HomePage_Banner_
HomePage_Banner_
HomePage_Banner_
HomePage_Banner_
HomePage_Banner_
HomePage_Banner_

ಎ.30: ಬೆಳ್ತಂಗಡಿಯ ಕುತ್ಯಾರು ನಾಗಬ್ರಹ್ಮ ದೇವರ ಪುನರ್ ಪ್ರತಿಷ್ಠಾ ಮಹೋತ್ಸವ

ಬೆಳ್ತಂಗಡಿ ನಗರ ಪಂಚಾಯತ್ ವ್ಯಾಪ್ತಿಯ ರಾಮನಗರದ ಕುತ್ಯಾರು ರಸ್ತೆಯಲ್ಲಿರುವ ನಾಗಬ್ರಹ್ಮ ದೇವರ ಪುನಾರ್ ಪ್ರತಿಷ್ಠಾ ಮಹೋತ್ಸವ ಹಾಗೂ ಆಶ್ಲೇಷಾ ಬಲಿ ಸೇವಾ ಕಾರ್ಯಕ್ರಮಗಳು ಬ್ರಹ್ಮಶ್ರೀ ಕೊಯ್ಯೂರು ನಂದ ಕುಮಾರ್ ತಂತ್ರಿಗಳ ನೇತೃತ್ವದಲ್ಲಿ ಎ.30ರಂದು ಜರಗಲಿರುವುದು ಎಂದು ಟ್ರಸ್ಟಿಗಳಾದ ಪ್ರಮೋದ್ ಆರ್ ನಾಯಕ್ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಅತ್ಯಂತ ಪುರಾತನ ಈ ಕ್ಷೇತ್ರವು 1942 ರಿಂದ ದಿ. ಕೆ.ರಾಮನಾಯಕ್ ರವರ ಆಡಳಿತಕ್ಕೊಳಪಟ್ಟು, ನಾಗರ ಪಂಚಮಿಯೊಂದಿಗೆ ಇನ್ನಿತರ ನಾಗಾರಾಧನಾ ಧಾರ್ಮಿಕ ಕಾರ್ಯಕ್ರಮಗಳು ಜರುಗಿಕೊಂಡು 2002ರಲ್ಲಿ ಪರಿಸರದ ಭಕ್ತಾದಿಗಳ ಸಹಕಾರದೊಂದಿಗೆ ಪುನರ್ ಪ್ರತಿಷ್ಠಾ ಕಾರ್ಯಕ್ರಮಗಳು ಜರಗಿರುತ್ತದೆ.
ಪ್ರಸ್ತುತ ರಾಧಾಕೃಷ್ಣ ನಾಯಕ್‌ರವರ ಹಿಶೆಗೆ ಬಂದ ಭೂಮಿಯಲ್ಲಿ ಅವರ ಮಗಳು ಶ್ರೀಮತಿ ಶಶಿಪ್ರಭಾ ಸುರೇಶ್‌ರವರು ತಮ್ಮ ತಂದೆಯಿಂದ ಬಂದ ಜಾಗದಲ್ಲಿ ಐದೂವರೆ ಸೆಂಟ್ಸ್ ಸ್ಥಳವನ್ನು ಕುತ್ಯಾರು ಶ್ರೀ ನಾಗಬ್ರಹ್ಮ ಸೇವಾ ಟ್ರಸ್ಟಿಗೆ ದಾನವಾಗಿ ನೀಡಿದ ಸ್ಥಳದಲ್ಲಿ ಇದೀಗ ನವೀಕರಣಗೊಂಡು ,ನಗರ ಪಂಚಾಯತ್ ವ್ಯಾಪ್ತಿಯ ಏಕೈಕ ನಾಗಬ್ರಹ್ಮ ಕ್ಷೇತ್ರವಾಗಿ ರೂಪುಗೊಂಡು ವೈದಿಕ ಹಾಗೂ ಧಾರ್ಮಿಕ ವಿಧಿ ವಿಧಾನಗಳೊಂದಿಗೆ ನಡೆಯಲಿದೆ. ನಾಗಬ್ರಹ್ಮ ಸೇವಾ ಟ್ರಸ್ಟ್‌ನ ಅಧ್ಯಕ್ಷರಾಗಿ ಮುಗುಳಿ ನಾರಾಯಣ ರಾವ್, ಟ್ರಸ್ಟಿಗಳಾಗಿ ವಿಶ್ವನಾಥ್ ಆರ್ ನಾಯಕ್, ಸಂತೋಷ್ ಕುಮಾರ್ ಜೈನ್, ಡಿ. ಜಗದೀಶ್, ಮಾಧವ ಗೌಡ, ಶಂಕರ್ ಹೆಗ್ಡೆ, ಪ್ರಮೋದ್ ಆರ್. ನಾಯಕ್, ವಿಜಯ ಕುಮಾರ್‌ರವರು ಆಯ್ಕೆಯಾಗಿರುತ್ತಾರೆ.

About The Author

Related posts

Leave a Reply

Your email address will not be published. Required fields are marked *

Copy Protected by Chetan's WP-Copyprotect.