ದಲಿತೇತರರಿಗೆ ಡಿಸಿ ಮನ್ನಾ ಭೂಮಿಯಲ್ಲಿ 94ಸಿ ಹಕ್ಕುಪತ್ರ ಕೂಡಲೇ ರದ್ದತಿ ಕ್ರಮಕ್ಕೆ ವೆಂಕಣ್ಣ ಕೊಯ್ಯೂರು ಆಗ್ರಹ

ಕೊಯ್ಯೂರು: ಕೊಯ್ಯೂರು ಗ್ರಾಮದ ಡಿಸಿ ಮನ್ನಾ ಭೂಮಿಯಲ್ಲಿ ದಲಿತೇತರಿಗೆ ಕೂಡ 94 ಸಿ ಹಕ್ಕುಪತ್ರ ನೀಡಲಾಗಿದ್ದು ಅವುಗಳನ್ನು ರದ್ದುಪಡಿಸಿ ಆ ಭೂಮಿಯನ್ನು ದಲಿತ ಸಮುದಾಯದವರಿಗೆ ಶೀಘ್ರ ಮಂಜೂರು ಮಾಡಬೇಕು ಎಂದು ಡಿಎಸ್‌ಎಸ್ ಜಿಲ್ಲಾ ನಾಯಕ ವೆಂಕಣ್ಣ ಕೊಯ್ಯೂರು ಆಗ್ರಹಿಸಿದ್ದಾರೆ.
ಈ ಬಗ್ಗೆ ಇತ್ತೀಚೆಗೆ ನಡೆದ ಕೊಯ್ಯೂರು ಗ್ರಾಮ ಸಭೆಯಲ್ಲೂ ನಾನು ಆಗ್ರಹಿಸಿ ನಿರ್ಣಯ ಕೈಗೊಳ್ಳುವಂತೆ ಮಾಡಿದ್ದೇನೆ. ದಲಿತರ ಅಭಿವೃದ್ದಿಗಾಗಿ ಮೀಡಲಿಟ್ಟಿರುವ ಡಿಸಿ ಮನ್ನಾ ಭೂಮಿ ಅನೇಕ ಕಡೆ ಇದೇ ರೀತಿ ಉಳ್ಳವರ ಪಾಲಾಗಿದೆ. ನಾವು ಈ ಬಗ್ಗೆ ಅನೇಕ ಬಾರಿ ಪ.ಜಾ ಮತ್ತು ಪಂಗಡದ ಕುಂದುಕೊರತೆ ಸಭೆಗಳಲ್ಲಿ ಒತ್ತಾಯಿಸುತ್ತಾ ಬಂದರೂ ಯಾವುದೇ ಪ್ರಯೋಜನವಾಗಿಲ್ಲ. ಹೀಗೆ ಮುಂದುವರಿದರೆ ಸಮುದಾಯ ಸಂಘಟಿತರಾಗಿ ಮುಂದಿನ ಹೋರಾಟ ಕೈಗೊಳ್ಳಬೇಕಾಗುತ್ತದೆ ಎಂದು ಅವರು ಮಾಧ್ಯಮಕ್ಕೆ ನೀಡಿದ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

About The Author

Related posts

Leave a Reply

Your email address will not be published. Required fields are marked *

Copy Protected by Chetan's WP-Copyprotect.