ತಾಲೂಕಿನಾದ್ಯಂತ 71ನೇ ಗಣರಾಜ್ಯೋತ್ಸವ

Advt_NewsUnder_1
Advt_NewsUnder_1
Advt_NewsUnder_1

ಅಳದಂಗಡಿ: ಸೈಂಟ್ ಪೀಟರ್ ಕ್ಲೇವರ್ ಆಂಗ್ಲ ಮಾಧ್ಯಮ ಶಾಲೆ ಅಳದಂಗಡಿಯಲ್ಲಿ ಗಣರಾಜ್ಯೋತ್ಸವವನ್ನು ಆಚರಿಸಲಾಯಿತು. ಶಾಲಾ ಸಂಚಾಲಕರಾದ ವಂ| ಸ್ವಾಮಿ ನವೀನ್ ಪಿಂಟೋರವರು ಧ್ವಜಾರೋಹಣವನ್ನು ನೆರವೇರಿಸಿದರು.
ವಿದ್ಯಾರ್ಥಿಗಳಿಂದ ಪಥ ಸಂಚಲನ ನಡೆಯಿತು. ಸಮಾರಂಭದ ಅಧ್ಯಕ್ಷತೆಯನ್ನು ವಂ| ಸ್ವಾಮಿ ನವೀನ್ ಪಿಂಟೋರವರು ವಹಿಸಿ, ಗಣರಾಜ್ಯೋತ್ಸವದ ಮಹತ್ವವನ್ನು ತಿಳಿಸಿ ಶುಭಹಾರೈಸಿದರು. ವೇದಿಕೆಯಲ್ಲಿ ಶಿಕ್ಷಕ-ರಕ್ಷಕ ಸಂಘದ ಉಪಾಧ್ಯಕ್ಷರಾದ ಸುರೇಶ್ ಸುಲ್ಕೇರಿ , ಚರ್ಚ್ ಪಾಲನಾ ಸಮಿತಿಯ ಉಪಾಧ್ಯಕ್ಷರಾದ ಲಾರೆನ್ಸ್ ಪಾಯಸ್ , ಮುಖ್ಯ ಶಿಕ್ಷಕಿ ಸಿ| ರಾಣಿಪುದುಪಳ್ಳಿ ಉಪಸ್ಥಿತರಿದ್ದರು.
ಶಾಲಾ ಬ್ಯಾಂಡ್ ತಂಡ, ವಿದ್ಯಾರ್ಥಿಗಳು, ಶಿಕ್ಷಕರು , ಪೋಷಕರು ಹಾಗೂ ವಿದ್ಯಾಭಿಮಾನಿಗಳು ರಾಷ್ಟ್ರಧ್ವಜಕ್ಕೆ ನಮನ ಸಲ್ಲಿಸಿದರು. ಸಹಶಿಕ್ಷಕಿ ಶ್ರೀಮತಿ ನಂದಿನಿಯವರು ನಿರೂಪಿಸಿದ ಕಾರ್‍ಯಕ್ರಮದಲ್ಲಿ, ಶ್ರೀಮತಿ ಪ್ರೀತಿಯವರು ಸ್ವಾಗತಿಸಿ, ಸಹಶಿಕ್ಷಕ ಅವಿನ್ ವಾಸ್‌ರವರು ವಂದಿಸಿದರು.

ಸೈಂಟ್ ಪೀಟರ್ ಕ್ಲೇವರ್ ಆಂಗ್ಲ ಮಾಧ್ಯಮ ಶಾಲೆ ಅಳದಂಗಡಿ

ಬೆಳ್ತಂಗಡಿ: ಹೋಲಿ ರಿಡೀಮರ್ ಶಾಲೆಯಲ್ಲಿ ಗಣರಾಜ್ಯೋತ್ಸವವನ್ನು ಆಚರಿಸಲಾಯಿತು. ಕಾರ್ಯಕ್ರಮದ ಮುಖ್ಯ ಅತಿಥಿ ವಂ. ಫಾ. ಕ್ಲೆಮೆಂಟ್ ಮಾರ್ಟಿಸ್ ರವರು ಧ್ವಜಾರೋಹಣವನ್ನು ನೆರವೇರಿಸಿದರು. ಶಾಲಾ ಮುಖ್ಯೋಪಾಧ್ಯಾಯರಾದ ವಂ. ಫಾ. ಜೇಸನ್ ಮೋನಿಸ್ ರವರು ಸಂವಿಧಾನ ಶಿಲ್ಪಿ ಡಾ. ಬಿ. ಆರ್ . ಅಂಬೇಡ್ಕರ್ ಮತ್ತು ಗಣರಾಜ್ಯ ದಿನದ ಕುರಿತು ತಿಳಿಸಿದರು. ಶಾಲಾ ವಾದ್ಯತಂಡ, ವಿದ್ಯಾರ್ಥಿಗಳು ಮತ್ತು ಶಿಕ್ಷಕವೃಂದದವರು ರಾಷ್ಟ್ರಧ್ವಜಕ್ಕೆ ನಮನವನ್ನು ಸಲ್ಲಿಸಿದರು.

ಹೋಲಿ ರಿಡೀಮರ್ ಶಾಲೆ

ಲಾಯಿಲ: ಪ್ರಸನ್ನ ವಿದ್ಯಾಸಂಸ್ಥೆಗಳಲ್ಲಿ ಜ.೨೬ ರಂದು ಗಣರಾಜ್ಯೋತ್ಸವ ಆಚರಣೆಯನ್ನು ನಡೆಸಲಾಯಿತು. ಪ್ರಸನ್ನ ವಿದ್ಯಾಸಂಸ್ಥೆಗಳ ಅಧ್ಯಕ್ಷ ಮಾಜಿ ಸಚಿವ ಗಂಗಾಧರ ಗೌಡ ಧ್ವಜರೋಹಣ ನೆರವೇರಿಸಿದರು.
ಪ್ರಸನ್ನ ಆಯುರ್ವೇದ ಕಾಲೇಜು, ಪ್ರಸನ್ನ ಪಾಲಿಟೆಕ್ನಿಕ್, ಪ್ರಸನ್ನ ಕೈಗಾರಿಕಾ ತರಬೇತಿ ಕೇಂದ್ರ, ಪ್ರಸನ್ನ ಬಿ.ಎಡ್, ಪ್ರಸನ್ನ ನರ್ಸಿಂಗ್ ಮತ್ತು ಪ್ರಸನ್ನ ಸಿ.ಬಿ.ಎಸ್.ಸಿ ಮತ್ತು ಪಿ.ಯು ಕಾಲೇಜಿನ ವಿದ್ಯಾರ್ಥಿಗಳ ವರ್ಣ ರಂಜಿತ ಪಥ ಸಂಚಲನದ ಗೌರವ ವಂದನೆಯನ್ನು ಪ್ರಸನ್ನ ಸಂಸ್ಥೆಯ ಚೇರೆಮೆನ್ ಗಂಗಾಧರ ಗೌಡ ಸ್ವೀಕರಿಸಿದರು.
ಮಹಾತ್ಮಗಾಂಧಿ ರಾಷ್ಟ್ರ ಭಾಷಾ ಪ್ರಚರ ಸಮಿತಿಯಿಂದ ಗೋಲ್ಡ್ ಮಡೆಲಿಸ್ಟ್ ಹುಹೇನಾಳನ್ನು ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಅತ್ಯುತ್ತಮ ಪಥ ಸಂಚಲನದ ಟ್ರೋಫಿ ಪ್ರಸನ್ನ ಕೇಂದ್ರಿಯ ಶಾಲೆಗೆ ನೀಡಿ ಗೌರವಿಸಲಾಯಿತು. ವರ್ಷವಿಡೀ ನಡೆದ ಸಾಂಸ್ಕೃತಿಕ ಚಟುವಟಿಕೆಗಳಿಗೆ ಸಿ.ಬಿ.ಎಸ್. ಶಾಲೆಯ ಈ ಕೆಳಗಿನ ಸ್ಕಾಡ್‌ಗಳಿಗೆ ನೀಡಲಾಯಿತು. ಪ್ರಥಮ ಟ್ರೋಪಿ ತಿಲಕ್ ತಂಡ, ದ್ವಿತೀಯ: ಝಾನ್ಸಿ ತಂಡ, ತೃತೀಯ: ಅಂಬೇಡ್ಕರ್ ತಂಡಕ್ಕೆ ನೀಡಿ ಗೌರವಿಸಲಾಯಿತು. ಈ ಕೆಳಗಿನ ೧೦ನೇ ಮತ್ತು ಪಿಯುಸಿ ವಿದ್ಯಾರ್ಥಿಗಳಿಗೆ ಬಹುಮಾನ ನೀಡಿ ಗೌರವಿಸಲಾಯಿತು. ಸುಹೈಬ್ ಎಸ್, ಅಬಿಷೇಕ್ ಸಿ. ತೇಜಸ್, ಹೇಮಂತ್ ಕುಮಾರ್, ಅಬಿಷೇಕ್ ಎಸ್, ಏಂಜೆಲ್ ಮರಿಯಾ, ಮುನ್ನಾವರ, ಫಾತಿಮತ್ ಶಾಯ್ಮು, ಇಝಾನ, ಝೂವುದ್ ರೆಹಮಾನ್, ಮಹಮ್ಮದ್ ಸಿನಾನ್, ಪ್ರತೀಕ್, ಅಯ್ವಿನ್ ರೋಶನ್, ಮುನೈಶಾ, ಸಮಿನಾ. ಶಾಲಾ ವಿದ್ಯಾರ್ಥಿಗಳಿಂದ ದೇಶ ಭಕ್ತಿಗೀತೆಗಳು ನಡೆದವು.
ಕೇಂದ್ರಿಯ ಶಾಲಾ ಪ್ರಾಂಶುಪಾಲ ಫ್ರೇಂಕ್ ಹಿಲರಿ ಡಿಸೋಜಾ ಪ್ರಸ್ತಾವನೆಯೊಂದಿಗೆ ಸ್ವಾಗತಿಸಿದರು. ಶಿಕ್ಷಕಿ ಶೀಲ ಪ್ರಭಾ ಧನ್ಯವಾದವಿತ್ತರು. ಶಿಕ್ಷಕಿ ಭಾರತಿ ಕಾರ್ಯಕ್ರಮ ನಿರೂಪಿಸಿದರು. ಪ್ರಸನ್ನ ಸಂಸ್ಥೆಗಳ ಎಲ್ಲಾ ಪ್ರಾಂಶುಪಾಲರುಗಳು, ಆಡಳಿತಾಧಿಕಾರಿ, ಕಿರಣ್ ಹೆಬ್ಬಾರ್, ಪ್ರಸನ್ನ ಶಿಕ್ಷಣ ಸಂಯೋಜಕ ಕೀರ್ತಿನಿಧಿ, ಚಿತ್ತರಂಜನ್, ಆಯುರ್ವೇದ ಶಿಕ್ಷಣ ಸಂಸ್ಥೆಯ ವೈದ್ಯರುಗಳು, ಪ್ರೊಫೆಸರುಗಳು, ಪ್ರಸನ್ನ ಪಾಲಿಟೆಕ್ನಿಕ್ ಸಂಸ್ಥೆಯ ಇಂಜಿನಿಯರ್‍ಸ್, ಉಪನ್ಯಾಸಕರು, ಕೇಂದ್ರಿಯ ಸಂಸ್ಥೆಯ ಶಿಕ್ಷಕ ಶಿಕ್ಷಕೇತರ ಸಿಬ್ಬಂದಿಗಳು ಗಣರಾಜ್ಯೋತ್ಸವಲ್ಲಿ ಭಾಗಿಯಾದರು.

ಲಾಯಿಲ: ಪ್ರಸನ್ನ ವಿದ್ಯಾಸಂಸ್ಥೆ

ವೇಣೂರು : ಇಲ್ಲಿನ ಶಾಂತಿನಗರ ಮುನವ್ವಿರುಲ್ ಇಸ್ಲಾಂ ಮದರಸದ ವಠಾರದಲ್ಲಿ ೭೧ನೇ ಗಣರಾಜ್ಯೋತ್ಸವನ್ನು ಆಚರಿಸಲಾಯಿತು.
ಮದರಸ ಕಮಿಟಿಯ ಅಧ್ಯಕ್ಷ ಪಿ.ಎಚ್ ಅಶ್ರಫ್ ಧ್ವಜಾರೋಹಣ ಗೈದರು. ಸ್ಥಳೀಯ ಧರ್ಮಗುರುಗಳಾದ ಮುಸ್ತಫಾ ಇಮಾಮಿ, ಎಚ್ ಮಹಮ್ಮದ್ ವೇಣೂರು ಸಂದೇಶ ನೀಡಿದರು. ಎನ್.ಎಮ್.ಎಸ್ ಕಮಿಟಿಯ ಆಧ್ಯಕ್ಷ ರಶೀಧ್ ಕೆ. ಮೊಹಮ್ಮದ್ ಮತ್ತು ಹಲವಾರು ಉಪಸ್ಥಿತರಿದ್ದರು. ಝಬೇರ್ ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು.

ಶಾಂತಿನಗರ ಮುನವ್ವಿರುಲ್ ಇಸ್ಲಾಂ ಮದರಸದ ವಠಾರ

ಪುದುವೆಟ್ಟು: ಜ.೨೬ರಂದು ಶ್ರೀ.ಧ.ಮಂ.ಅ.ಹಿ.ಪ್ರಾ.ಶಾಲೆ ಪುದುವೆಟ್ಟುವಿನಲ್ಲಿ ಗಣರಾಜ್ಯೋತ್ಸವ ದಿನಾಚರಣೆಯನ್ನು ಅರ್ಥಪೂರ್ಣವಾಗಿ ಆಚರಿಸಲಾಯಿತು. ಶಾಲೆಯ ಧ್ವಜಾರೋಹಣ ಕಾರ್ಯಕ್ರಮವನ್ನು ಶಾಲೆಯ ಮುಖ್ಯ ಶಿಕ್ಷಕರಾದ ಡಿ. ವಸಂತ್ ಭಟ್‌ರವರು ನೆರವೇರಿಸಿದರು. ನಂತರ ನಡೆದ ಸಭಾ ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳು ಗಣರಾಜ್ಯೋತ್ಸವದ ಕುರಿತು ಭಾಷಣ ಮಾಡಿದರು. ಕಾರ್ಯಕ್ರಮದಲ್ಲಿ ಶಾಲೆಯ ಎಲ್ಲಾ ಶಿಕ್ಷಕರು ಭಾಗವಹಿಸಿದ್ದರು. ಧ್ವಜಾರೋಹಣ ನೆರವೇರಿಸಿ ಮಾತನಾಡಿದ ಡಿ. ವಸಂತ್ ಭಟ್‌ರವರು ಗಣರಾಜ್ಯೋತ್ಸವದ ಮಹತ್ವವನ್ನು ತಿಳಿಸಿದರು. ವಿದ್ಯಾರ್ಥಿ ಗಳಿಂದ ದೇಶಭಕ್ತಿ ಗೀತೆಗಳನ್ನು ಹಾಡಿಸಲಾಯಿತು. ನಂತರ ಶಾಲಾ ವಿದ್ಯಾರ್ಥಿಗಳಿಗೆ ಸಿಹಿ ಹಂಚಲಾಯಿತು. ವಿದ್ಯಾರ್ಥಿಗಳ ಪ್ರಾರ್ಥನಾ ಗೀತೆ ಯೊಂದಿಗೆ ಆರಂಭಗೊಂಡ ಕಾರ್ಯ ಕ್ರಮವನ್ನು ಕು/ನಿವೇದಿತಾ ನಿರೂಪಿಸಿ, ಮಾ/ಯತೀಶ್ ಸ್ವಾಗತಿಸಿ, ಮಾ/ ಶೇಕ್ ಇಮ್ರಾನ್ ಧನ್ಯವಾದಗೈದರು.

ಶ್ರೀ.ಧ.ಮಂ.ಅ.ಹಿ.ಪ್ರಾ.ಶಾಲೆ ಪುದುವೆಟ್ಟು

ಕಕ್ಕಿಂಜೆ: ಭಾರತ ವೈವಿಧ್ಯತೆಯಲ್ಲಿ ಏಕತೆ ಕಂಡಿರುವ ರಾಷ್ಟ್ರ ಇಲ್ಲಿ ಅದರ ಸಂವಿಧಾನ ಸರ್ವರಿಗೂ ಸಮಬಾಳು- ಸರ್ವರಿಗೂ ಸಮಪಾಲು ಜೊತೆಗೆ ಸಮಾನತೆ, ಬಾತೃತ್ವ, ಸ್ವಾತಂತ್ರ್ಯವನ್ನು ನೀಡಿ ವಿಶ್ವದಲ್ಲೇ ಅತ್ಯಂತ ಶ್ರೇಷ್ಠ ಸಂವಿಧಾನ ಎನಿಸಿಕೊಂಡಿದೆ. ಆದುದರಿಂದ ದೇಶದ ಪ್ರತಿಯೊಬ್ಬ ಪ್ರಜೆಗೂ ಸಂವಿಧಾನದ ಅರಿವು ಇರಬೇಕು ಎಂದು ೭೧ನೇ ಗಣರಾಜ್ಯೋತ್ಸವದ ಸಂದರ್ಭ ಕರುಣ್ಯ ಆಂಗ್ಲಮಾಧ್ಯಮ ಶಾಲೆಯಲ್ಲಿ ಧ್ವಜಾರೋಹಣ ಮಾಡಿ ವಿದ್ಯಾರ್ಥಿಗಳಿಗೆ ಸಂದೇಶವನ್ನು ನ್ಯಾಯವಾದಿ ಶ್ರೀನಿವಾಸ ಗೌಡ ನೀಡಿದರು. ಈ ಸಂದರ್ಭ ಶಾಲಾ ಸಂಚಾಲಕರಾದ ಮಹಮ್ಮದ್ ಕೆ, ಮುಖ್ಯ ಶಿಕ್ಷಕ ಚಂದ್ರಪ್ಪ, ಶ್ರೀಮಧು ಮತ್ತು ಶಿಕ್ಷಕ ರಕ್ಷಕ ಸಂಘದ ಅಧ್ಯಕ್ಷ ಹಾರೀಸ್ ರೆಹಮಾನ್, ಸದಸ್ಯರುಗಳಾದ ಕಿಟ್ಟಾ ಹಾಗೂ ಮುಸ್ತಫ, ಜೋಲಿ, ಎಲ್ಲಾ ಶಿಕ್ಷಕರು ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. ಮುಖ್ಯ ಶಿಕ್ಷಕ ಚಂದ್ರಪ್ಪ ಸ್ವಾಗತಿಸಿ, ಸಹಶಿಕ್ಷಕಿ ಪೌಝೀಯಾ ಧನ್ಯವಾದವಿತ್ತರು ಶಾಲಾ ಶಿಕ್ಷಕ ರಕ್ಷಕ ಸಂಘದ ಅಧ್ಯಕ್ಷ ಹ್ಯಾರೀಸ್ ಮಕ್ಕಳಿಗೆ ಸಿಹಿ ತಿಂಡಿ ವಿತರಿಸಿದರು.

ಕರುಣ್ಯ ಆಂಗ್ಲಮಾಧ್ಯಮ ಶಾಲೆ

ಬೆಳ್ತಂಗಡಿ: ರಾಷ್ಟ್ರೀಯ ಹಬ್ಬವಾದ ಪ್ರಜಾ ಪ್ರಭುತ್ವ ದಿನಾಚರಣೆಯನ್ನು ನಮ್ಮ ಶಾಲೆಯಲ್ಲಿ ಪ್ರತೀ ವರ್ಷದಂತೆ ಮೌಲ್ಯಯುತವಾಗಿ ಆಚರಿಸಲಾಯಿತು.
ಮುಖ್ಯ ಅತಿಥಿಯಾಗಿ ಆಗಮಿಸಿದ ವಿಮುಕ್ತಿ ಸಂಸ್ಥೆ, ದಯಾಳ್ ಬಾಗ್ ನ ನಿರ್ದೇಶಕರಾದ ವಂ/ಫಾ/ವಿನೋದ್ ಮಸ್ಕರೇನ್ಹಸ್ ರಾಷ್ಟ್ರಧ್ವಜಾರೋಹಣ ಗೈದು ಮಕ್ಕಳಿಗೆ ಎಳವೆಯಲ್ಲಿಯೇ ರಾಷ್ಟ್ರದ ಸಂವಿಧಾನದ ಬಗ್ಗೆ ಅರಿವಿರಬೇಕು ಹಾಗೂ ನಮ್ಮ ಹಕ್ಕು ಮತ್ತು ಕರ್ತವ್ಯಗಳ ಬಗ್ಗೆ ತಿಳಿದಿರಬೇಕು ಮತ್ತು ಎಲ್ಲರೂ ಶಾಂತಿ ,ಸಮಾಧಾನದ ಜೀವನ ನಡೆಸಬೇಕೆಂದರು. ಕಾರ್‍ಯಕ್ರಮದ ಅಧ್ಯಕ್ಷತೆಯನ್ನು ,ಶಾಲಾ ಸಂಚಾಲಕರಾದ ವಂ/ ಫಾ/ ಜೇಮ್ಸ್ ಡಿಸೋಜರವರು ವಹಿಸಿದ್ದರು. ಸಂತ ಅಂತೋನಿ ಚರ್ಚ್‌ನ ಪಾಲನಾ ಮಂಡಳಿಯ ಉಪಾಧ್ಯಕ್ಷರಾದ ಆಂಟನಿ ಫೆರ್ನಾಂಡಿಸ್‌ರವರು ಪ್ರಾಂಶುಪಾಲರಾದ ವಂ/ಫಾ/ ಉದಯ್ ಪೆರ್ನಾಂಡಿಸ್ ರವರು, ಪ್ರಾಥಮಿಕ ಶಾಲಾ ಮುಖ್ಯ ಶಿಕ್ಷಕರಾದ ರವಿಕುಮಾರ್‌ರವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ವಿದ್ಯಾರ್ಥಿನಿ ರೇಚಲ್ ಪಿಂಟೋ ಪ್ರಜಾ ಪ್ರಭುತ್ವ ದಿನದ ಬಗ್ಗೆ ಭಾಷಣ ಮಾಡಿದರು, ವಿದ್ಯಾರ್ಥಿಗಳು ದೇಶಭಕ್ತಿ ಗೀತೆಯನ್ನು ಹಾಡಿದರು. ೧೦ನೇ ತರಗತಿಯ ಧೃತಿ ಸ್ವಾಗತಿಸಿದರು. ೭ನೇ ತರಗತಿಯ ವಂಶಿ ವಂದಿಸಿ, ಕಾರ್‍ಯಕ್ರಮದ ನಿರೂಪಣೆಯನ್ನು ೯ನೇ ತರಗತಿಯ ವಿಕಿತ್ ನಿರ್ವಹಿಸಿದರು.

ಗಂಡಿಬಾಗಿಲು: ಸಿಯೋನ್ ಆಶ್ರಮ, ಗಂಡಿಬಾಗಿಲು ಇಲ್ಲಿ ಗಣರಾಜ್ಯೋತ್ಸವವನ್ನು ಜ.೨೬ ರಂದು ವಿಜೃಂಭಣೆಯಿಂದ ಆಚರಿಸಲಾಯಿತು. ಸಿಯೋನ್ ಆಶ್ರಮದ ಟ್ರಸ್ಟೀ ಸದಸ್ಯರಾದ ಮೇರಿ ಯು.ಪಿ.ಯವರು ಧ್ವಜಾರೋಹಣ ನೆರವೇರಿಸಿ, ಶುಭ ಹಾರೈಸಿದರು. ಸಿಯೋನ್ ಆಶ್ರಮದ ಎಲ್ಲಾ ಟ್ರಸ್ಟೀ ಸದಸ್ಯರುಗಳು, ಆಡಳಿತ ಮಂಡಳಿಯವರು, ಟ್ರಸ್ಟೀ ಕುಟುಂಬಸ್ಥರು, ಸಿಬ್ಬಂದಿವರ್ಗದವರು ಹಾಗೂ ಆಶ್ರಮನಿವಾಸಿಗಳೆಲ್ಲರೂ ಉಪಸ್ಥಿತರಿದ್ದರು.

ಬೆಳ್ತಂಗಡಿ: ಗಣರಾಜ್ಯೋತ್ಸವ ಪ್ರಯುಕ್ತ ಸೋಶಿಯಲ್ ಡೆಮೊಕ್ರಟಿಕ್ ಪಾರ್ಟಿ ಆಫ್ ಇಂಡಿಯಾ ಬೆಳ್ತಂಗಡಿ ವಿಧಾನಸಭಾ ವತಿಯಿಂದ ಗಣರಾಜ್ಯವನ್ನು ಉಳಿಸಿ ಕಾರ್ಯಕ್ರಮವು ಲಾಲ ಜಂಕ್ಷನ್, ಸುನ್ನತ್‌ಕೆರೆ, ಪುಂಜಾಲಕಟ್ಟೆ, ಕುಂಟಿನಿ ಹಾಗೂ ಚಾರ್ಮಾಡಿಯಲ್ಲಿ ನಡೆಯಿತು.
ಕಾರ್ಯಕ್ರಮದಲ್ಲಿ ಧ್ವಜಾರೋಹಣ, ಸಂದೇಶ ಭಾಷಣ, ಸಂವಿಧಾನ ಪೀಠಿಕೆ ಓದುವುದು ನಡೆಯಿತು.
ಎಸ್‌ಡಿಪಿಐ ರಾಷ್ಟ್ರೀಯ ಕಾರ್ಯದರ್ಶಿ ಅಲ್ಫೋನ್ಸ್ ಫ್ರಾಂಕೋ, ಜಿಲ್ಲಾ ಉಪಾಧ್ಯಕ್ಷ ಆಂಟನಿ ಪಿಡಿ, ಜಿಲ್ಲಾ ಸಮಿತಿ ಸದಸ್ಯ ಅಕ್ಬರ್ ಬೆಳ್ತಂಗಡಿ, ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಬೆಳ್ತಂಗಡಿ ಜಿಲ್ಲಾಧ್ಯಕ್ಷ ಮುಸ್ತಫಾ ಗುರುವಾಯನಕೆರೆ ಹಾಗೂ ಇನ್ನಿತರ ನಾಯಕರು, ಕಾರ್ಯಕರ್ತರು ಭಾಗವಹಿಸಿದ್ದರು.
ಅಲ್ಲಾಮಾ ಇಕ್ಬಾಲ್‌ರ “ಸಾರೆ ಜಹಾಂಸೆ ಅಚ್ಚಾ” ದೇಶ ಭಕ್ತಿ ಗೀತೆಯೊಂದಿಗೆ ಆರಂಭಿಸಿ, ರಾಷ್ಟ್ರಗೀತೆಯೊಂದಿಗೆ ಕಾರ್ಯಕ್ರಮ ಕೊನೆಗೊಳಿಸಲಾಯಿತು.

ಲಾಯಿಲ: ಇಲ್ಲಿನ ನೂರುಲ್ ಹುದಾ ಜುಮ್ಮಾ ಮಸ್ಜಿದ್ ಮತ್ತು ನೂರುಲ್ ಹುದಾ ಮದ್ರಸ ವತಿಯಿಂದ ಗಣರಾಜ್ಯೋತ್ಸವ ಆಚರಿಸಲಾಯಿತು.
ಮಸ್ಜಿದ್ ಉಪಾಧ್ಯಕ್ಷ ಅಝೀಝ್ ಆದರ್ಶ ನಗರ ಧ್ವಜಾರೋಹಣ ನೆರವೇರಿಸಿದರು. ಮಸ್ಜಿದ್ ಖತೀಬ್ ಖಾಸಿಂ ಸಅದಿ ಗಣರಾಜ್ಯದ ಸಂದೇಶ ನೀಡಿದರು. ನೂರುಲ್ ಹುದಾ ಮಸ್ಜಿದ್ ಮುಹಝ್ಝಿನ್ ಪ್ರತಿಜ್ಞಾ ವಿದಿ ಬೋಧಿಸಿದರು. ಮಸೀದಿ ಕಮಿಟಿ ಯ ಎಲ್ಲಾ ಪದಾಧಿಕಾರಿಗಳು, ಸದಸ್ಯರು, ಮದರಸ ವಿಧ್ಯಾರ್ಥಿಗಳು ಉಪಸ್ಥಿತರಿದ್ದರು. ರಾಷ್ಟ್ರಗೀತೆ ಹಾಡುವ ಮೂಲಕ ಕಾರ್ಯಕ್ರಮ ಕೊನೆಗೊಳಿಸಲಾಯಿತು.

ಬೆಳ್ತಂಗಡಿ: ರಾಷ್ಟ್ರೀಯ ಹಬ್ಬವಾದ ಪ್ರಜಾ ಪ್ರಭುತ್ವ ದಿನಾಚರಣೆಯನ್ನು ನಮ್ಮ ಶಾಲೆಯಲ್ಲಿ ಪ್ರತೀ ವರ್ಷದಂತೆ ಮೌಲ್ಯಯುತವಾಗಿ ಆಚರಿಸಲಾಯಿತು.
ಮುಖ್ಯ ಅತಿಥಿಯಾಗಿ ಆಗಮಿಸಿದ ವಿಮುಕ್ತಿ ಸಂಸ್ಥೆ, ದಯಾಳ್ ಬಾಗ್ ನ ನಿರ್ದೇಶಕರಾದ ವಂ/ಫಾ/ವಿನೋದ್ ಮಸ್ಕರೇನ್ಹಸ್ ರಾಷ್ಟ್ರಧ್ವಜಾರೋಹಣ ಗೈದು ಮಕ್ಕಳಿಗೆ ಎಳವೆಯಲ್ಲಿಯೇ ರಾಷ್ಟ್ರದ ಸಂವಿಧಾನದ ಬಗ್ಗೆ ಅರಿವಿರಬೇಕು ಹಾಗೂ ನಮ್ಮ ಹಕ್ಕು ಮತ್ತು ಕರ್ತವ್ಯಗಳ ಬಗ್ಗೆ ತಿಳಿದಿರಬೇಕು ಮತ್ತು ಎಲ್ಲರೂ ಶಾಂತಿ ,ಸಮಾಧಾನದ ಜೀವನ ನಡೆಸಬೇಕೆಂದರು. ಕಾರ್‍ಯಕ್ರಮದ ಅಧ್ಯಕ್ಷತೆಯನ್ನು ,ಶಾಲಾ ಸಂಚಾಲಕರಾದ ವಂ/ ಫಾ/ ಜೇಮ್ಸ್ ಡಿಸೋಜರವರು ವಹಿಸಿದ್ದರು. ಸಂತ ಅಂತೋನಿ ಚರ್ಚ್‌ನ ಪಾಲನಾ ಮಂಡಳಿಯ ಉಪಾಧ್ಯಕ್ಷರಾದ ಆಂಟನಿ ಫೆರ್ನಾಂಡಿಸ್‌ರವರು ಪ್ರಾಂಶುಪಾಲರಾದ ವಂ/ಫಾ/ ಉದಯ್ ಪೆರ್ನಾಂಡಿಸ್ ರವರು, ಪ್ರಾಥಮಿಕ ಶಾಲಾ ಮುಖ್ಯ ಶಿಕ್ಷಕರಾದ ರವಿಕುಮಾರ್‌ರವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ವಿದ್ಯಾರ್ಥಿನಿ ರೇಚಲ್ ಪಿಂಟೋ ಪ್ರಜಾ ಪ್ರಭುತ್ವ ದಿನದ ಬಗ್ಗೆ ಭಾಷಣ ಮಾಡಿದರು, ವಿದ್ಯಾರ್ಥಿಗಳು ದೇಶಭಕ್ತಿ ಗೀತೆಯನ್ನು ಹಾಡಿದರು. ೧೦ನೇ ತರಗತಿಯ ಧೃತಿ ಸ್ವಾಗತಿಸಿದರು. ೭ನೇ ತರಗತಿಯ ವಂಶಿ ವಂದಿಸಿ, ಕಾರ್‍ಯಕ್ರಮದ ನಿರೂಪಣೆಯನ್ನು ೯ನೇ ತರಗತಿಯ ವಿಕಿತ್ ನಿರ್ವಹಿಸಿದರು.

About The Author

Related posts

Leave a Reply

Your email address will not be published. Required fields are marked *

Copy Protected by Chetan's WP-Copyprotect.