ಬೆಳ್ತಂಗಡಿ: ಗೆಳೆಯರ ಬಳಗ, ಮುಂಡತ್ತೋಡಿ ಇದರ ಆಶ್ರಯದಲ್ಲಿ ಕೆಸರ್‌ದ ಗೊಬ್ಬು ಸಮಾರೋಪ ಸಮಾರಂಭ ನ. 17 ರಂದು ಚಾವಡಿ ಬೈಲು ಮುಂಡತ್ತೋಡಿಯಲ್ಲಿ ನಡೆಯಿತು.
ಸಮಾರೋಪ ಸಮಾರಂಭದ ಅಧ್ಯಕ್ಷತೆನ್ನು ಮುಂಡತ್ತೋಡಿ ಗೆಳೆಯರ ಬಳಗದ ಉಪಾಧ್ಯಕ್ಷರಾದ ಶೇಖರ್ ಕುಮಾರ್ ಅಧ್ಯಕ್ಷತೆಯನ್ನು ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಕೆ.ಪಿ.ಸಿ.ಸಿ ಕಾರ್ಮಿಕ ವಿಭಾಗದ ಪ್ರಧಾನ ಕಾರ್ಯದರ್ಶಿ ಗಂಗಾಧರ ರೈ, ಜಿಲ್ಲಾ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರವೀಣ್ ಫೆನಾಂಡಿಸ್ ಹಳ್ಳಿಮನೆ, ಉಜಿರೆ ಆಶೀರ್ವಾದ್ ಸಿವಿಲ್ ಕನ್‌ಸ್ಟ್ರಕ್ಷನ್ ಕೆ. ವೇದಪ್ರಕಾಶ್, ಉದ್ಯಮಿಗಳಾದ ಚೇತನ್ ಗೌಡ, ದಿನೇಶ್ ಪೂಜಾರಿ, ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯ ಸಿ.ಕೆ ಚಂದ್ರಕಲಾ, ನಿವೃತ್ತ ಸೈನಿಕರಾದ ಗಣೇಶ್ ಶೆಟ್ಟಿ ಪದ್ಮುಂಜ, ಚಿನ್ನದ ಪದಕ ವಿಜೇತ ಉಪವಲಯ ಅರಣ್ಯಾಧಿಕಾರಿ ಕಮಲ, ಉತ್ತಮ ಶಿಕ್ಷಕ ರಾಜ್ಯ ಪ್ರಶಸ್ತಿ ವಿಜೇತರಾದ ವಿ.ಕೆ ವಿಟ್ಲ ಉಪಸ್ಥಿತರಿದ್ದರು.
ನಿವೃತ್ತ ಸೈನಿಕ ಗಣೇಶ್ ಶೆಟ್ಟಿ ಪದ್ಮುಂಜ, ಚಿನ್ನದ ಪದಕ ವಿಜೇತ ಉಪವಲಯ ಅರಣ್ಯಾಧಿಕಾರಿ ಕಮಲ, ಉತ್ತಮ ಶಿಕ್ಷಕ ರಾಜ್ಯ ಪ್ರಶಸ್ತಿ ವಿಜೇತರಾದ ವಿ.ಕೆ ವಿಟ್ಲ ಈ ಸಂದರ್ಭದಲ್ಲಿ ಸನ್ಮಾನಿಸಲಾಯಿತು. ವೆಂಕಪ್ಪ ಸ್ವಾಗತಿಸಿ, ಗಣೇಶ್ ಡಿ.ಪಿ ಧನ್ಯವಾದವಿತ್ತರು. ಚಂದ್ರಹಾಸ ಬಳಂಜ, ಸಮೀಕ್ಷ ಶಿರ್ಲಾಲು ಕಾರ್ಯಕ್ರಮ ನಿರೂಪಿಸಿದರು. ಸಂಜೆ 6 ರಿಂದ ಬಹುಮಾನ ವಿತರಣೆ, ನಂತರ ಸ್ಥಳೀಯ ಪ್ರತಿಭೆ ಹಾಗೂ ಹಿಪ್ ಬಾಯ್ಸ್ ಡ್ಯಾನ್ಸ್ ಕ್ರೀವ್ ಉಜಿರೆ ಇವರಿಂದ ನೃತ್ಯ ವೈವಿಧ್ಯ ಕಾರ್ಯಕ್ರಮ ನಡೆಯಿತು.