ಧರ್ಮಸ್ಥಳ: ಕಾರು-ದ್ವಿಚಕ್ರ ವಾಹನ ಮುಖಾಮುಖಿ ಡಿಕ್ಕಿ

ಧರ್ಮಸ್ಥಳ: ಕಾರು- ದ್ವಿಚಕ್ರ ವಾಹನ ಮುಖಾಮುಖಿ ಡಿಕ್ಕಿ ಹೊಡೆದಿರುವ ಘಟನೆ ಬೆಳ್ತಂಗಡಿ ತಾಲೂಕಿನ ಧರ್ಮಸ್ಥಳ ಗ್ರಾಮದ ಕುಲೆಂಜಿರೋಡಿ ಎಂಬಲ್ಲಿ ನಡೆದಿದೆ.

ಘಟನೆ ಪರಿಣಾಮ ದ್ವಿಚಕ್ರ ವಾಹನ ಸವಾರಳಿಗೆ ಗಂಭೀರ ಗಾಯಗಳಾಗಿದೆ. ಗಾಯಾಳುವನ್ನು ತ್ರಿಪುಣ್ಯ ಎಂದು ಹೇಳಲಾಗಿದೆ.

ಮೇ 27 ರಂದು ಪ್ರಕಾಶ್ ಎಂಬವರು ತಮ್ಮ ಕಾರಿನಲ್ಲಿ ಪತ್ನಿ ಅನ್ನಪೂರ್ಣ ಹಾಗೂ ಮಕ್ಕಳಾದ ಶ್ರೀರಕ್ಷಾ , ಪ್ರದೀಪ, ಪ್ರಸನ್ನ ಎಂಬವರೊಂದಿಗೆ ಮುಂಡಾಜೆಯಿಂದ ಧರ್ಮಸ್ಥಳದ ಕಡೆಗೆ ಸಾಗುತ್ತಿದ್ದರು. ಧರ್ಮಸ್ಥಳದ ಕುಲೆಂಜಿರೋಡಿ ಎಂಬಲ್ಲಿ ದ್ವಿಚಕ್ರ ವಾಹನವೊಂದು ಎದುರಾಗಿದ್ದು, ಕಾರು- ದ್ವಿಚಕ್ರ ವಾಹನ ಮುಖಾಮುಖಿಯಾಗಿ ಡಿಕ್ಕಿಹೊಡೆದಿದೆ.

ಘಟನೆ ಪರಿಣಾಮ ಎರಡೂ ವಾಹನಗಳು ಜಖಂ ಆಗಿದ್ದು, ದ್ವಿಚಕ್ರ ವಾಹನ ಸವಾರಳಾದ ತ್ರಿಪುಣ್ಯ ಎಂಬವರಿಗೆ ಗಂಭೀರ ಗಾಯಗಳಾಗಿದ್ದು, ತಕ್ಷಣವೇ ಉಜಿರೆ ಬೆನಕ ಆಸ್ಪತ್ರೆಗೆ ದಾಖಲಿಸಲಾಯಿತು.

ಸದ್ಯ ಘಟನೆಯು ತ್ರಿಪುಣ್ಯಳ ನಿಯಮ ಉಲ್ಲಂಘನೆಯ ಸಂಚಾರದಿಂದ ನಡೆದಿದೆ ಎನ್ನಲಾಗಿದೆ.