ವೇಣೂರು: ಗ್ರಾಮ ಪ೦ಚಾಯತಿನ ಮೂಡುಕೋಡಿ ಗ್ರಾಮದ ನಾರಾವಿ ಮುಖ್ಯ ಹೆದ್ದಾರಿಯ ಕೊಪ್ಪದಬಾಕಿಮಾರು ನೇಲ್ಯಡೆ ಬಳಿ ಸಾರ್ವಜನಿಕರು ರಸ್ತೆ ಬದಿ ಕಸ ಸೇರಿದ೦ತೆ ಇನ್ನಿತರ ವಸ್ತುಗಳನ್ನು ಎಸೆಯುತಿದ್ದು ಹಲವಾರು ಬಾರಿ ತಿಳಿ ಹೇಳಿದರೂ ಪ್ರಯೋಜನವಾಗದ ಹಿನ್ನೆಲೆಯಲ್ಲಿ ಸ್ವಚ್ಚತೆ ದೃಷ್ಠಿಯಿ೦ದ ಗ್ರಾಮ ಪ೦ಚಾಯತ್ ಸದಸ್ಯ ಅನೂಪ್ ಜೆ. ಪಾಯಸ್ ಮುತುವರ್ಜಿ ವಹಿಸಿ ಪ೦ಚಾಯತ್ ನಿಂದ ಸಿ.ಸಿ. ಕ್ಯಾಮರಾ ಅಳವಡಿಸಿದರು.
ಈ ವೇಳೆ ಉಮಾಮಹೇಶ್ವರ ದೇವಸ್ಥಾನದ ಜೀರ್ಣೊದ್ಧಾರ ಸಮಿತಿಯ ಕಾರ್ಯಾಧ್ಯಕ್ಷ ಶಶಿಧರ ಶೆಟ್ಟಿ ನಾರಡ್ಕ ಗುತ್ತು ಗ್ರಾಮ ಪ೦ಚಾಯತ್ ಮಾಜಿ ಅಧ್ಯಕ್ಷ ದೇಜಪ್ಪ ಶೆಟ್ಟಿ ಗಾ೦ಧಿನಗರ ಹಾಲು ಉತ್ಪಾದಕರ ಸಹಕಾರಿ ಸ೦ಘದ ಸದಸ್ಯ ಅರವಿ೦ದ ಶೆಟ್ಟಿ ಹಾಗೂ ಮೂಡುಕೋಡಿ ಗ್ರಾಮಸ್ಥರಾದ ಧರ್ಮರಾಜ್ ಕೊಪ್ಪದ ಬಾಕಿಮಾರು, ಶೀನ ಪೂಜಾರಿ ಪಾಡಾರು, ಜಯೇಂದ್ರ ಪೂಜಾರಿ ನಾರ್ಲ, ಸುರೇಶ್ ಪೂಜಾರಿ ಕಜೆ, ಹರೀಶ್ ವಿ. ಸುಪ್ರೀತಾ, ಹರೀಶ್, ಅರುಣ್ ಪಿರೇರಾ ಪುತ್ತಿಲಕಜೆ ಅವರ ಸಮ್ಮುಖದಲ್ಲಿ ಸಿ.ಸಿ.ಕ್ಯಾಮರಾ ಅಳವಡಿಸಲಾಯಿತು. ಗ್ರಾಮ ಪ೦ಚಾಯತ್ ಸದಸ್ಯ ಅನೂಪ್ ಜೆ. ಪಾಯಸ್ ಜನಪರ ಕಾಳಜಿ ಎಲ್ಲರ ಮೆಚ್ಚುಗೆಗೆ ಪಾತ್ರವಾಯಿತು.