HomePage_Banner_
HomePage_Banner_
HomePage_Banner_
HomePage_Banner_
HomePage_Banner_

ಸವಣಾಲು ರಸ್ತೆ ಬದಿ ತೋಡಿದ್ದ ನಿರುಪಯುಕ್ತ ಬೊರ್‌ವೆಲ್ ಮುಚ್ಚಿ ಮುಂಜಾಗ್ರತೆ ಕ್ರಮ ಪಿಡಿಒ ರಾಜಶೇಖರ್ ಶೆಟ್ಟಿ ಸ್ಪಷ್ಟನೆ

savanalu

savanalu1ಮೇಲಂತಬೆಟ್ಟು ಗ್ರಾ.ಪಂ ವ್ಯಾಪ್ತಿಯ ಸವಣಾಲು- ಬೆಳ್ತಂಗಡಿ ಮುಖ್ಯ ರಸ್ತೆಯ ಸೇತುವೆ ಬಳಿ ರಸ್ತೆ ಬದಿಯಲ್ಲೇ ಕೊರೆದಿದ್ದ ಕೊಳವೆಬಾವಿಯಲ್ಲಿ ನೀರು ಅಲಭ್ಯವಾಗಿರುವುದರಿಂದ ಅದನ್ನು ಗ್ರಾ. ಪಂ ವತಿಯಿಂದ ಮುಚ್ಚಿ ಕ್ರಮ ಕೈಗೊಳ್ಳಲಾಗಿದೆ ಎಂದು ಪಿಡಿಒ ರಾಜಶೇಖರ್ ಶೆಟ್ಟಿ ಸ್ಪಷ್ಟಪಡಿಸಿದ್ದಾರೆ.
ರಸ್ತೆ ತಿರುವೊಂದರ ಸೇತುವೆ ದಾಟುತ್ತಿದ್ದಂತೆ ರಸ್ತೆ ಬದಿಯೇ ಅಂದಾಜು 3 ವಾರಗಳ ಹಿಂದೆ ಈ ಕೊಳವೆ ಬಾವಿ ಕೊರೆಯಲಾಗಿತ್ತು. ಆದರೆ ಅದರಲ್ಲಿ ನೀರು ಸಿಗದೇ ಇದ್ದುದರಿಂದ ಅದನ್ನು ಅಲ್ಲಿಗೇ ಬಿಟ್ಟು ಹೋಗಲಾಗಿತ್ತು.
ಆ ಬಳಿಕ ಜಿಲ್ಲಾಧಿಕಾರಿ ಡಾ| ಕೆ. ಜಿ ಜಗಧೀಶ್, ಜಿ.ಪಂ ಸಿಇಒ ಡಾ| ರವಿ ಅವರ ಆದೇಶದಂತೆ ತೆರೆದ ಕೊಳವೆ ಬಾವಿ ಮುಚ್ಚುವ ಬಗ್ಗೆ ಬಂದಿದ್ದ ಕಟ್ಟುನಿಟ್ಟಿನ ಆಜ್ಞಯಂತೆ ಸಕಾಲದಲ್ಲಿ ಸ್ಪಂದಿಸಿರುವ ಪಂಚಾಯತ್ ಆಡಳಿತ ಈ ಬಗ್ಗೆ ಕ್ರಮ ಜರುಗಿಸಿ ಬೋರ್‌ವೆಲ್ ಕೊಳವೆಯನ್ನು ಮುಚ್ಚಿಸಿ ಕ್ರಮ ಕೈಗೊಂಡಿದೆ.
ಸುದ್ದಿ ಬಿಡುಗಡೆ ಪತ್ರಿಕೆಯ ವತಿಯಿಂದ ಕೊಳವೆಬಾವಿ ಬಗ್ಗೆ ಜನಜಾಗೃತಿ ಅಭಿಯಾನ ಪ್ರಾರಂಭಿಸಿದ್ದು, ಆ ಹಿನ್ನೆಲೆಯಲ್ಲಿ ಈ ಬಗ್ಗೆ ಸಚಿತ್ರ ವರದಿ ಪ್ರಕಟಿಸಿತ್ತು.
ರಸ್ತೆಯ ಮೇಲೆಯೇ ಕಲ್ಲಿನ ಪುಡಿಯ ರಾಶಿ : ಕೊಳವೆ ಬಾವಿಯ ಕೊಳವೆಯೇನೋ ಮುಚ್ಚಲಾಗಿದೆ. ಆದರೆ ಕೊರೆಯುವ ಸಂದರ್ಭ ಹೊರಬಂದಿರುವ ಕಲ್ಲಿನ ಪುಡಿ ಸದ್ರಿ ಸ್ಥಳದ ರಸ್ತೆ ಮೇಲೆಯೇ ರಾಶಿ ಬಿದ್ದಿದ್ದು ಅದನ್ನು ಇನ್ನೂ ತೆರವುಗೊಳಿಸಲಾಗಿಲ್ಲ. ಇದು ಅಪಾಯಕಾರಿ ತಿರುವು ರಸ್ತೆಯ ಬದಿಯೇ ಇದ್ದು ಇಲ್ಲಿ ಮುಂದಕ್ಕೆ ಅಪಾಯ ಆಗುವ ಮೊದಲು ಆಡಳಿತ ಸ್ಪಂದಿಸಬೇಕಿದೆ.

About The Author

Related posts

Leave a Reply

Your email address will not be published. Required fields are marked *

Copy Protected by Chetan's WP-Copyprotect.