ಬಳಂಜ: ದೈವಗಳನ್ನು ಆರಾಧನೆ ಮಾಡುವಂತಹ ಹೆಸರಾಂತ ಮನೆತನಗಳಲ್ಲಿ ಒಂದಾದ ಬಳಂಜ ಗ್ರಾಮದ ಬೋಂಟ್ರೊಟ್ಟು ಗುತ್ತಿನ ಗಣೇಶ್ ಬಿ.ಪೂಜಾರಿಯವರಿಗೆ ಡಿ.15ರಂದು ಅಳದಂಗಡಿ ಅರಮನೆಯಲ್ಲಿ ವೇಣೂರು ಅಜಿಲ ಸೀಮೆಯ ತಿಮ್ಮಣ್ಣರಸರಾದ ಡಾ.ಪದ್ಮ ಪ್ರಸಾದ್ ಅಜಿಲರವರು ಗಡಿ ಪ್ರಧಾನ (ಅರಸು ಪಟ್ಟಿ) ಮಾಡಿದರು.
ಬೋಂಟ್ರೊಟ್ಟು ಗುತ್ತಿನಲ್ಲಿ ಈಗಾಗಲೇ ಧರ್ಮರಸು ಕೊಡಮಣಿತ್ತಾಯ ದೈವ ಹಾಗೂ ಪರಿವಾರ ಶಕ್ತಿಗಳ ಜೀರ್ಣೋದ್ಧಾರ ಕಾರ್ಯ ಊರವರ ಸಹಕಾರದಿಂದ ನಡೆಸಲಾಗುತ್ತಿದೆ ಎಂದರು.
ಈ ಸಂದರ್ಭದಲ್ಲಿ ಅಜಿಲ ಸೀಮೆಯ ಗುತ್ತು ಗುರಿಕಾರರು, ಚಾವಡಿ ನಾಯಕರು,ಗಣೇಶ್ ಪೂಜಾರಿಯವರ ಸಹೋದರರರಾದ ಮಹಾಬಲ ಪೂಜಾರಿ, ಕೃಷ್ಣಪ್ಪ ಪೂಜಾರಿ, ಸದಾನಂದ ಪೂಜಾರಿ, ಹಾಗೂ ಕುಟುಂಬಸ್ಥರು, ಊರಿನ ಗಣ್ಯರು ಉಪಸ್ಥಿತರಿದ್ದರು.