ಜೀವವಿಮಾ ಆಡಳಿತಾಧಿಕಾರಿ ಕಿಶೋರ್‌ರವರಿಗೆ ಬೀಳ್ಕೊಡುಗೆ

LIC kishor bilkodugeಬೆಳ್ತಂಗಡಿ : ಭಾರತೀಯ ಜೀವ ವಿಮಾ ನಿಗಮ ಬೆಳ್ತಂಗಡಿ ಉಪಗ್ರಹ ಶಾಖೆಯಲ್ಲಿ 2 ವರ್ಷಗಳಿಂದ ಆಡಳಿತ ಅಧಿಕಾರಿಯಾಗಿ ಕಾರ್ಯನಿರ್ವಹಿಸಿ ಮಂಗಳೂರು ಶಾಖೆಗೆ ವರ್ಗಾವಣೆಗೊಂಡ ಕಿಶೋರ್ ರವರಿಗೆ ಉಪಗ್ರಹ ಶಾಖಾ ವತಿಯಿಂದ ಬೀಳ್ಕೊಡುಗೆ ಸಮಾರಂಭ ಜೂ. 10ರಂದು ಜರಗಿತು.
ಸಮಾರಂಭದ ಅಧ್ಯಕ್ಷತೆಯನ್ನು ಬಂಟ್ವಾಳ ಶಾಖೆಯ ಹಿರಿಯ ಶಾಖಾಧಿಕಾರಿ ಡಿ. ಬಾಲಕೃಷ್ಣ ವಹಿಸಿ ಶುಭ ಹಾರೈಸಿದರು. ಅನಂತರ ಜೀವ ವಿಮಾ ಪ್ರತಿನಿಧಿಗಳಿಗೆ ನೂತನ ವ್ಯವಹಾರದ ಬಗ್ಗೆ ಮಾಹಿತಿ ನೀಡಿದರು. ಉಪಗ್ರಹ ಶಾಖಾಧಿಕಾರಿ ಆರ್.ಡಿ. ಯೋಗೇಂದ್ರ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಅಭಿವೃದ್ಧಿ ಅಧಿಕಾರಿಗಳಾದ ಎಂ.ವಿ.ಶೆಟ್ಟಿ, ಎ. ಜಯದೇವ, ವಿಮಾ ಪ್ರತಿನಿಧಿಗಳ ಪರವಾಗಿ ಹರೀಶ್ ಶೆಟ್ಟಿ ಮಾತನಾಡಿ ಶುಭಕೋರಿದರು. ಮಂಗಳೂರು ಶಾಖೆಯಿಂದ ವರ್ಗಾವಣೆಯಾಗಿ ಬಂದಿರುವ ಆಡಳಿತಾಧಿಕಾರಿ ಶ್ರೀನಿವಾಸ್ ಕದ್ರಿ, ಎ.ಎ.ಓ. ಕೇಶವ ಎಂ., ಸಿಬ್ಬಂದಿ ವರ್ಗದವರು ವಿಮಾ ಪ್ರತಿನಿಧಿಗಳು ಉಪಸ್ಥಿತರಿದ್ದರು. ಅಭಿವೃದ್ಧಿ ಅಧಿಕಾರಿ ಉದಯಶಂಕರ್ ವಂದಿಸಿದರು. ಈ ಸಂದರ್ಭದಲ್ಲಿ ಇತ್ತೀಚೆಗೆ ನಿಧನರಾದ ಜೀವವಿಮಾ ಪ್ರತಿನಿಧಿ ಐವನ್ ಮಸ್ಕರೇನ್ಹಸ್ ರವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.

About The Author

Related posts

Leave a Reply

Your email address will not be published. Required fields are marked *

Copy Protected by Chetan's WP-Copyprotect.