ಪೆರ್ಲ: ಡಿ.31ರಂದು ನಡೆಯುವ ಶ್ರೀ ರಾಜರಾಜಶ್ವರೀ ಭಜನಾ ಮಂಡಳಿ ಪೆರ್ಲ-ಶಿಬಾಜೆ ಇದರ 40ನೇ ವರ್ಷದ ಸಂಭ್ರಮಾಚರಣೆ ಪ್ರಯುಕ್ತ ನಡೆಯುವ ಭಜನೋತ್ಸವದ ಆಮಂತ್ರಣ ಪತ್ರಿಕೆ ಬಿಡುಗಡೆಯನ್ನು ಡಿ.16 ರಂದು ಭಜನಾ ಮಂದಿರದ ಆವರಣದಲ್ಲಿ ಹಿರಿಯರಾದ ಪ್ರೇಮಚಂದ್ರ ರಾವ್ ಪೆರ್ಲ ಇವರು ನೆರವೇರಿಸಿದರು.
ಈ ಸಂಧರ್ಭದಲ್ಲಿ ಭಜನಾ ಮಂಡಳಿ ಅಧ್ಯಕ್ಷರಾದ ವಿನಯ ಚಂದ್ರ.ಟಿ ಗೌರವಾಧ್ಯಕ್ಷರಾದ ತ್ಯಾಂಪಣ್ಣ ಶೆಟ್ಟಿಗಾರ್, ಉಪಾಧ್ಯಕ್ಷರಾದ ಧನಂಜಯ ಶೆಟ್ಟಿಗಾರ್,ಕಾರ್ಯದರ್ಶಿ ಕಿರಣ್ ಕುಮಾರ್,ಪಂಚಾಯತ್ ಸದಸ್ಯರಾದ ವನಿತಾ.ವಿ ಶೆಟ್ಟಿಗಾರ್, ಊರಿನ ಹಿರಿಯರು, ಭಜನಾ ಮಂಡಳಿ ಸದಸ್ಯರು ಉಪಸ್ಥಿತರಿದ್ದರು.
ಭಜನೋತ್ಸವದಲ್ಲಿ ಜಿಲ್ಲೆಯ ಸುಮಾರು 60 ತಂಡಗಳು ಭಾಗವಹಿಸಲಿದ್ದು ಮುಂಜಾನೆ 6 ಗಂಟೆಯಿಂದ ಪ್ರಾರಂಭವಾಗಿ ರಾತ್ರಿ 9ಗಂಟೆಯವರೆಗೂ ನಡೆಯಲಿದೆ.
ರಾತ್ರಿ 9.30 ಕ್ಕೆ ಸಂಗಮ ಕಲಾವಿದರು ಉಜಿರೆ ಇವರಿಂದ ನನ ಮರ್ಲ್ ಕಟ್ಟೊರ್ಚಿ ತುಳು ಹಾಸ್ಯ ಮಯ ನಾಟಕ ನಡೆಯಲಿದೆ ಎಂದು ಪತ್ರಿಕಾ ವರದಿಯಲ್ಲಿ ತಿಳಿಸಿದ್ದಾರೆ.
ಕಾರ್ಯಕ್ರಮದ ಸ್ವಾಗತವನ್ನು ತ್ಯಾಂಪಣ್ಣ ಶೆಟ್ಟಿಗಾರ್, ಧನ್ಯವಾದವನ್ನು ಕಿರಣ್ ಕುಮಾರ್ ನೆರವೇರಿಸಿದರು.