ಎರಡು ಪ್ರತ್ಯೇಕ ಅಪಘಾತ: ತಾಲೂಕಿನ ಇಬ್ಬರು ದಾರುಣ ಸಾವು ಮದ್ದಡ್ಕ ಅಪಘಾತದಲ್ಲಿ ಅಬೂಬಕ್ಕರ್, ಬಜಗೋಳಿ ಅಪಘಾತದಲ್ಲಿ ನಿಶ್ಚಿತ್ ಗೌಡ ವಿಧಿವಶ

Advt_NewsUnder_1
Advt_NewsUnder_1
Advt_NewsUnder_1

car 1

nischinth 1 copy

car

Maddadka car copyಬೆಳ್ತಂಗಡಿ : ಬೆಳ್ತಂಗಡಿ ತಾಲೂಕಿನ ಮದ್ದಡ್ಕ ಮತ್ತು ಕಾರ್ಕಳ ತಾಲೂಕು ಬಜಗೊಳಿಯಲ್ಲಿ ನಡೆದ ಎರಡು ಪ್ರತ್ಯೇಕ ಅಪಘಾತದಲ್ಲಿ ತಾಲೂಕಿನ ಇಬ್ಬರು ದಾರುಣವಾಗಿ ಮೃತಪಟ್ಟಿದ್ದಾರೆ.
ಏ. 26 ರಂದು ರಾತ್ರಿ ಮದ್ದಡ್ಕದಲ್ಲಿ ನಡೆದ ಅಪಘಾತದಲ್ಲಿ ಇಲ್ಲಿನ ಸುಲ್ತಾನ್‌ಗುರಿ ನಿವಾಸಿ ಅಬೂಬಕ್ಕರ್(66ವ.) ಸಾವನ್ನಪ್ಪಿದರೆ, ಏ. 27 ರಂದು ಕಾರ್ಕಳ ತಾಲೂಕು ಬಜಗೊಳಿಯಲ್ಲಿ ನಡೆದ ಅಪಘಾತದಲ್ಲಿ ಉಜಿರೆ ಗ್ರಾಮದ ಶಿವಾಜಿನಗರ ನಿವಾಸಿ, ಸುಂದರ ಗೌಡ ಮತ್ತು ಹೇಮಾವತಿ ದಂಪತಿ ಪುತ್ರ ನಿಶ್ಚಿತ್ ಗೌಡ (23ವ.) ಮೃತರಾದರು.
ಮದ್ದಡ್ಕ ಅಪಘಾತ ವಿವರ:
ಏ. 26 ರ ರಾತ್ರಿ 8.45 ರ ವೇಳೆಗೆ ತನ್ನ ಮನೆಯಿಂದ ಮದ್ದಡ್ಕ ಪೇಟೆ ಕಡೆಗೆ ಹೊರಟಿದ್ದ ಅಬೂಬಕ್ಕರ್ ಅವರಿಗೆ ಅತಿವೇಗದಿಂದ ಬಂದ ಕಾರೊಂದು ಡಿಕ್ಕಿಹೊಡೆದು ರಸ್ತೆ ಬದಿ ಪಲ್ಟಿಯಾಗಿದೆ. ಈ ವೇಳೆ ಅಬೂಬಕ್ಕರ್ ಅವರ ತಲೆಗೆ ಗಂಭೀರ ಗಾಯವಾಯಿತು. ತಕ್ಷಣ ವಿಚಾರ ತಿಳಿದು ಅವರ ಮಕ್ಕಳಾದ ಅಶ್ರಫ್ ಮತ್ತು ಸಾಹಿಲ್ ಮುಹಮ್ಮದ್ ಅವರು ತಂದೆಯವರನ್ನು ಗುರುವಾಯನಕೆರೆ ಅಭಯಾ ಆಸ್ಪತ್ರೆಗೆ ಕೊಂಡೊಯ್ದು ಪ್ರಥಮ ಚಿಕಿತ್ಸೆ ನೀಡಿದರು. ಇನ್ನೂ ಹೆಚ್ಚಿನ ಚಿಕಿತ್ಸೆಗಾಗಿ ಅವರನ್ನು ಜಲೀಲ್ ಅವರ ಅಂಬುಲೆನ್ಸ್‌ನಲ್ಲಿ ಮಂಗಳೂರಿಗೆ ಸಾಗಿಸುವ ಪ್ರಯತ್ನದ ನಡುವೆ ಪುಂಜಾಲಕಟ್ಟೆ ತಲುಪುತ್ತಿದ್ದಂತೆ ಅವರು ಮೃತಪಟ್ಟರು. ಬಳಿಕ ವಾಹನ ತಿರುಗಿ ಅವರ ಮೃತದೇಹವನ್ನು ಬೆಳ್ತಂಗಡಿ ಸರಕಾರಿ ಆಸ್ಪತ್ರೆಯ ಶವಾಗಾರದಲ್ಲಿರಿಸಲಾಯಿತು. ಬಳಿಕ ಮರಣೋತ್ತರ ಪರೀಕ್ಷೆ ನಡೆಸಿ ಮದ್ದಡ್ಕ ಮಸೀದಿ ಆವರಣದಲ್ಲಿ ದಫನ ನಡೆಸಲಾಯಿತು.
ಮೃತರು ಪತ್ನಿ ಆಸ್ಯಮ್ಮ, ಪುತ್ರರಾದ ಅಶ್ರಫ್, ಸಾಹಿಲ್ ಮುಹಮ್ಮದ್ (ಮುಸ್ತಫಾ), ಸಂಶುದ್ದೀನ್, ಪುತ್ರಿಯರಾದ ಝುಹುರಾ, ರುಕಿಯಾ ಮತ್ತು ಆಯಿಶಾ ಹಾಗೂ ಬಂಧುವರ್ಗದವರನ್ನು ಅಗಲಿದ್ದಾರೆ. ಮೃತರ ಮನೆಗೆ ಶಾಸಕ ವಸಂತ ಬಂಗೇರ, ಮಾಜಿ ಶಾಸಕ ಪ್ರಭಾಕರ ಬಂಗೇರ, ತಾ.ಪಂ. ಸದಸ್ಯ ಗೋಪಿನಾಥ ನಾಯಕ್, ಮಾಜಿ ಸದಸ್ಯ ಪ್ರಭಾಕರ ಶೆಟ್ಟಿ ಉಪ್ಪಡ್ಕ, ಮದ್ದಡ್ಕ ಮಸೀದಿ ಕಟ್ಟಡ ನಿರ್ಮಾಣ ಸಮಿತಿ ಅಧ್ಯಕ್ಷ ಅಬ್ಬೋನು ಮದ್ದಡ್ಕ, ಎಂ. ಉಮರಬ್ಬ, ಮಸೀದಿ ಧರ್ಮಗುರುಗಳಾದ ರಫೀಕ್ ಅಹ್‌ಸನಿ ಸೇರಿದಂತೆ ಅನೇಕ ಮಂದಿ ಗಣ್ಯರು ಭೇಟಿ ನೀಡಿ ಅಂತಿಮ ದರ್ಶನ ಪಡೆದರು.
ಬಜಗೊಳಿ ಅಪಘಾತದ ವಿವರ:
ಏ. ೨೭ ರಂದು ಬೆಳಿಗ್ಗೆ ಕಾರ್ಕಳ ತಾಲೂಕು ಬಜಗೊಳಿ ಎಂಬಲ್ಲಿ ಮಿನಿ ಬಸ್ಸು ಮತ್ತು ಶಿಫ್ಟ್ ಕಾರಿನ ನಡುವೆ ನಡೆದ ಅಪಘಾತದಲ್ಲಿ ನಿಶ್ಚಿತ್ ಗೌಡ ನಿಧನರಾದರು.
ಕಾರಿನಲ್ಲಿದ್ದ ಮಾಲತಿ ರಾವ್, ಕೃತಿ ಉಡುಪ, ಆಧ್ಯಾ ಅವರುಗಳಿಗೂ ಗಾಯಗಳಾಗಿದ್ದು ಈ ಪೈಕಿ ಮಾಲತಿ ರಾವ್ ಅವರಿಗೆ ತೀವ್ರ ಗಾಯಗಳಾಗಿದ್ದು ಅವರನ್ನು ಮಣಿಪಾಲ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ನಿಶ್ಚಿತ್ ಗೌಡ ಅವರು ಉತ್ತಮ ದುಡಿಮೆಗಾರನಾಗಿದ್ದು, ಚಾಲಕರಾಗಿಯೂ ಕಾರ್ಯನಿರ್ವಹಿಸುತ್ತಿದ್ದರು. ಅವರು ಉಜಿರೆಯ ಮಾಲತಿ ರಾವ್ ಅವರ ಮನೆಯವರನ್ನು ಉಡುಪಿಯಲ್ಲಿ ನಡೆಯಬೇಕಾಗಿದ್ದ ಮದುವೆ ಸಮಾರಂಭಕ್ಕೆಂದು ಶಿಫ್ಟ್ ಕಾರಿನಲ್ಲಿ ಕರೆದೊಯ್ಯುತ್ತಿದ್ದಾಗ ಈ ಅಪಘಾತ ಸಂಭವಿಸಿದೆ. ಅಪಘಾತದಿಂದ ಮಿನಿ ಬಸ್ಸು ಮತ್ತು ಕಾರು ಎರಡರ ಮುಂಭಾಗವೂ ಜಖಂ ಗೊಂಡಿದ್ದು ಪ್ರಾರಂಭದಲ್ಲಿ ನಿಶ್ಚಿತ್ ಮತ್ತು ಸಹಪ್ರಯಾಣಿಕರು ಗಾಯಗೊಂಡಿದ್ದರು. ತಕ್ಷಣ ಅವರನ್ನು ಆಸ್ಪತ್ರೆಗೆ ಸಾಗಿಸಿ ಸೂಕ್ತ ಚಿಕಿತ್ಸೆ ನೀಡಲಾಯಿತದರೂ ಚಾಲಕರಾಗಿದ್ದ ನಿಶ್ಚಿತ್ ಮಾತ್ರ ಮೃತಪಟ್ಟರು.
ಮೃತರು ತಂದೆ ಸುಂದರ ಗೌಡ, ತಾಯಿ ಹೇಮಾವತಿ, ಮೂವರು ಸಹೋದರಿಯರಾದ ನವ್ಯಾ, ದಿವ್ಯಾ ಮತ್ತು ಭವ್ಯಾ ಹಾಗೂ ಬಂಧುವರ್ಗದವರನ್ನು ಅಗಲಿದ್ದಾರೆ. ಮೃತ ನಿಶ್ಚಿತ್ ಮನೆಗೆ ಓರ್ವನೆ ಗಂಡು ಮಗನಾಗಿದ್ದ. ಆರ್ಥಿಕವಾಗಿ ಸಾಧಾರಣ ಸ್ಥಿತಿಯಲ್ಲಿದ್ದ ಅವರ ಮನೆಗೆ ಇವರೇ ಭವಿಷ್ಯದ ಆಧಾರ ಸ್ಥಂಬವಾಗಿದ್ದ. ಇದೀಗ ಅವರ ಅಕಾಲಿಕ ಅಗಲುವಿಕೆಯಿಂದ ತಂದೆ ತಾಯಿ ಅತೀವ ದುಃಖಿತರಾಗಿದ್ದಾರೆ.
ವಿಷಯ ತಿಳಿಯುತ್ತಿದ್ದಂತೆ ಉಜಿರೆಯ ಉದ್ಯಮಿ ಆರ್. ಎಮ್ ರವಿ ಚಕ್ಕಿತ್ತಾಯ ಅವರು ಸುದ್ದಿಯನ್ನು ಅಗತ್ಯ ಇರುವ ಎಲ್ಲರಿಗೂ ಮುಟ್ಟಿಸಿದ್ದು ತಕ್ಷಣ ಅಪಘಾತ ಸ್ಥಳಕ್ಕೆ ಮತ್ತು ಮಣಿಪಾಲ ಆಸ್ಪತ್ರೆಗೆ ಹೋಗುವಲ್ಲಿ ಸಹಕಾರಿಯಾದರು. ಅವರ ನೆರೆಹೊರೆಯವರಾದ ಡಾ| ರವೀಂದ್ರನಾಥ ಪ್ರಭು, ಗುತ್ತಿಗೆದಾರ ಶ್ರೀನಿವಾಸ ಗೌಡ “ಮಧುರಾ” ಮತ್ತು ಇತರರು ಮಣಿಪಾಲಕ್ಕೆ ಧಾವಿಸಿದ್ದಾರೆ. ಇತ್ತ ಮೃತರ ಮನೆಗೂ ಅನೇಕ ಗಣ್ಯ ಮಹನೀಯರು ಭೇಟಿ ನೀಡಿ ಮನೆಮಂದಿಗೆ ಸಾಂತ್ವನ ಹೇಳಿದ್ದಾರೆ.

About The Author

Related posts

Leave a Reply

Your email address will not be published. Required fields are marked *

Copy Protected by Chetan's WP-Copyprotect.