ಪ್ರಸನ್ನ ಸಿ.ಬಿ.ಎಸ್.ಸಿ ವಿದ್ಯಾರ್ಥಿ ರಾಜೇಶ್ ಸಾಹು ರಾಜ್ಯ ಮಟ್ಟದ ಕರಾಟೆಯಲ್ಲಿ ಪ್ರಥಮ

ಬೆಳ್ತಂಗಡಿ: ಇಲ್ಲಿನ ಪ್ರಸನ್ನ (ಸಿ.ಬಿ.ಎಸ್.ಸಿ) ಆಂಗ್ಲ ಮಾಧ್ಯಮ ಶಾಲೆಯ ನಾಲ್ಕನೇ ತರಗತಿ ವಿದ್ಯಾರ್ಥಿ ರಾಜೇಶ್ ಸಾಹೂ ರಾಜ್ಯ ಮಟ್ಟದ ಕರಾಟೆಯಲ್ಲಿ ಪ್ರಥಮ ಸ್ಥಾನ ಪಡೆದಿದ್ದಾರೆ.

ಸ್ವಾಮೀಸ್ ಸ್ಟ್ರೆಂಥ್ ಟ್ರೈನಿಂಗ್ ಸಮಾಜ ಮಂದಿರ್ ಕಾಂಪ್ಲೆಕ್ಸ್ ಮೂಡಬಿದ್ರೆ ಇಲ್ಲಿ ಸೆಪ್ಟೆಂಬರ್ 9ರಂದು ಸ್ಪರ್ಧೆ ನಡೆಸಲಾಗಿತ್ತು.ಶೋರಿನ್-ರಿಯೋ ಕರಾಟೆ ಅಸೋಸಿಯೇಷನ್ (ರಿ), ಸ್ವಾಮೀಸ್ ಸ್ಟ್ರೆಂಥ್ ಟ್ರೈನಿಂಗ್ ಮತ್ತು ಎಂ.ಕೆ ಅನಂತ್ ರಾಜ್ ಕಾಲೇಜಿನ ಶಾರೀರಿಕ ಶಿಕ್ಷಣ ವಿಭಾಗ ಮೂಡಬಿದ್ರೆ ಇವುಗಳ ಆಶ್ರಯದಲ್ಲಿ ನಡೆದ 20ನೇ ರಾಜ್ಯ ಮಟ್ಟದ ಕರಾಟೆ ಚಾಂಪಿಯನ್ ಶಿಪ್ ಇದಾಗಿದೆ.

ರಾಜೇಶ್ ಸಾಹೂ ರವರು ರಂಜನ್ ಸಾಹೂ-ವಿಜಯಲಕ್ಷ್ಮಿ ಸಾಹೂ ಅವರ ಪುತ್ರ.ಕರಾಟೆ ಶಿಕ್ಷಕರಾದ ಅಬ್ದುಲ್ ರಹಿಮಾನ್ ತರಬೇತಿ ನೀಡಿರುತ್ತಾರೆ.ಪ್ರಸನ್ನ ಶಾಲಾ ಪ್ರಾಂಶುಪಾಲ ಕೆ.ಎಸ್.ಎನ್ ಭಟ್ ಸಹಕರಿಸಿದರು.

p>