ಬೆಳ್ತಂಗಡಿ: ಡಾ| ರವೀಶ್ ಮಯ್ಯರವರಿಗೆ ಅಮೇರಿಕಾದ ಯುನಿರ್ವಸಿಟಿ ಆಫ್ ಮೇರಿಲ್ಯಾಂಡ್ ನಿಂದ ಡಾಕ್ಟರೇಟ್ ಪದವಿ ದೊರಕಿರುತ್ತದೆ. ಅವರು ಮಂಡಿಸಿದ ಮೆಕ್ಯಾನಿಸಂ ಡಿಸೈನ್ ಟು ಮಿಟಿಗೇಟ್ ಡಿಸ್‌ಪಾರಿಟೀಸ್ ಇನ್ ಆನ್‌ಲೈನ್ ಪ್ಲಾಟ್‌ಫಾರಂ: ಎವಿಡೆನ್ಸ್ ಫ್ರಮ್ ಎಂಪೆರಿಕಲ್ ಸ್ಟಡೀಸ್” (Mechanism Designs to Mitigate Disparities in Online Platform: Evidence from Empirical Studies) ಎಂಬ ಮಹಾಪ್ರಬಂಧಕ್ಕೆ ಈ ಪದವಿ ಸಿಕ್ಕಿರುತ್ತದೆ.
ಇವರು ಡಾ| ಶಿವ ವಿಶ್ವನಾಥನ್ ರವರ ಮಾರ್ಗರ್ಶನದಲ್ಲಿ ಈ ಪ್ರಬಂಧ ಮಂಡಿಸಿದ್ದರು. ಪ್ರಕೃತ ಡಾ| ರವೀಶ್ ಮಯ್ಯರವರು ಪ್ರತಿಷ್ಠಿತ ನ್ಯೂಯಾರ್ಕ್ ಯುನಿವರ್ಸಿಟಿಯಲ್ಲಿ ಅಸಿಸ್ಟೆಂಟ್ ಪ್ರೊಫೆಸರ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಇವರು ಎಸ್.ಡಿ.ಎಂ ಕಾಲೇಜಿನ ನಿವೃತ್ತ ಪ್ರಾಧ್ಯಾಪಕರಾದ ರಾಧಾಕೃಷ್ಣ ಮಯ್ಯರ ಪುತ್ರರಾಗಿರುತ್ತಾರೆ.
