ಉಜಿರೆ: ಶ್ರೀ ಉಮಾಮಹೇಶ್ವರ ಭಜನಾ ಮಂಡಳಿ ಕಿರಿಯಾಡಿ ಉಜಿರೆ ಇದರ ಆಶ್ರಯದಲ್ಲಿ ಸೆ.10 ರಂದು ನಡೆಯಲಿರುವ 33ನೇ ವರ್ಷದ ಶ್ರೀ ಕೃಷ್ಣಾಷ್ಟಮಿ ಆಚರಣೆಯ ಆಮಂತ್ರಣ ಪತ್ರಿಕೆ ಮತ್ತು ಕಿರಿಯಾಡಿ ದೇವರ ಭಕ್ತಿಗೀತೆಯ 2ನೇ ಹಾಡಿನ ಧ್ವನಿಸುರುಳಿಯನ್ನು ಸದಾಶಿವ ದೇವಸ್ಥಾನದ ಮೊಕ್ತೆಸರರಾದ ವಾಸುದೇವ ಸಂಪಿಗೆತ್ತಾಯ ಬಿಡುಗಡೆಗೊಳಿಸಿದರು.
ಈ ಸಂದರ್ಭದಲ್ಲಿ ಅರ್ಚಕ ಕೃಷ್ಣಮೂರ್ತಿ ಹೊಳ್ಳ, ಭಜನಾ ಮಂಡಳಿ ಅಧ್ಯಕ್ಷ ವಿಠ್ಠಲ ನಾಯ್ಕ, ಉಪಾಧ್ಯಕ್ಷ ಗಿರೀಶ, ಜೊತೆ ಕಾರ್ಯದರ್ಶಿ ಯಾದವ ಕುಲಾಲ್, ಕೋಶಧಿಕಾರಿ ರಮೇಶ ಗೌಡ ಕಿರಿಯಾಡಿ ಜಾತ್ರೋತ್ಸವ ಸಮಿತಿಯ ಕಾರ್ಯದರ್ಶಿ ತಿರುಮಲೇಶ ಭಟ್, ಕೊರಗಪ್ಪ ಗೌಡ, ಧ್ವನಿ ಸುರುಳಿಯ ಗಾಯಕ ಕೇಶವ ದೇವಾಂಗ, ಸಹಕಾರ ನೀಡಿದ ಧರ್ಣಪ್ಪ ಗೌಡ ಧರಣಿ, ಪೃಥ್ವಿರಾಜ್ ಶೆಟ್ಟಿ ಹಾಗೂ ಭಕ್ತಾದಿಗಳು ಭಾಗವಹಿಸಿದರು. ಸುಚಿತ್ರಾ ಆರ್.ನಾಯ್ಕ ಪಂಚಳಿಕೆ ಕಾರ್ಯಕ್ರಮ ನಿರೂಪಿಸಿದರು.