ರಾಜ್ಯ ಮಟ್ಟದ ಕರಾಟೆ ಸ್ಪರ್ಧೆಯಲ್ಲಿ ಮಹಮ್ಮದ್ ರಿಶಾನ್ ರಿಗೆ 2 ಚಿನ್ನದ ಪದಕ

ಉಜಿರೆ: ಜೋರಿನ್ ರಿಯು ಕರಾಟೆ ಅಸೋಸಿಯೇಷನ್‌ ಸ್ವಾಮಿನ್‌ ಸೈಂಡ್‌ ಟ್ರೈನಿಂಗ್ ಮತ್ತು ಮೂಡಬಿದ್ರಿಯ ಎಂ.ಕೆ. ಅನಂತರಾಜ್ ದೈಹಿಕ ಶಿಕ್ಷಣ ಕಾಲೇಜು ಸಹಯೋಗದೊಂದಿಗೆ ಮಾಡಬಿದ್ರಿಯ ಸೌಟ್ಸ್ ಅಂಡ್ ಗೈಡ್ಸ್ ಕನ್ನಡ ಭವನದಲ್ಲಿ ಆ.30ರಂದು ನಡೆದ 22ನೇ ರಾಜ್ಯ ಮಟ್ಟದ ಕರಾಟೆ ಚಾಂಪಿಯನ್ ಶಿಪ್ -2025ರಲ್ಲಿ ಮಹಮ್ಮದ್ ರಿಶಾನ್ ಕಲರ್ ಬೆಲ್ಸ್ ವಿಭಾಗದ ಫೈಟಿಂಗ್ ಮತ್ತು ಕಟಾದಲ್ಲಿ 2 ಚಿನ್ನದ ಪದಕ ಪಡೆದಿದ್ದಾರೆ. ಇವರು ಉಜಿರೆಯ ಅನುಗ್ರಹ ಆಂಗ್ಲ ಮಾಧ್ಯಮ ಶಾಲೆಯ 2ನೇ ತರಗತಿ ವಿದ್ಯಾರ್ಥಿ. ಉಜಿರೆಯ ಆರ್.ಆರ್.ಸಿ.ಸಿ.ಟಿ.ವಿ ಮಾಲಕ ಬಿ.ಎಚ್. ಇಬ್ರಾಹಿಂ ಮತ್ತು ನೂರ್ ಜಹಾನ್ ದಂಪತಿ ಪುತ್ರ. ಇವರಿಗೆ ಶಿಹಾನ್ ಅಬ್ದುಲ್ ರಹ್ಮಾನ್ ತರಬೇತಿ ನೀಡಿದರು.