ಪಟ್ರಮೆ: ಇಲ್ಲಿನ ಮೈಕೆ ಮೊಗೇರ್ಕಳ ಗರಡಿ ಮೈದಾನದಲ್ಲಿ 24ನೇ ವರ್ಷದ ಶ್ರೀ ಕೃಷ್ಣ ಜನ್ಮಾಷ್ಟಮಿ ಆಚರಣೆಯನ್ನು ಸೆ.17 ರಂದು ಆಚರಿಸಲಾಯಿತು.
ಉದ್ಘಾಟನೆ ನೆರವೇರಿಸಿ ಮಾತನಾಡಿದ ಅನಾರು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಪ್ರಧಾನ ಅರ್ಚಕ ಗುರುಪ್ರಸಾದ್ ನಿಡ್ವಣ್ಣಾಯ, ಶ್ರೀ ಕೃಷ್ಣನ ಉದಾತ್ತ ಚರಿತೆ ಕೇಳಿದವರಿಗೆಲ್ಲಾ ಸನ್ಮಂಗಲವಾಗಲಿ ಎಂದು ಆಶಿಸಿದರು.
ಅಧ್ಯಕ್ಷತೆಯನ್ನು ಜನ್ಮಾಷ್ಟಮಿ ಸಮಿತಿ ಅದ್ಯಕ್ಷ ಜಯಂತ ಪಾದೇಜಾಲು ವಹಿಸಿದರು.
ಮುಖ್ಯ ಅತಿಥಿಗಳಾಗಿ, ಪಂಚಾಯತ್ ಸದಸ್ಯೆ ಗಿರಿಜಾ ಬಾಳೆಹಿತ್ಲು, ಪ್ರಗತಿಪರ ಕೃಷಿಕ ಚಂದ್ರಶೇಖರ್ ಅನಾರು, ಪಂಚಾಯತ್ ಮಾಜಿ ಸದಸ್ಯ ಶ್ಯಾಮ್ ಭಟ್ ಬೋಳೋಡಿ, ಬೆಳ್ತಂಗಡಿ ಪ್ರಸನ್ನ ಆಂಗ್ಲ ಮಾಧ್ಯಮ ಶಾಲಾ ಶಿಕ್ಷಕ ಎಂ.ಕೆ.ಕನ್ಯಾಡಿ, ಮೊಗೇರ ಸೇವಾ ಸಮೃದ್ಧಿ ಇದರ ಜಿಲ್ಲಾಧ್ಯಕ್ಷ ಸದಾಶಿವ ಕುರುಂದ ಉಪಸ್ಥಿತರಿದ್ದು, ಕಾರ್ಯಕ್ರಮದಲ್ಲಿ ಬಹುಮಾನಿತರನ್ನು ಗೌರವಿಸಿದರು.
ವಿದ್ಯಾರ್ಥಿಗಳಾದ ಕೀರ್ತಿ ಭವ್ಯ ಪ್ರಾರ್ಥಿಸಿ, ಬಾಬು ಪೆರ್ಲೆ ಸ್ವಾಗತಿಸಿ, ಅಣ್ಣು ಬಾಳೆಹಿತ್ಲು ವಂದಿಸಿದರು.ಮಾಯಿಲ, ಆನಂದ್ ಪಟ್ರಮೆ ಸಹಕರಿಸಿದರು.ಆಟೋಟಗಳ ತೀರ್ಪುಗಾರರಾಗಿ ಸಾನು ಕಲ್ಲಗುಡ್ಡೆ ಉಪಸ್ಥಿತರಿದ್ದರು.