ಯುವಕನೊಬ್ಬನಿಗೆ ಅಂಗಡಿ ಮಾಲಕನಿಂದ ಹಲ್ಲೆ

ಗುರುವಾಯನಕೆರೆ: ಯುವಕನೊಬ್ಬನಿಗೆ ಅಂಗಡಿ ಮಾಲಕ ಹಲ್ಲೆ ನಡೆಸಿದ ಘಟನೆ ಮೇ.19ರಂದು ಗುರುವಾಯನಕೆರೆಯಲ್ಲಿ ನಡೆದಿದೆ.
ಗುರುವಾಯನಕೆರೆ ಸುಪ್ರಿಮ್ ಎಲೆಕ್ಟ್ರಾನಿಕ್ಸ್ ಅಂಗಡಿ ಮಾಲಕ ಝಬೈರ್ ಖಾಸಗಿ ಕಂಪನಿಯ ಉದ್ಯೋಗಿಯೊಬ್ಬರಿಗೆ ಹಲ್ಲೆ ನಡೆಸಿದ್ದು ಯುವಕ ಬೆಳ್ತಂಗಡಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಖಾಸಗಿ ಪೈನಾನ್ಸ್ ನ ಉದ್ಯೋಗಿ ಪ್ರಶಾಂತ್ ಎಂಬಾತ ಎಲೆಕ್ಟ್ರಾನಿಕ್ಸ್ ವಸ್ತುವೊಂದರ ಲಾಗಿನ್ ಮಾಡಲೆಂದು ಗುರುವಾಯನಕೆರೆಯಲ್ಲಿರುವ ಝುಬೈರ್ ಅವರ ಮಾಲಕತ್ವದ ಸುಪ್ರಿಮ್ ಎಲೆಕ್ಟ್ರಾನಿಕ್ಸ್ ಗೆ ತೆರಳಿದ್ದು, ಈ ಸಂದರ್ಭದಲ್ಲಿ ಅಂಗಡಿಯಲ್ಲಿ ಕೆಲಸ ನಿರ್ವಹಿಸುತಿರುವ ಸಿಬ್ಬಂದಿಯೊಂದಿಗೆ ಮಾತನಾಡಿದ ಎಂಬ ಕಾರಣವೊಡ್ಡಿ ಮಾಲಕ ಝುಬೈರ್ ಹಲ್ಲೆ ಮಾಡಿರುವುದಾಗಿ ತಿಳಿದು ಬಂದಿದೆ.

ಹಲ್ಲೆಗೊಳಗಾದ ಯುವಕ ಬೆಳ್ತಂಗಡಿ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ತೆರಳಿದ್ದು, ಈ ಬಗ್ಗೆ ಬೆಳ್ತಂಗಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.