ಬೆಳ್ತಂಗಡಿ: ಅಖಿಲ ಭಾರತ ಶ್ರೀ ಸತ್ಯಸಾಯಿ ಸೇವಾ ಸಮಿತಿ ಬೆಳ್ತಂಗಡಿ ಹಾಗೂ ಶ್ರೀ ಸನಾತನ ಸಾರಥಿ ಸೇವಾ ಟ್ರಸ್ಟ್ (ರಿ) ಬೆಳ್ತಂಗಡಿ ಆಶ್ರಯದಲ್ಲಿ ವರ್ಷಂಪ್ರತಿ ಜರಗುವ ಜಾಗತಿಕ ಅಖಂಡ ಭಜನೆ ಕಾರ್ಯಕ್ರಮ ನ.11ರಂದು ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಕಲಾಭವನ (ಪಿನಾಕಿ)ದಲ್ಲಿ ಜರಗಿತು.
ಸಮಿತಿಯ ಸಂಚಾಲಕ ವಿ.ಕೃಷ್ಣಪ್ಪ ಪೂಜಾರಿ ಹಾಗೂ ಸಮಿತಿಯ ಪದಾಧಿಕಾರಿಗಳು ದೀಪ ಪ್ರಜ್ವಲಿಸಿ ಈ ಅಖಂಡ ಭಜನಾ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.
ಸಮಿತಿಯ ಮಹಿಳಾ ವಿಭಾಗದವರು, ಸಮಿತಿಯ ಸದಸ್ಯರು, ಬಾಲವಿಕಾಸ ಮಕ್ಕಳು, ಯುವ ವಿಭಾಗದವರು ಅನುಕ್ರಮವಾಗಿ ಭಜನೆ ನಡೆಸಿಕೊಟ್ಟರು.
ಉಜಿರೆಯ ಶ್ರೀ ರವಿರಾಜ್ ಮತ್ತು ತಂಡ, ಚೊಕ್ಕಾಡಿಯ ಶ್ರೀ ಸಾಯಿ ನಾರಾಯಣ ಭಟ್ ತಂಡ, ಬೆಳ್ತಂಗಡಿಯ ಪ್ರಸನ್ನ ಆಚಾರ್ಯ ತಂಡ, ಹುಣ್ಸೆಕಟ್ಟೆ ಶ್ರೀ ರಾಮ ಭಜನಾ ಮಂಡಳಿಯವರು, ಉಜಿರೆಯ ಶಾಂತಾರಾಮ, ಸಂದೇಶ್ ಮತ್ತು ಮಕ್ಕಳ ತಂಡ ಮದ್ದಡ್ಕ ಅನುಕ್ರಮವಾಗಿ ಈ ಅಖಂಡ ಭಜನಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಈ ಕಾರ್ಯಕ್ರಮದ ಯಶಸ್ಸಿಗೆ ಸಹಕರಿಸಿದರು.
ನ.12ರ ಬೆಳಿಗ್ಗೆ 5 ಗಂಟೆಗೆ ಓಂಕಾರ, ಸುಪ್ರಭಾತದ ಬಳಿಕ ಭಜನಾ ಕಾರ್ಯಕ್ರಮ ಮುಂದುವರಿದು ಸಾಯಂಕಾಲ ಕಾರ್ಯಕ್ರಮ ಮುಕ್ತಾಯವಾಯಿತು.
ಸಮಿತಿಯ ಸಂಚಾಲಕರಾದ ಎ.ಕೃಷ್ಣಪ್ಪ ಪೂಜಾರಿ ಅವರು ಸಹಕರಿಸಿದ ಎಲ್ಲರಿಗೂ ಕೃತಜ್ಞತೆ ಸಲ್ಲಿಸದರು.