ಕೊಕ್ಕಡ : ಪುತ್ತೂರಿನ ಎಪಿಎಂಸಿ ರೈತ ಸಭಾಭವನದಲ್ಲಿ ನಡೆದ ರಾಜ್ಯಮಟ್ಟದ ಕರಾಟೆ ಸ್ಪರ್ಧೆಯಲ್ಲಿ ಪಟ್ರಮೆ ಗ್ರಾಮದ ಪಟ್ಟೂರು ಶ್ರೀರಾಮ ವಿದ್ಯಾಸಂಸ್ಥೆಯ ಆರು ವಿದ್ಯಾರ್ಥಿಗಳು ಭಾಗವಹಿಸಿದ್ದು, ಉತ್ತಮ ಪ್ರದರ್ಶನದೊಂದಿಗೆ ವಿಜೇತರಾಗಿದ್ದಾರೆ.
4 ನೇ ತರಗತಿಯ ಅದ್ವೈತ್ ಕುಮಾರ್ ಪಿ. ಫೈಟಿಂಗ್ ವಿಭಾಗದಲ್ಲಿ ತೃತೀಯ, ಕಠ ವಿಭಾಗದಲ್ಲಿ ದ್ವಿತೀಯ, 4 ನೇ ತರಗತಿಯ ಆಕಾಶ್ ಫೈಟಿಂಗ್ ವಿಭಾಗದಲ್ಲಿ ಪ್ರಥಮ, ಕಠ ವಿಭಾಗದಲ್ಲಿ ಪ್ರಥಮ, 4 ನೇ ತರಗತಿಯ ಪ್ರಣಾಮ್ ಫೈಟಿಂಗ್ ವಿಭಾಗದಲ್ಲಿ ದ್ವಿತೀಯ, ಕಠ ವಿಭಾಗದಲ್ಲಿ ದ್ವಿತೀಯ, 7 ನೇ ತರಗತಿಯ ಪ್ರಣವ್ ಕಠ ವಿಭಾಗದಲ್ಲಿ ತೃತೀಯ, 7 ನೇ ತರಗತಿಯ ಗಹನ್ ಕೆ.ಆರ್. ಫೈಟಿಂಗ್ ವಿಭಾಗದಲ್ಲಿ ತೃತೀಯ, 9 ನೇ ತರಗತಿಯ ಶರಣ್ ಯನ್. ಕಠ ವಿಭಾಗದಲ್ಲಿ ದ್ವಿತೀಯ ಸ್ಥಾನ ಪಡೆದಿದ್ದಾರೆ.
ಭಾಗವಹಿಸಿದ ಹಾಗೂ ವಿಜೇತರಾದ ಎಲ್ಲಾ ವಿದ್ಯಾರ್ಥಿಗಳಿಗೂ ಶಾಲಾ ಸಂಚಾಲಕ ಪ್ರಶಾಂತ್ ಶೆಟ್ಟಿ ದೇರಾಜೆ ಹಾಗೂ ಮುಖ್ಯ ಶಿಕ್ಷಕ ಚಂದ್ರಶೇಖರ ಶೇಟ್ ಶುಭ ಹಾರೈಸಿದರು.