ಕಡಿರುದ್ಯಾವರದಲ್ಲಿ ಭಾರಿ ಗಾಳಿಗೆ ನೆಲಕಚ್ಚಿದ ಪಪ್ಪಾಯಿ ತೋಟ- ಲಕ್ಷಾಂತರ ರೂ. ನಷ್ಟ

ಬೆಳ್ತಂಗಡಿ: ಲೀಸ್‌ಗೆ ಪಡೆದ ಜಮೀನಿನಲ್ಲಿ ನೆಟ್ಟ ಪಪ್ಪಾಯಿ ಗಿಡಗಳು ಮೇ 12ರಂದು ಸಾಯಂಕಾಲ ಬೀಸಿದ ಭಾರಿ ಗಾಳಿಯಿಂದಾಗಿ ನೆಲಕ್ಕುರುಳಿದ್ದು, ಲಕ್ಷಾಂತರ ರೂಪಾಯಿ ನಷ್ಟವಾಗಿದೆ.

ಕಡಿರುದ್ಯಾವರ ನಿವಾಸಿ ಬಿಜು ವರ್ಗೀಸ್ ನಷ್ಟಕ್ಕೊಳಗಾದವರು.ಅವರು ಗ್ರಾಮದ ಗಜಂತೋಡಿ ಎಂಬಲ್ಲಿ ಲೀಸ್‌ಗೆ ಜಾಗ ಪಡೆದು ಸುಮಾರು 1,400 ತೈವಾನ್ ರೆಡ್ ಲೇಡಿ ತಳಿಯ ಪಪ್ಪಾಯಿ ಗಿಡಗಳನ್ನು ನೆಟ್ಟಿದ್ದು, ಈ ಪೈಕಿ ಸುಮಾರು 500 ಫಲಭರಿತ ಗಿಡಗಳು ಗಾಳಿಗೆ ಸಿಲುಕಿ ಮುರಿದು ಬಿದ್ದಿವೆ.

ಇದರಿಂದಾಗಿ ಸುಮಾರು 15 ಲಕ್ಷ ರೂಪಾಯಿ ನಷ್ಟವಾಗಿದೆ ಎಂದು ವಿದೇಶದಲ್ಲಿರುವ ಬಿಜು ವರ್ಗೀಸ್ ಸುದ್ದಿ ಬಿಡುಗಡೆಗೆ ಮಾಹಿತಿ ನೀಡಿದ್ದಾರೆ.