ಶಿಬರಾಜೆ: ಜ. 26 ರಂದು ಜೆ. ಸಿ. ಐ ಕೊಕ್ಕಡ ಕಪಿಲಾ ಘಟಕದ ವತಿಯಿಂದ 76ನೇ ವರ್ಷದ ಗಣರಾಜ್ಯೋತ್ಸವ ಆಚರಣೆಯನ್ನು ಗ್ರಾಮಾಭ್ಯುದಯ ಕಾರ್ಯಕ್ರಮ ಅನುಷ್ಠಾನ ಸಮಿತಿ ಶಿಬರಾಜೆ ಪಾದೆಯ ವಠಾರದಲ್ಲಿ ಆಯೋಜಿಸಲಾಯಿತು. ಧ್ವಜಾರೋಹಣ ವನ್ನು ಅರಣ್ಯ ಸಮಿತಿ ಅಧ್ಯಕ್ಷರು ಧನಂಜಯ ಗೌಡ ನೆರವೇರಿಸಿದರು.
ಸೆಲ್ಯೂಟ್ ದಿ ಸೈಲೆಂಟ್ ಸ್ಟಾರ್ ಪುರಸ್ಕಾರವನ್ನು ಯೋಗಿಶ ಗೌಡ ಶೀಂಬುಳುರವರಿಗೆ ನೀಡಿ ಗೌರವಿಸಲಾಯಿತು. ಯೋಗೀಶರವರು ಹಲವು ವರ್ಷಗಳಿಂದ ಅಡಿಕೆ ತೆಗೆಯುವ ಕೆಲಸ, ತೆಂಗಿನಕಾಯಿ ತೆಗೆಯುವ ಕೆಲಸ ಮಾಡಿ ಪ್ರಾಮಾಣಿಕತೆಯಿಂದ ದುಡಿದು ಜೀವನ ಮಾಡುವ ಶ್ರಮ ಜೀವಿ ಆಗಿರುತ್ತಾರೆ.
ಘಟಕದ ಅಧ್ಯಕ್ಷ ಜೆ. ಸಿ. ಶೋಭಾ ಪಿ., ಕಾರ್ಯತ್ತಡ್ಕ ಪ್ರೌಢ ಶಾಲೆಯ ಮುಖ್ಯೋಪಾಧ್ಯಾಯ ಯಾಕೂಬ್ ಎಸ್. ಕೊಯ್ಯುರು, ಜೆ. ಸಿ. ಐ ಇಂಡಿಯಾದ ವಲಯ 15ರ ವಲಯ ತರಬೇತುದಾರರಾದ ಜೆ. ಎಫ್. ಡಿ ಶಂಕರ್ ರಾವ್, ಕಾರ್ಯದರ್ಶಿ ಚಂದನಾ ಪಿ., ನಿಕಟ ಪೂರ್ವ ಅಧ್ಯಕ್ಷ ಜೆ. ಸಿ. ಸಂತೋಷ್ ಜೈನ್, ಪೂರ್ವಧ್ಯಕ್ಷ ಶ್ರೀದರ್ ರಾವ್, ಜೆ. ಸಿ. ಅಕ್ಷತ್ ರೈ, ಜೆ. ಸಿ. ಪ್ರಜ್ವಲ್, ಜೆ. ಜೆ. ಸಿ ಅಧ್ಯಕ್ಷ ಶ್ರವಣ್, ಬೆಳ್ತಂಗಡಿಯ ಜೂನಿಯರ್ ಜೆ. ಸಿ ವಿಭಾಗದ ನಿರ್ದೇಶಕ ಸಮನ್ವಿತ್, ರಾಜೇಶ್ ಶೆಟ್ಟಿ ಕುಟ್ರುಗ, ಕಳೆಂಜ ಗ್ರಾಮ ಪಂಚಾಯತ್ ಸದಸ್ಯರು ಪ್ರೇಮಾ ಬಿ. ಎಸ್. ಉಪಸ್ಥಿತರಿದ್ದರು.