ಕುಪ್ಪೆಟ್ಟಿ: ಸುನ್ನೀ ಜಮೀಯತುಲ್ ಮುಅಲ್ಲಿಮೀನ್ ಎಸ್.ಜೆ.ಎಂ. ಕುಪ್ಪೆಟ್ಟಿ ರೇಂಜ್ ವತಿಯಿಂದ ಮದರಸ ವಿದ್ಯಾರ್ಥಿಗಳ ಪ್ರತಿಭಾ ಸಂಗಮ ಕಾರ್ಯಕ್ರಮ ಸಮಿತಿಯ ಅಧ್ಯಕ್ಷ ಉಮರುಲ್ ಫಾರೂಕ್ ಸಖಾಫಿಯವರ ಅಧ್ಯಕ್ಷತೆಯಲ್ಲಿ ಅ.27ರಂದು ನೆಕ್ಕಿಲು ಮಸೀದಿಯಲ್ಲಿ ಜರಗಿತು.
ಅಳಕೆ ಅಬ್ದುಸಲಾಂ ಅಮ್ಜದಿ ದುಆ ನೆರವೇರಿಸಿದರು. ಮುಸ್ತಫಾ ಹಿಮಮಿ ಕಾರ್ಯಕ್ರಮ ಉದ್ಘಾಟಿಸಿದರು. ನೆಕ್ಕಿಲು ಮಸೀದಿಯ ಅಧ್ಯಕ್ಷ ಕಾಸಿಂ ಧ್ವಜಾರೋಹಣ ನೆರವೇರಿಸಿದರು. ಎಸ್.ಎಂ.ಎ. ಅಧ್ಯಕ್ಷ ಆದಂ ಅಲ್ ಮದೀನ, ಜಮೀಯತುಲ್ ಉಲಮಾ ಕೇಂದ್ರ ಸದಸ್ಯ ಪಿ. ಕೆ. ಮುಹಮ್ಮದ್ ಮದನಿ ಉಸ್ತಾದ್, ಹಿರಿಯರಾದ ರಮ್ಲಾನ್ ಹಾಜಿ, ಕೆ. ಎಂ. ಜೆ. ಜಿಲ್ಲಾ ಕಾರ್ಯದರ್ಶಿ ಕಾಸಿಂ ಪದ್ಮುಂಜ, ಬಟ್ಲಡ್ಕ ಮಸೀದಿ ಅಧ್ಯಕ್ಷ ಮುಹಮ್ಮದ್ ಬಟ್ಲಡ್ಕ, ಬೋವು ಮಸೀದಿ ಅಧ್ಯಕ್ಷ ಹಮೀದ್ ಮುಸ್ಲಿಯಾರ್, ಕುದ್ರೆಡ್ಕ ಮಸೀದಿ ಅಧ್ಯಕ್ಷ ಯಾಕೂಬ್ ಕುದ್ರೆಡ್ಕ, ಹುಸೈನ್ ಸಖಾಫಿ ಬೋವು, ಉಪಸ್ಥಿತರಿದ್ದರು.
ಉರುವಾಲು ಪದವು ಮದರಸ ಪ್ರಥಮ ಸ್ಥಾನ, ಅಳಕೆ ಮದರಸ ದ್ವಿತೀಯ ಸ್ಥಾನ ಪಡೆದುಕೊಂಡಿತು. ಮುಹಮ್ಮದ್ ಸ ಅದಿ ಉರುವಾಲು ಪದವು ವಿಜೇತ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಣೆ ನಡೆಸಿಕೊಟ್ಟರು. ಎಸ್.ಜೆ.ಎಂ. ಪ್ರಧಾನ ಕಾರ್ಯದರ್ಶಿ ಇಬ್ರಾಹಿಂ ಸ ಅದಿ ಕುದ್ರೆಡ್ಕ ಸ್ವಾಗತಿಸಿ, ರಫೀಕ್ ಅಹ್ಸನಿ ಅಂಡೆಕೇರಿ ಕಾರ್ಯಕ್ರಮ ನಿರೂಪಿಸಿದರು.