ಧರ್ಮಸ್ಥಳ ಧ.ಮ.ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಲಾಲ್ ಬಹದ್ದೂರ್ ಶಾಸ್ತ್ರೀ ಹಾಗೂ ಗಾಂಧಿ ಜಯಂತಿ ಆಚರಣೆ

ಧರ್ಮಸ್ಥಳ: ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಲಾಲ್ ಬಹದ್ದೂರ್ ಶಾಸ್ರೀ ಜನ್ಮ ದಿನಾಚರಣೆ ಹಾಗೂ ಗಾಂಧಿ ಜಯಂತಿ ಆಚರಣೆಯನ್ನು ಅ.2 ರಂದು ಆಚರಿಸಲಾಯಿತು.

ನಿಡ್ಲೆ ಸರಕಾರಿ ಪ್ರೌಢಶಾಲೆಯ ನಿವೃತ್ತ ಮುಖ್ಯೋಪಾಧ್ಯಾಯ ರಾಜಗುರು ಹೆಬ್ಬಾರ್ ಹಾಗೂ ಶಾಲಾ ಸಂಚಾಲಕ ಅನಂತಪದ್ಮನಾಭ ಭಟ್ ದೀಪ ಪ್ರಜ್ವಲನಗೊಂಡು ಶಾಸ್ತ್ರಿಜಿ ಹಾಗೂ ಗಾಂಧೀಜಿಯವರ ಭಾವಚಿತ್ರಕ್ಕೆ ಪುಷ್ಪ ನಮನ ಅರ್ಪಿಸಿ ಗಾಂಧೀಜಿಯವರ ಹಾಗೂ ಲಾಲ್ ಬಹದ್ದೂರ್ ಶಾಸ್ತ್ರಿಯವರ ಹೋರಾಟದ ಯಶೋಗಾಥೆ ಹಾಗೂ ಅವರ ಆದರ್ಶಗಳನ್ನು ಕುರಿತು ವಿದ್ಯಾರ್ಥಿಗಳ ಮುಂದೆ ಪ್ರಸ್ತುತ ಪಡಿಸಿ ತಿಳಿಯಪಡಿಸುವ ಮುಖಾಂತರ ವಿದ್ಯಾರ್ಥಿಗಳ ಕರ್ತವ್ಯವನ್ನು ಎಚ್ಚರಿಸಿದರು.

ತದನಂತರ ಸರ್ವ ಧರ್ಮ ಪ್ರಾರ್ಥನೆ ರಘುಪತಿ ರಾಘವ ಎಲ್ಲರ ನೋವನು ಇತ್ಯಾದಿ ಭಜನೆಗಳನ್ನು ಹೇಳಲಾಯಿತು.

ವಿದ್ಯಾರ್ಥಿಗಳು ಹಲವಾರು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ನೀಡಿದರು.ಶಾಲಾ ಮುಖ್ಯೋಪಾಧ್ಯಾಯಿನಿ ಪರಿಮಳ ಎಂ.ವಿ. ಗಾಂಧೀಜಿಯ ಆದರ್ಶಗಳ ಪರಿಪಾಲನೆ ಶಾಸ್ತ್ರಿಯವರ ನಿಷ್ಠೆ ಇದರ ಕುರಿತು ವಿದ್ಯಾರ್ಥಿಗಳಿಗೆ ತಿಳಿ ಹೇಳಿದರು.ಶಾಲಾ ಸಹಶಿಕ್ಷಕಿ ಅನ್ನಪೂರ್ಣ ನಡೆಸಿಕೊಟ್ಟ ಅಂಜು ಸ್ವಾಗತಿಸಿ ಗೀತಾ ವಂದಿಸಿದರು.

p>