ಕೊಕ್ಕಡ: ಕೇಸರಿ ಗೆಳೆಯರ ಬಳಗ – ಕೇಸರಿ ಟೈಗರ್ಸ್ ವತಿಯಿಂದ ಭಜನಾ ಸಪ್ತಾಹದ ಪ್ರಯುಕ್ತ ಹುಲಿ ಕುಣಿತ

ಕೊಕ್ಕಡ: ಕೇಸರಿ ಗೆಳೆಯರ ಬಳಗ ಮತ್ತು ಕೇಸರಿ ಟೈಗರ್ಸ್ ವತಿಯಿಂದ ಭಜನಾ ಸಪ್ತಾಹದ ಪ್ರಯುಕ್ತ ಹುಲಿ ಕುಣಿತ ನ.11ರಂದು ಸೋಮವಾರ ರಾತ್ರಿ 09-00 ಗಂಟೆಗೆ ಶ್ರೀ ರಾಮ ಸೇವಾ ಮಂದಿರದಲ್ಲಿ ಊದು ಪೂಜೆಯಿಂದ ಪ್ರಾರಂಭಗೊಂಡು, ನ.12ರಂದು 8:00 ಗಂಟೆಗೆ ಶ್ರೀ ರಾಮ ಸೇವಾ ಮಂದಿರದಿಂದ ಹುಲಿ ಹೊರಟು ಶ್ರೀ ವೈದ್ಯನಾಥೇಶ್ವರ ವಿಷ್ಣುಮೂರ್ತಿ ದೇವಸ್ಥಾನದಲ್ಲಿ ಪ್ರಥಮ ಪ್ರದರ್ಶನಗೊಂಡು ನಂತರ ಕಾವು ಶ್ರೀ ತ್ರಿಗುಣಾತ್ಮೀಕ ದೇವಸ್ಥಾನದಲ್ಲಿ ಪ್ರದರ್ಶನದ ಬಳಿಕ ಶ್ರೀ ಮಹಾಗಣಪತಿ ಕ್ಷೇತ್ರ ಸೌತಡ್ಕದಲ್ಲಿ ಪ್ರದರ್ಶನಗೊಂಡು, ಕೊಕ್ಕಡ ಪರಿಸರದ ಕೆಲವು ಆಯ್ದ ಮನೆಗಳಿಗೆ ಹಾಗೂ ಆಹ್ವಾನಿತ ಮನೆಗಳಿಗೆ ಭೇಟಿ ನೀಡಿ ಪ್ರದರ್ಶನ ನೀಡುವುದು. ಸಂಜೆ ಕೊಕ್ಕಡ ಶ್ರೀ ರಾಮ ಭಜನಾ ಮಂದಿರದಲ್ಲಿ ಜರಗುವ 68ನೇ ವರ್ಷದ ನಗರ ಭಜನಾ ಸಪ್ತಾಹದ ಶೋಭಾಯಾತ್ರಾ ಮೆರವಣಿಗೆಯಲ್ಲಿ ಭಾಗವಹಿಸಲಿದೆ ಎಂದು ಆಯೋಜಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.