ವವಿದ್ಯಾನಿಲಯ ಪಂದ್ಯಾಟಕ್ಕೆ ಆಯ್ಕೆಯಾಗಿರುತ್ತಾರೆ.

ಶೇಕ್ ಮಹಮ್ಮದ್ ಇರ್ಫಾನ್ ತಂಡದ ನಾಯಕ ನಾಗಿ ರಾಹುಲ್ ಜೈನ್ ಇವರು ಉಪನಾಯಕನಾಗಿ ಎಸ್‌ಡಿಎಂ ತಂಡವನ್ನು ಮುನ್ನಡೆ ಮುನ್ನಡೆಸಿದರು.

ಇವರನ್ನು ಕಾಲೇಜಿನ ಪ್ರಾಂಶುಪಾಲರಾದ ಡಾಕ್ಟರ್ ಬಿ.ಎ ಕುಮಾರ್ ಹೆಗ್ಡೆ ಅಭಿನಂದಿಸಿದರು.ಇವರಿಗೆ ಎಸ್.ಡಿ.ಎಂ ಸ್ಪೋರ್ಟ್ಸ್ ಕ್ಲಬ್ ನ ಕ್ರೀಡಾ ಕಾರ್ಯದರ್ಶಿಯಾದ ರಮೇಶ್ ಹೆಚ್ ಮತ್ತು ಶಾರದ ಇವರು ತರಬೇತಿಯನ್ನು ನೀಡುತ್ತಾರೆ.

p>