ಚರಂಡಿಯಲ್ಲಿ ಶೇಖರಣೆಯಾಗಿದೆ ಗಲೀಜು ನೀರು- ಕಂಪ್ಲೆಂಟ್ ಮಾಡಿ ಸಾಕಾಯ್ತು- ಸೊಳ್ಳೆಕಾಟ, ವಾಸನೆಯಿಂದಾಗಿ ಮೂಗು ಬಿಡಲಾಗುತ್ತಿಲ್ಲ- ಸುದ್ದಿಬಿಡುಗಡೆಗೆ ಕರೆ ಮಾಡಿದ ಕಕ್ಕಿಂಜೆ ನಿವಾಸಿ

ಕಕ್ಕಿಂಜೆ: ಚಾರ್ಮಾಡಿ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಕಕ್ಕಿಂಜೆಯಲ್ಲಿ ಚರಂಡಿಯಲ್ಲಿ ಹರಿಯೇಬೇಕಾಗಿದ್ದ ನೀರು ರಸ್ತೆ ಬಂದಿಯ ಹೊಂಡದಲ್ಲಿ ಶೇಖರಣೆಯಾಗಿದೆ. ಈ ಬಗ್ಗೆ ಗ್ರಾಮ ಪಂಚಾಯತ್ ನವರಿಗೆ, ಜನಪ್ರತಿನಿಧಿಗಳಿಗೆ ದೂರು ನೀಡಿದರೂ ಯಾವುದೇ ಪ್ರಯೋಜನವಾಗಿಲ್ಲ.

ಸಿಕ್ಕಾಪಟ್ಟೆ ಸೊಳ್ಳೆಯ ಕಾಟ ಮತ್ತು ವಾಸನೆಯಿಂದ ಓಡಾಡಲು ಕೂಡ ಆಗುತ್ತಿಲ್ಲ ಎಂದು ಸ್ಥಳೀಯ ನಿವಾಸಿ ಅಬ್ದುಲ್ ನಜೀರ್ ರವರು ಸುದ್ದಿಗೆ ಕರೆ ಮಾಡಿ ತಿಳಿಸಿದ್ದಾರೆ. ಕಕ್ಕಿಂಜೆಯ ಡಿಸಿಸಿ ಬ್ಯಾಂಕ್ ಮುಂಭಾಗದಲ್ಲಿರುವ ಚರಂಡಿಯಲ್ಲಿ ನೀರು ನಿಂತಿದ್ದು, ಆ ಚರಂಡಿಗೆ ಕೊಳಚೆ ನೀರು ಬಿಡ್ತಿದ್ದಾರೆ, ಅಲ್ಲದೇ ಸಾರ್ವಜನಿಕರಿಗೆ ನಡೆದಾಡಲು ಸಾಧ್ಯವಾಗುತ್ತಿಲ್ಲ ಎಂದು ತಿಳಿಸಿದ್ದಾರೆ.

ಅಲ್ಲದೇ, ಈ ಬಗ್ಗೆ ಚಾರ್ಮಾಡಿ ಗ್ರಾಮ ಪಂಚಾಯತ್ ಗೆ ದೂರು ನೀಡಿದ್ರೂ ಯಾವುದೇ ಪ್ರಯೋಜನವಾಗಿಲ್ಲ ಎಂದು ಕರೆ ಮಾಡಿ ತಿಳಿಸಿದ್ದಾರೆ.ಈ ಬಗ್ಗೆ ಸಂಬಂಧಪಟ್ಟವರು ಕೂಡಲೇ ಸ್ಪಂಧಿಸಿ, ಸಾರ್ವಜನಿಕರ ಸಮಸ್ಯೆಯನ್ನು ಪರಿಹರಿಸಬೇಕೆಂದು ಒತ್ತಾಯಿಸಿದ್ದಾರೆ.