ಚಾರ್ಮಾಡಿ ಕಣಿವೆ ರಸ್ತೆಯಲ್ಲಿ ಅಕ್ರಮ ಜಾನುವಾರು ಸಾಗಾಟದ ವಾಹನ ಪಲ್ಟಿ 7ದನಗಳ ಸಾವು – ವಾಹನ ಬಿಟ್ಟು ಓಡಿದ ಕಳ್ಳರು

Advt_NewsUnder_1
Advt_NewsUnder_1

Dana sagata vahana palti copy ಚಾರ್ಮಾಡಿ : ಇನ್ನೂ ನೋಂದಣಿಯಾಗಿರದ ಟೆಂಪೋ ಟ್ರಾವೆಲರ್ ವಾಹನವೊಂದು ಚಾರ್ಮಾಡಿ ಕಣಿವೆ ರಸ್ತೆಯ ೧ನೇ ತಿರುವಿನಲ್ಲಿ ಮಗುಚಿಬಿದ್ದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದು ಅದರೊಳಗಿದ್ದ ೭ ಜಾನುವಾರುಗಳು ದಾರುಣವಾಗಿ ಮೃತಪಟ್ಟಿದೆ.
ಇದೊಂದು ಜಾನುವಾರು ಅಕ್ರಮ ಸಾಗಾಟದ ಕೃತ್ಯದ ಇನ್ನೊಂದು ಮುಖ ಎಂಬುದು ಈ ಅಪಘಾತದಿಂದ ಬಯಲಾಗಿದ್ದು ವಾಹನದಲ್ಲಿದ್ದವರು ಜಾನುವಾರು ಮತ್ತು ವಾಹನವನ್ನು ತ್ಯಜಿಸಿ ಕಾಲ್ಕಿತ್ತಿದ್ದಾರೆ. ಅಪಘಾತದ ವಿಚಾರ ತಿಳಿದ ನಾಗರಿಕರು ಧರ್ಮಸ್ಥಳ ಠಾಣೆಗೆ ಮಾಹಿತಿ ನೀಡಿದಂತೆ ಸ್ಥಳಕ್ಕಾಗಮಿಸಿದ ಪೊಲೀಸರು ಸಾರ್ವಜನಿಕರ ನೆರವಿನೊಂದಿಗೆ ವಾಹನದ ಕದ ತೆರೆದಾಗ ಅದರೊಳಗಿದ್ದ ೬ ಜಾನುವಾರುಗಳು ಸಾವನ್ನಪ್ಪಿದ್ದು ವು. ಒಂದಕ್ಕೆ ಗಾಯವಾಗಿದ್ದು ಇನ್ನೂ ೩ ಅಪಾಯದಿಂದ ಪಾರಾಗಿದೆ.
ಸದ್ರಿ ವಾಹನಕ್ಕೆ ಇನ್ನೂ ನೊಂದಾವಣೆಯಾಗಿರದ ಕಾರಣ ನಂಬರ್ ಪ್ಲೇಟ್ ಇರಲಿಲ್ಲ. ಟೆಂಪೋದ ಒಳಗಿನ ಆಸನಗಳನ್ನು ತೆಗೆದು ಕಿಟಕಿಯ ಭಾಗಕ್ಕೆ ಸ್ಕ್ರೀನ್‌ಗಳನ್ನು ಅಳವಡಿಸಲಾಗಿತ್ತು. ಚಿಕ್ಕಮಗಳೂರು ಕಡೆಯಿಂದ ಮಂಗಳೂರಿಗೆ ಜಾನುವಾರುಗಳನ್ನು ಸಾಗಾಟ ಮಾಡುವ ವ್ಯವಸ್ಥಿತಿ ಸಂಚಿನ ಭಾಗ ಇದಾಗಿರಬಹುದೆಂದು ಮೇಲ್ನೋಟಕ್ಕೆ ಅಂದಾಜಿಸಲಾಗಿದೆ.

About The Author

Related posts

Leave a Reply

Your email address will not be published. Required fields are marked *

Copy Protected by Chetan's WP-Copyprotect.