ಶ್ರೀಲಂಕಾದಲ್ಲಿ ನಡೆಯುವ ಅಂತರಾಷ್ಟ್ರೀಯ ಯೋಗ ಸ್ಪರ್ಧೆಗೆ ಕೊಕ್ರಾಡಿ ಶಾಲೆಯ ಅಕ್ಕಮ್ಮ ಆಯ್ಕೆ

ಬೆಳ್ತಂಗಡಿ: ಸರಕಾರಿ ಪ್ರೌಢಶಾಲೆ ಕೊಕ್ರಾಡಿ ಬೆಳ್ತಂಗಡಿ ತಾಲೂಕು ಇಲ್ಲಿನ ಅಕ್ಕಮ್ಮ ಅವರು ಶ್ರೀಲಂಕಾದಲ್ಲಿ ನಡೆಯುವ ಅಂತರಾಷ್ಟ್ರೀಯ ಯೋಗ ಸ್ಪರ್ಧೆಗೆ ಆಯ್ಕೆಯಾಗಿದ್ದಾರೆ.

10ನೇ ಅಂತರಾಷ್ಟ್ರೀಯ ಯೋಗ ದಿನ 2024 ರಾಜ್ಯ ಯೋಗ ಕ್ರೀಡಾ ಚಾಂಪಿಯನ್ ಶಿಪ್ ಜುಲೈ 14ರಂದು ಬೆಂಗಳೂರಿನ ಕೋರಮಂಗಲದ ಒಳಾಂಗಣ ಸ್ಟೇಡಿಯಂ ಬೆಂಗಳೂರು ಇಲ್ಲಿ ನಡೆದಿದ್ದು ಈ‌ಸ್ಪರ್ಧೆಯಲ್ಲಿ ಅವರು ಅರ್ಹತೆ ಗಿಟ್ಟಿಸಿಕೊಂಡಿದ್ದಾರೆ.

ಎಸ್. ಜಿ .ಎಸ್. ಅಂತರಾಷ್ಟ್ರೀಯ ಯೋಗ ಪೌಂಡೇಶನ್, ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ಕರ್ನಾಟಕ, ನೆಹರು ಯುವ ಕೇಂದ್ರ ಸಂಘಟನ್, ಭಾರತ ಸರಕಾರ ಯೋಗಾಸನ ಭಾರತ್. ಇವರುಗಳ ಜಂಟಿ ಸಹಯೋಗದಿಂದ ನಡೆದ ಈ ಯೋಗಾಸನ ಕ್ರೀಡಾ ಸ್ಪರ್ಧೆಯಲ್ಲಿ ಟ್ರೆಡಿಶನಲ್ ಯೋಗಾಸನ ಕ್ರೀಡಾ ಯಲ್ಲಿ 50 ರಿಂದ 60ರ ವಯೋಮಾನ ವಿಭಾಗದಲ್ಲಿ ಅಕ್ಕಮ್ಮ ಅವರು ಪ್ರಥಮ ಸ್ಥಾನ ಪಡೆದು ಮೇಲ್ಘಟಕದಲ್ಲಿ ಭಾಗವಹಿಸುವ ಅರ್ಹತೆಯನ್ನು ಪಡೆದಿರುತ್ತಾರೆ.