ಶಿರ್ಡಿಸಾಯಿ ಸತ್ಯಸಾಯಿ ಸೇವಾಕ್ಷೇತ್ರದಲ್ಲಿ ಹರಿಕಥಾ ಕಾರ್ಯಕ್ರಮ

  Sathyasayi harikathartha kryakramaಬೆಳ್ತಂಗಡಿ: ನ.19 ರಂದು ವಾರ್ಷಿಕ ಮಹಿಳಾ ದಿನಾಚರಣೆಯ ಪ್ರಯುಕ್ತ ಸಾಯಿ ಕ್ಷೇತ್ರದಲ್ಲಿ ಮಹಿಳೆಯರಿಂದ ಲಲಿತ ಸಹಸ್ರನಾಮ ಪಠಣ, ಸಾಯಿ ಸಹಸ್ರನಾಮ ಪಠಣ, ಪಾದುಕ ನಾಮಾವಳಿ ಭಜನೆ ಮತ್ತು ಹರಿಕಥಾ ಕಾರ್ಯಕ್ರಮ ಜರಗಿತು.
ಸತ್ವ ಪರೀಕ್ಷೆ ಎಂಬ ಹರಿಕಥಾ ಕಾಲಕ್ಷೇಪವನ್ನು ಶ್ರೀಮತಿ ಸುವರ್ಣ ಕುಮಾರಿ ಮೋಹನ್ ಕಲ್ಲುರಾಯ ಇವರು ನಡೆಸಿಕೊಟ್ಟು ಭಕ್ತರ ಮನಸೆಳೆದರು. ಇವರು ಯಕ್ಷಗಾನ ತಾಳಮದ್ದಳೆ, ಗಮಕ ಹಾಗೂ ಧಾರ್ಮಿಕ ಉಪನ್ಯಾಸ ಮಾಡುತ್ತಾ ಸಮಾಜ ಸೇವೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಮತ್ತು ಜೂನಿಯರ್ ಕಾಲೇಜು ಬೆಳ್ತಂಗಡಿ ಇಲ್ಲಿ ಉಪನ್ಯಾಸಕಿ ಆಗಿ ಸೇವೆ ಸಲ್ಲಿಸುತ್ತಾ ವಿದ್ಯಾರ್ಥಿಗಳ ಪ್ರೀತಿಗೆ ಪಾತ್ರರಾಗಿದ್ದಾರೆ. ಇವರನ್ನು ಮಹಿಳಾ ಸದಸ್ಯರು ಗೌರವಿಸಿದರು. ಹಾರ್ಮೋನಿಯಂನಲ್ಲಿ ಮಧೂರು ಮೋಹನ್ ಕಲ್ಲುರಾಯ, ತಬಲಾದಲ್ಲಿ ಶಿವಾನಂದ ಯಾತನೂರು ಸಹಕರಿಸಿದರು. ಕಾರ್ಯಕ್ರಮದಲ್ಲಿ ಹಿರಿಯ ಮಹಿಳೆಯರನ್ನು ಸೀರೆ ಮತ್ತು ಪ್ರಸಾದ ನೀಡಿ ಗೌರವಿಸಲಾಯಿತು. ಮಕ್ಕಳಿಗೆ ಮತ್ತು ಮಹಿಳೆಯರಿಗೆ ವಿವಿಧ ಸ್ಪರ್ಧಾ ಕಾರ್ಯಕ್ರಮಗಳನ್ನು ಮಾಡಲಾಯಿತು. ನಂತರ ನಾರಾಯಣ ಸೇವೆ ನೀಡಲಾಯಿತು.

About The Author

Related posts

Leave a Reply

Your email address will not be published. Required fields are marked *

Copy Protected by Chetan's WP-Copyprotect.