ಬೆಳಾಲು: ಶ್ರೀ ಗುರುನಾರಾಯಣ ಸ್ವಾಮಿ ಸಂಘದಲ್ಲಿ ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ

ಬೆಳಾಲು: ಶ್ರೀ ಗುರುನಾರಾಯಣ ಸ್ವಾಮಿ ಸೇವಾ ಸಂಘ ಬೆಳಾಲು, ಯುವ ಬಿಲ್ಲವ ವೇದಿಕೆ ಮತ್ತು ಬಿಲ್ಲವ ಮಹಿಳಾ ವೇದಿಕೆ ಗ್ರಾಮ ಸಮಿತಿ ಬೆಳಾಲು ಇವರ ಸಹಯೋಗದೊಂದಿಗೆ
ಬ್ರಹ್ಮಶ್ರೀ ನಾರಾಯಣ ಗುರುಗಳ 170 ನೇ ಗುರುಜಯಂತಿ ಪ್ರಯುಕ್ತ ಗುರು ಪೂಜೆಯು ನ.17ರಂದು ಮಾಯ ಕಲ್ಲಗುಡ್ಡೆ ಸಂಘದ ವಠಾರದಲ್ಲಿ ನಡೆಯಿತು. ರಘುನಾಥ ಶಾಂತಿ ವೈದಿಕ ವಿಧಿವಿಧಾನ ನೆರವೇರಿಸಿದರು.

ಸಂಘದ ಅಧ್ಯಕ್ಷ ನಾಣ್ಯಪ್ಪ ಪೂಜಾರಿ ಮುಂಡ್ರೋಟ್ಟು, ಗೌರವಾಧ್ಯಕ್ಷ ರಮೇಶ ಪೂಜಾರಿ ಗುಂಡ್ಯ, ಗೌರವ ಸಲಹೆಗಾರ ಮಾಜಿ ಅಧ್ಯಕ್ಷ ನಾರಾಯಣ ಸುವರ್ಣ, ಸಂಘದ ಸ್ಥಾಪಕ ಅಧ್ಯಕ್ಷ ಸೇಸಪ್ಪ ಪೂಜಾರಿ ಉಪ್ಪಾರು, ಸ್ಥಾಪಕ ಕಾರ್ಯದರ್ಶಿ ಜಾರಪ್ಪ ಪೂಜಾರಿ, ಮಾಜಿ ಅಧ್ಯಕ್ಷ ಪುರುಷೋತ್ತಮ ಕೋಟ್ಯಾನ್ ಅನೆಕ್ಕಳ, ಸ್ಥಳದ ದಾನಿ ರವಿ ಯಾನೆ ರಾಜು ಪೂಜಾರಿ ಬರೆಮೇಲು, ಯುವ ಬಿಲ್ಲವ ವೇದಿಕೆಯ ಅಧ್ಯಕ್ಷ
ಅವಿನಾಶ್ ಮಂಜನೊಟ್ಟು, ಮಹಿಳಾ ವೇದಿಕೆಯ ಅಧ್ಯಕ್ಷೆ ಪುಷ್ಪವೇಣಿ ಉಪ್ಪಾರು, ಸಂಘದ ಪದಾಧಿಕಾರಿಗಳು, ಯುವ ಬಿಲ್ಲವ ವೇದಿಕೆ, ಬೆಳಾಲು ಬಿಲ್ಲವ ಮಹಿಳಾ ವೇದಿಕೆಯ ಪದಾಧಿಕಾರಿಗಳು ಸದಸ್ಯರು ಹಾಜರಿದ್ದರು. ತಾಲೂಕು ಸಂಘದ ನಿರ್ದೇಶಕ ಗ್ರಾಮ ಸಮಿತಿ ಕಾರ್ಯದರ್ಶಿ ಸಂತೋಷ್ ಉಪ್ಪಾರ್ ಸ್ವಾಗತಿಸಿ, ಕಾರ್ಯಕ್ರಮ ನಿರೂಪಿಸಿದರು. ಈ ಸಂದರ್ಭದಲ್ಲಿ ಮಾತೃ ಸಂಘದ ವತಿಯಿಂದ ಗ್ರಾಮ ವ್ಯಾಪ್ತಿಯ ಸ್ವಜಾತಿ ಬಾಂಧವರ ಕುಟುಂಬ ಸಮೀಕ್ಷೆ ಮಾಡಲಾಯಿತು.